قبل فترة (3شهور) تقريبًا ركبت جنوط مقاس عشرين وكان مقاس الكفرات كبير جدًا على السيارة
لدرجة إنه الكفرات تحك في الرفرف مع المطبات
طيب بعد أسبوعين تقريبًا من تركيب الجنوط بدأت تطلع الحنة بس ما أعطيتها وجه و كملت فيها شهر
بس بعدها بدأ يقوى الصوت و عزم السيارة بدأ يطيح
طيب كملنا كمان شهر و بس بعدين فكيت الجنوط قلت يمكن منها
وبرضو فكيت الجنوط ومازال الصوت موجود
أنا بالنسبة ليا كرهت السيارة سرت أسوقها و نفسي ضايقة منها
فـ سرت أروح الورش وكل واحد يرميلك مشكلة من كيسه :d
رحت الوكالة مرة يقولوا جيربكس و مرة يقولوا طرمبة الدركسون يبغالها تغيير
واللي يقول الشداد و اللي يقول رمان الشداد و اللي يقول السير
وفي مرة من المرات صحيت في رمضان الساعة 6 الصبح
و رحت أدور ورشة فاتحة <-----خبل :d
الموهم لقيت وحدة ورشة فاتحة و واحد بنقالي واقف برة تشوفه تقول هذا ما عنده سالفة
الموهم قولت خلينا نشوفه قولتللو عالهرجة قاللي فك الكبوت
فكيت الكبوت قرب رأسه من الطرمبة حقة الدركسون (قاللي في صوت غريب من الطرمبة)
شاف علبة الزيت حقة الدركسون من برة قاللي الزيت مليان
بس شوية فك الغطا حق الطرمبة حقة زيت الدركسون حصلناه ناقص
قاللي عبي زيت وجرب منتا خسران الموهم عبيت زيت و الحمدلله انحلت المشكلة
بس اللي مستغرب منه في الوكالة شيكوا على زيت طرمبة الدركسون وقالولي مزبوط
واكتشفت انه في تهريب بسيط في طرمبة الدركسون
المشاركة الأصلية كتبت بواسطة أكورداوي
رد مع اقتباس
مواقع النشر (المفضلة)