مالك الا ذا الحل لا يطيح المفتاح في يد احد ويروح الموتر الايقدر
او انك تحاول تدور المفتاح
السلام عليكم ورحمة الله وبركاته
كيفكم يااخوان
طبعا انا تعمدت المشاركه في هالقسم لانه مشكلتي ضروريه
وانا اسف من المشرفين على هذا التصرف بس انا عندي مشكله ومتوهق
والله
انا طبعا عندي اكورد 2009 فل كامل
ضاع المفتاح الي بالريموت وضاع الاسبير وانا اساس من الرياض ورحت الشرقيه
وضاع علي هناك
في ذي الحاله سلمكم الله وش اسوي
رحت لوكالة الخبر قالولي انه الموضوع بسيط وانك تسحب السياره بسطحه وتوديها الصيانه الي بالدمام
وامورك تضبط بس يغيرون لك البرمجه ويعطونك مفتاح بحاولي 250 ريال
اتمنى من جميع الاعضاء الي سبق حصله نفس مشكلتي او احد في محل الخبره يفيدني
لانه وربي اني متوهق وسيارتي في حاره الله لايوريكم
وانا انتظر الردود
ولكم جزيل شكري
مالك الا ذا الحل لا يطيح المفتاح في يد احد ويروح الموتر الايقدر
او انك تحاول تدور المفتاح
أنا أعرف إن المفتاح بالوكالة أغلى من 250 إذا كان ريموت لكن المهم إنك تغير البرمجة عالسريع وأحسن لك من الوكالة لأنك مو من أهل الدمام ومو عارف محلات البرمجة الكويسة عشان كذه أقرب سطحة على أقرب فرع وكالة
أقرب سطحة على أقرب فرع وكالة
باتوفيق
قبل كل شيء وقبل لا تسوي شيء تندم عليه
انا لو من مكانك تسحب السيارة بسطحة وتوديها مكان آمن ولا عليها اي خوف
بعدين روح لمحلات المفاتيح حقت البرمجة والقص قولهم مشكلتك وشوف وش يقولك , طبعا ً السعر راح يكون اقل من الوكالة
إذا مانفع معاك اي شيء روح الوكالة الله يعينك على السعر << مو ذلك الزود لا تخاف لكن سعرهم مبالغ فيه بشكل ملحوظ , والله يوفقك
( الموضوع مكانه صحيح ولا بأس بوضعه هنا الاهم هو توصل للحل )
:(
خبري بسعر المفتاح مع البرمجه للريموت..
للوكاله ما بين 1000 الى 1300 ريال.. توني سائل عنه قريب..
لكن انت شف الي تقدر عليه والله يكون بعونك..:(
بس احب اقول لكـ شي ماراح تتحركـ السيارة من مكانها الا اذا انت معكـ الاستمارة
>> يعني اذا كانت في السيارة الله يعينكـ
^ ^
صحيح نسيت النقطة هذه لازم توضح للي راح يسحب السيارة ان هذه السيارة ملك لك الإستمارة مع الرخصة وكل اوراقك إلي تهم
:(
اخووي نسم الكفرات لين تحل امورك
لاينزرف موترك نفس منزرف موتري السابق هع
او كلم راعي سطحه تعرفه يقشع موترك ويوديه لقرب وكاله
انا كانت معي هوندا اكورد 2005 فل ابشن مالها اسبوع معي ضاع المفتاح بـ القهوه طلعت ادور بمخباتي المفتاح مالقيته رجعت للجلسه ادور المفتاح مالقيته
طلعت للموتر بجلس عنده لين اخوي يجيب لي الاسبير لقيت الموتر موب فيه :d
ولا لقيته الى بعد 5 شهور مفحطين عليه وموقفينه لبا تسبودهم :d
حل مشكلتك بسرعه لاتتأخر كثير
كن بخير
موفق يآخوي
حذ ساطحه وعلى اقرب وكاله نصيحه لاتسؤيها خارج الوكاله حتى لو قالولك هذا المحل فري كود...
لاتنسى ان اللي معاك ملكه ...
محلات المفاتيح ماراح تفيدك بشي لأن المفتاح مش عندك
هو ممكن يفتح السيارة بس كيف راح يبرمج لك ريموت مادري عنه ولكن الكلام كيف راح يقص لك مفتاح ومفتاحك ضايع
السيارة اذا كنت ماخذها كاش راح تكون بأسمك وأقرب دورية وقوله السالفة وأنك تبي ونش لأنك ماراح تقدر تشيلها على السطحة بدون مفتاح ( طبعآ القير أمره سهل علشان تفك القفل ولكن الدركسون راح يكون مقفول )
المهم اذا تفلسف قوله الموتر بأسمي وهذا أثباتي وعندك رقم اللوحة بالموتر وشيك مع العمليات والعمليات راح يشيك مع عمليات المرور مع أني أذكر أن عندهم صلاحية يشيكون من عندهم
ويشيلها لك الونش
أشياء راح تتعبك مع الونش
1- راح يشيل السيارة من الأمام اذا فكيت قفل القير وممكن يتعور الصدام عليك
واذا السيارة نظام تأجير فتقدر تراجع نفس الفرع اللي طلعت منه السيارة وتعطيهم بطاقتك الأحوال ويعطونك مفتاح تضبط أمورك وتنسخ عليه وتشيل موترك
والدعوه مش صعبه
أحجز على سما بأي وقت وأطلع للرياض من الدمام ، اذا مطلع موترك من الرياض وخلص مع الوكالة وخذ المفتاح منهم وفصل عليه ولا شيل موترك وبعدين أرجع لهم على رواقه وأرجع على الخطوط السعودية من الرياض وكل ساعتين عندهم رحلة
المهم دبر عمرك لأن شيله الموتر بونش راح تعدم عليك الصدام وأنت ماتبي تخسر كثير
والسطحة صعبة شوي اذا الدركسون مايل أو ممكن يسحبها من الخلف ويركبها وهذا اذا كان شاطر
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
مواقع النشر (المفضلة)