لومينا اس اس من ناحية القوّه ..
بس ما يمدحونهآ كثير .. ~
بعدين ورآ مآ تآخذ آفآلون آحسن لك .. ~
سعرهآ حلو .. وفخمه مو بطآله .. ومآكينتها حلوه .. التشغيل الذكي .. ~
وعند البيع ما يحتاج تويوتا
الــسلام علــيكم ورحمتـ اللــه وبــركاته..
انشاللــه الكل بـخير..؟ هذي اول مشاركه لي في المنتدى الافضل في مواضيعه..
اتمنى تريحوني من الحيره اللي انا فيهـا اللــه يريحكم..!!
شنو الافـضـل أكورد2009 أو لومينا اس اس 2009
من كل النواحي وخاصتآ القوة ..؟
لومينا اس اس من ناحية القوّه ..
بس ما يمدحونهآ كثير .. ~
بعدين ورآ مآ تآخذ آفآلون آحسن لك .. ~
سعرهآ حلو .. وفخمه مو بطآله .. ومآكينتها حلوه .. التشغيل الذكي .. ~
وعند البيع ما يحتاج تويوتا
والله يا اخوي
اللومينا قوة قوة قوة قوة وحقت مقاومات
بس مشكلتها خراباتها كثيره هي والكابرس
خاصة الكمبيوتر
الاكورد من وجهة نظري الخاصة افضل واصبر وتمسك سعرها
لو تبي توصل للومينا فانا اريحك من الثنتين واقولك اياها خذلك افالون وارتااااح
شنو الافـضـل أكورد2009 أو لومينا اس اس 2009
من كل النواحي وخاصتآ القوة ..؟
وش تحس فيه انت بقوة اللومينا مقارنه بالأكورد؟؟!!
اخوي من خلال تجربتي حيث انني قمت بتجربه لومينا اس اس 2008 لمده شهرين كانت لولد خالي كان مسافر ونصحني بتجربتها قبل شرائها منه وهي كالتالي :
1: قوه وعزم لايعلى عليه6.0 ليتر وبقوة 360 حصان يعني صارووووخ ولكن بعد 160 انعدام الثبات وغير ثابته وصعبه في التحكم لدرجه انني كنت ساتعرض الى حادث اكثر من مره
2: اصوات لاتعد ولاتحصى في الديكور الداخلي
3: ردائه الديكور مع قله المزايا المتوفره في سيارات اقل منها فئه
4 :مشاكل مصنعيه واهمها الكمبروسر في حالة تعطل مستمر حتى في ال2009 مع مشاكل في ضفيرة الكهرباء والصيانه مليانه
5: جهز مبلغ لايقل عن 600 ريال بنزين شهريا حتى في القياده الهادئه
6: سعرها ينقص بمعدل 45% بعد فتره قليله من الشراء أي قارن بين الاكورد 2008 واللومينا 2008 وشوف العجب (في مجله الوسيله ب 58 الف وقابل للتفاوض )مع صعوبه بيعها في فتره وجيزه لان راغبيها قله أي من الشباب فقط
هذه تجربتي والله امانه وحبيت انقلها لك
التعديل الأخير تم بواسطة اكووورد مجنونه ; 12-09-2009 الساعة 08:44 AM
وانا اشهد باللي مكتوب بالاحمر من خلال تجربة صديقي مع اللومينا اس اس
الرجال مأحذها و كاله و لسى توها ماشية بس 4 الاف و يخرب عليه طرمبة البنزين بخط السفر !!
وحتى الكهرباء عنده ضربت ع الاخيرو جلست بالوكاله اسبوعين ولا عرفو المشكله
و الديكور اصوات جهة ازارير المسجل
بس عجبني فيها قوتها و عزلها يعتبر حلو جدا
وانا صوتي يقول اكوووووووورد لك و للزمن احسن من اللومينا
ودامك وصلت لسعر اللومينا .. ليش ما تشوف لك الافالون ;)
اللومينا حقت فتره بسيطه والاكورد لك ولى الزمن
انا من وجهت نظري الاكورد احسن بكثــــير من نحيت الفخامه
واذا على القوة اكيد اللومينا اقوى
اهم شي تكون مقتنع في السياره؟؟
بسمه تعالى :
من ناحية العزل الصوتي و قوة الإنطلاق ونعومة التعليق و القيادة الديناميكية الرياضية بالخطوط المفتوحة فاللومينا تكسب نقاطآ إضافية .
