مشكله قويه ومو لاقي لها حل

**هوندا 2003** · 14-09-2009, 06:11 AM

صباح \ مساء الخير

اخواني انا معي هوندا اكورد 2003 صار عندي خلل من 8 شهور ومو لاقي له حل انا اشتغل في الشرقيه وطريق الدوام يوميا معرض للعواصف الرمليه واذا صار فيه رمال يعلق معي البنص ويصير الموتر يمشي لوحده وتزيد السرعه واحيانا كاني مثبت السرعه اذا وخرت رجلي ما تقل وصعب يوقف حتى تفضي القير وصار لي حادث بسبب هذي المشكله ومو لاقي لها حل اللي يعرف لا يبخل علينا ارجوكم ... :(

**ala77** · 15-09-2009, 05:51 AM

أخي الكريم شيك على السلك اللي يوصل بين دواسة البنزين والماكينة ( في نهايته يوجد زنبرك ) ربما تراكم عليه الغبار وصار يعلق ، عذراً إذا لم يكون الشرح واضحاً.
والله يحفظك ويحفظ الجميع من الحوادث

**أكورداوي** · 15-09-2009, 05:13 PM

اولا الله يحفظك في دربك ويبعد عنا وعنك شر الحوادت ..

مشكلتك ياعزيزي معروفه وتمر علي كثير في سيارتي لأني مثلك أمسك خط الدمام - الاحساء وغالبا مايكون فيه غبار ,,

المشكله يالغالي في منظم الهواء يعلق بسبب الغبار الي يدخله ..فعندك حلين ..

الأول تروح لأي ورشه مثل ورشة الترس أو ورشة السعاده وينظفون لك المنظم مع الفلتر وكل شي ولاتكلفك أكثر من 100 ريال ,,

اذا رجعت المشكله بعد هذي فالله يعينك تغير المنظم وتشيك على حساس الهواء عند أي فحص كمبيوتر وان شاء الله تروح المشكله نهائيا وثق في كلامي لأني مجرب هالشي والى الآن نظفت 3 مرات لأن المنظم ماخرب الى الان الحمد لله لكن يدخله غبار دايما ..

ولا تنسى تشيك على علبة فلتر الهواء والماصوره بين الفلتر وبين الماكينه ,, تأكد انها سليمه من أي شرخ أو أي شي ممكن يدخل منه الغبار على المنظم ..

تحياتي

**بلال العلمي** · 15-09-2009, 10:37 PM

علشان كذا دايم منظم البخاخ الالكتروني افضل اكثر امان من العادي نفس اللي موجود في 2003 -2005

المنظم الالكتروني ركبوه في موديل 2006-2007 والموديلات اللي بعدها كلها والنتيجة قوة احصنة كبيرة وايضا مشكلتك اللي عرضتها اختفت

**Classic Design** · 15-09-2009, 11:31 PM

8 شهور

من 8 شهور و المشكة عندك وجاي تسأل عنها الحين

**هوندا 2003** · 17-09-2009, 06:38 PM

اخي الغالي: اكورداوي

انا نظفت لين تعبت كل بعد فتره ترجع وبالنسبه لمنظم الهواء غيرت بواحد جديد وما راحت المشكله

الاخ كلاسيك ديزاين اذا عندك شي تضيفه قله ولا ابلع العافيه احسن وبلا مصاخه