الموضوع: ممكن تظلل لي بس على مسؤليتك .

أخواني وش الحل مع الشرطة إذا ظللنا يصكوننا بالقسائم والله قهر :( ودي أظلل وأخلي سيارتي من أحلى ما يكون تظليل نيكل كامل;) حتى الواجهه الأمامية مع وضع علامة سيفين ونخلة;) تخيل الشكل على الؤلؤي موت لكن الشرطة هل فيه حل برأيكم تفيدوننا فيه بدل هذي المرمطة اللي إحنا عايشينها وشكراً

ظلل السيارة كاملة بالأسود، وشيل اللوحات، ولا توقف للشرطة!

ياشباب وش سالفتكم أحس أنكم تبغوني أشب في الموتر بأي وسيلة تراي مهبول أسويها لحد يحدني على هذا الشيء .

اخوي Blk حتى التظليل الخفيف بعض الشرطة عندهم لعانه زائدة وحقد لدرجة إني مرة والله فكوا التظليله بالغصب بقوة حتى انمشخت قزاز سيارتي القديمة صني واضطريتي اني احطه بالأول وافحط في وجيههم (خربت الأخلاق )

لا أخوي اكورداوي اشب في سيارتي و إن شاء الله ما نت مقصر بتعطيني الاكورد حقتك ههههههههههههههههههه

والله صادق بقولك ان المرور مبسوطين بالتظليل مالاقاه إلا انا يالضعيفين آآآآه ياليت معي Bmw أو لكزس أو بانورما كان ابن امه ينفس الشرطي .

والله اليوم موقفني عند تفتيش يقول قشع التظليله

اقوله يابن الحلال خفيفه وعازل وانتم سامحين بالخفيف

بعدين اول مسافر للشرقيه وخمسين تفتيش ولا احد قال شي

طيب تفاتيش المطار والتفتيش اللي بالرياض محد قال شي

بالاخير قال خلاص بس تراها ممنوعه

غير تضليل زيبارت وفي كول لا تدور واسئل مجرب ان كانك صامل بتركب انا موجود ومجرب زيبارت وفي كول

يعني اخوي الاخطبوط كلامي صحيح فيه استلعان من بعض الشرطة يبي يخلص دفتر القسايم بأي وسيلة ما يدري ان فوقه الله يحاسبه على كل شيء يسويه وعلى الانظمة اللي يخترعها من تلقاء نفسه ومشكور .

اخوي اكورد 2006 مشكور على طلتك الحلوة لكن ( زيبارت+ وفي كول ) صحيح ان تظليلهم رهيب لكن وش يظمن ما ينشال من الشرطة . والله يعطيك العافية .

ههههههههههه الدعوه خربت ياخي اصبغ زجاج السياره با الاسود واذا قال شلها

قل ما تنشال وتبي تتاكد شلها انت بنفسك ههههههههههه والله بصراحه في استلعان من الشرطه

مره كنت مضلل سيارتي كله اسود في اسود وكنت واقف عن الاشاره وجنبي دوريه يناظر

السياره وعادي ما قال شي وبعدها بفتره يوقفك عله اقشع التضليل ونقشع للمره الثالثه

وبطريق الشرقيه نشبو فيني الظالمين تخيلو التفتيش الثاني عطوني مخالفه والتفتيش الرابع

بيعطوني مخالفه يمين يسار يا ابن الحلال توني ماخذ مخالفه والجو حار بعطل السفر

علشان اقشع التضليل حرام عليكم يمين يسار وعرفت وش يبي واجننه وامزح معه واضحكه

يوم استانس عطاني الرخصه والاستماره قالي رح واول ما توصل اقشعها قلت سم واقول بنفسي كثر منها اقشعها ههههههههههههه

اذا احد مسك قله مجنون هونندا
ويفكك

اذا احد مسك قله مجنون هوندا ويفكك وعلى مسؤليتي

ههههههههههههههههههههههههههههههههههههههههههههه والله لو اعرف 100% ان الشرطي بيفكني كان قلتها .

تبغى الحل تعاقد مع محل تضليل
قله تضللي قزازه وحده بكم المهم اتفق معاه على سعر حلو

الخطوه الثانيه

كتم سيارتك (ضللها)

الخطوه الثالثه

المرور يوقفوك
ويقلك العسكري فك التضليل قله ابشر وبك قزازاه وحده وقله ما في حيل افك كل السياره بس بفكها
لان شكل السياره غبي قزازه مفكوكه والباقي مضلل
المهم لما تخلص من العسكري

الخطوه الاخيره

ترجع للمحل الي اتفقت معه في الخطوه الاولى

اتمنى ان الفكره تكون واضحه

اخوي ميمو مشكور على اقتراحك لكن بعض الشرطة ما يكفيهم فك التظليل فقط معها قسيمة مشكلة بصراحة كبيرة لكن اقتراح حلو وراح اعمل عليه .

دحوم انا معاك في هذه النقطة وكويس اذا الشرطي اعطاك قسمة انا مرة كنت راح اروح الحجز

بس انا اشوف انك تظلل في المناسبات;) ( حتى يكون شكل السيارة رائع ولو اخدت قسيمة تهون يكون قد صورت السيارة وشافوها الناس في التجمع او في الاعياد )

ان شاء الله تكون وصلت الفكرة

والله اخوي استورم كلامك صحيح يعني اللي منا يظلل خصوصا اللي يظللون كل الزجاج الأمامي والجانبي نصيحة يروح يغسلها ويستبها ويأخذ صور بها عن طريق الجوال والكاميرا ثم يذهب إلى مناسبته حتى يكشخ فيها ومعليش اخر الليل إذا شافوك الشرطة حاول انك تفهمهم الوضع او انت من يوم تخلص من المناسبة رح فكل التظليل الامامي واللي على الجوانب ولا تخلي إلا الخلفية والمثلثات عشان ترتاح نفسيا وانت تسوق السيارة ونصيحة للجميع تعاونوا مع واحد يظلل عشان كل ما فكيت تروح عنده . ويعطيك خصم ممكن يصل إلى 50% .