من ناحية الإعتمادية و الإنقيادية بالقيادة و المناورة و الثبات الخطي و الشعور بالحس الرياضي و فوة و ليونة البنية الهيكلية و جودة المواد الداخلية و الشعور بالفخامة و الحفاظ على السعر مع جودة الإنطلاق الرياضي للمحرك و تفنياته المتفوقه فتحتسب نقاطآ إضافية للأكورد.
إستخر و جرب السيارتين قبل الشراء , مع العلم أن أغلب من يعشقون اللومينا ss قد تحولوا لإمتلاك الكابريس ss و الأكور v6 و ذلك لتفوق مواصفات تلك السيارتين و جودتهما بالقيادة و تفوق المواصفات ....و فقك الله.
هذي بدون عقل بتعرف وش تختار بعد
لازم تعرف اذا بتاخذ لومينا انسى انك تتمشى فيها حتى لو انت ماتسرع السياره تحمسك
وبصراحه الاكورد رصانه وثبات وسعرها ثابت ولاتنسى انها ياباني
ويبقى القرار لك
التعديل الأخير تم بواسطة martini ; 12-09-2009 الساعة 04:38 PM
و عليكم السلام و رحمة الله و بركاته
للمعلومية: يوجد فئات و مواصفات للهوندا أكورد... مثلا يوجد:
أكورد سيدان
أربعة سلندر(178 hp عند ضغص 6500 rpm)
ستة سلندر(271 hp عند ضغص 6200 rpm)
أكورد كوبيه
أربعة سلندر(191 hp عند ضغص 7000 rpm)
ستة سلندر(271 hp عند ضغص 6200 rpm)
.
.
.
??? ماجربت اللومينا ؟؟؟
.
.
.
لكن خلاصة القول: أن الهوندا أفضل لكن اللومينا أقوى
هذا و بالتوفيق لك فيما تختار ;)
التعديل الأخير تم بواسطة false ; 13-09-2009 الساعة 01:23 PM
ياخي لومينا غاليهــــــــــ شف سيارات ثانيهــ أحسنــ
عندكــــ (( gx خليجي ))
أفلونــــ او اريونـــــ
.... الخـــ
فكر ولا تستعجلــــ خذ وقتكـــ ((لا تقولـ قبل العيد )) ترا بتندمـ
يعطيكم العافيه والله ماقصرتوا ..
اعتقد اني بميل الى الهوندا v6 انشالله ..
هههههههههه تصدق انا اشتريت اكورد 2006 ب 70 الف في ذلك الوقت وكان سعر اللومينا 2006 جديدة ب 1010 الاف الحين لو ابيع الاكورد ب55 الف اشتري لوومينا 2006 ss ب38 الف يعني اشتريها وتزيد عليا 17 الف مع انه سعرها جديد كان اغلى من الاكورد شوف المسخرة هههههههههههه نصيحة لومينا وكابرس اذا فكرت تشتريها مستعملة فقط لاتشتري جديد ....وشكرا
يخـــوي مايبي لهـا كلام
اكـورد افضـل من اللومينـا
يخوي اللومينـا بعد فتره يطيح سعرها
وبعد سنه شكلها يصيـر سامج مدري ليه
واذا عندك سعر الاكورد 6 سلنـدر خذها
ولا زد عليها شوي وخذ لك افـالون
يشيخ فخامه ومواصفــات وتمسسسك سعــر صح
وسلامتك
شف أخوي .. أذآ تبي قوه أكييد اللومينآ أقوى
وبرضو الأكورد الـ V6 فيهآ حقهآ أذآ كآنت ممرنه صح ومع سوآق .. صح انهآ موب حول الـ 6 لتر .. بس حليوه ..
أنآ تسآرع سيارتي من 0 - 200 في 24 ثآنيه وكنت حآط بالـ D ..
ومن نآحيه الكآبرس 5.7 .. أنآ توني طآلع على رويآل قبل السحور من 40 الى 180 .. ونآوي أجرب معه مره ثآنيه وبالتصوير وبجيب المقطع لكم أن شآء الله . .
بس صدقني الـ SS 6.0 فيهآ قوه خيآليه .. ومآعليك من المهآيطيه حقين التويوتآ أذآ قآلو لك طلعنآ على الـ 6 لتر .. ترآهم يرفعون لبعض الله يهديهم .. ولآ انآ أستأجرت واحد v8 وشخفت اوريون وافالون من 0 .. وعطيتهم حول الـ 3 عوآميد للـ 225 .. ونآوي أنزل المقطع في تويوتآ العرب وهنآ أن شآء الله . .
بس هم يجربون مع موآتر عزمهآ خآآيس ولا الشآرع نآعم والـ SS مسكين أنوآع المبآوش ويستآنسون أذآ طلعو .. وللمعلوميه انا قد طلعت على لومينآ SS 6.0 الى 160 بس المسكين كآن يفحط فـ طبيعي بطلع .. وهذآ اللي صآير مع الـ SS والأوريون
يعني لو تشتري SS لآتجآكر 6 سلندر هههههههه
بس اذا السيآره بتطول معك لاتشتري SS ألآ أذآ انت بتخليهآ معك فتره
عـ العموم سوري عـ الأطآله بس لآنتسى صلآه الاستخآره
وأذآ شريت أكورد v6 تعآل خل أجرب معك خخخخخخ
والله يكتب لك اللي فيه الخير
يعطيك العافيه اخوي ع المعــلومه ماقصرت ونشالله اقولك اذا شريتها..
بس اغلب الأعضاء قالو افلون ونا ماأحب تويوتا بشكل عام.. شايلها من راسي
انا ما عندي معلومات واجد
بس اللي أعرفه ان الافلون حقت شياب
اذا نويت على تيوتا أنا أنصحك بالاوريون لانها أكثر شبابيه
و ترا مواصفات الاوريون الجديد ما تفرق كثير عن الافلون
التعديل الأخير تم بواسطة ولد الديره ; 14-09-2009 الساعة 06:40 AM
الكورد افضل من اللومينا بكثير اذا شريت لومينا يعني انت شريت خراب
والكورد ياباني يتحمل وقوي والومينا امريكي والامريكي مايصلح عندنا في السعوديه حتى من ناحيته اذا جيت تبيعها سعرها يطيح
تقبل تحياتي
اللومينا قوة راساوة شكل طبعا اللشكل بس في بداية الموديل مكيف هيبه عزل صوتي
لاكن الاكورد توها معايا من ناحية القوة ماهي شي جنب اللومينا اما باقي لامور اتوقع من ناحية الجودة افضل بكثير
وللمعلوميه معايا كابريس ss يعني مجرب الاثنين
واذا قررت على اللومينا خذ كابريس لو L T Z موشرط SS لان بصراحه احس اللومينا حقت اطفال مع احترامي لاصحابها
وعليكم السلام ،
الاكورد اضمن لك 5 سنوات ما راح تدفع فيها شيء ، سيارة عمليه
الشفر فقط له هيبته ، لكن بتكثر روحاتك للصناعية
واحد من ربعي معه اس اس 2007 وكم مرة طق عليه الكمبرسر ..
من خلال تجرتي للومينا لمدة اربع سنوات تقريباً
أجد أن اللومينا أكثر انطلاقة وسرعة وتجاوب
وأكثر ثباتاً وهدوءاً في المنعطفات الحادة
كما أجد أنها أكثر هدوء وعزل للأصوات الخارجية
وهذا كله يعود لشكلها الرياضي والانسيابي الخارجي
لكن عيوبها أكثر من مزاياها وبمراااااااااحل عديدة
وباختصار شديد أجد انها تطلب أكثر من ما تعطي
بعكس الهوندا التي تعطيك أكثر من ما تطلبه منك
وهذه هي القيمة الحقيقة للمستخدم الذي يبحث عن
الجودة والأداء مع قلة التكلفة ......... ولك التحية
يعطيكم العافيه ع المــرور
ماقصرتوا ونشالله بطلع اكورد 2009
كلمت الوالد وقال بعد العيد
والحين استنى العيد بفارغ الصبر:d:d
مواقع النشر (المفضلة)