الموضوع: اكورد حـيـــــرت قلـبـــــي مــعـــاك

بسم الله الرحمن الرحيم

اخواني اعضاء محبي هونده

الســــــــلام عليكم
عندي موضوع يمكن تشوفونه مكرر لاكن يهمني كثثثثثثثير
انا ولله الحمد انسان اوزن الامور كثير وقبل لا اخذقرار احسبه مية مره
احب الهوندا الملكه وفي بالي من زمان من طلتها الجديده عام2003
ولاكن بسبب الالتزامات والديون الي ولله الحمد كانت في طريقها
انتهت ولله الحمد قبل كذا شهر وجا دور الملكه عندي سياره موديل 93كــــــابرس كل يوم ورشه لين جمته
وحددت اني اخذ هوندا الملكه2010 لاكن من يوم دخلت المنتدى وانا اشوف شكاوي كثيره من الملكه فرامل حذفه صوت طقه ضجيج
فخفت من سياره احط فيها دم قلبي وازور فيها الورش
مع ان واحد من الشباب عنده الملكه سبشل 2008 كلمته عن المنتدى وشكاوي الاعضاء فقال انه ما اشتكا من هذي المشاكل الي واجهت الشباب
قلت خلني ازور منتدى تويوتا العربيه زرت الاورين وشفت الجديد عندهم فجعوني بسعر الشمعات الاماميه 2500لشمعه الواحده
وعيبها الوحيد صوت قربعه بلعاميه في التندى بالاضافه لغلا اسعار القطع ومالقيت احد اشتكا من عيوب مصنعيه حسيت انها كرسيد زمان في الجوده بس القلب مهوا غير الملكه
الكامري معروفه من2003في نقص الزيت اجل اخذ سياره جديده وكل شوي ونا ازود زيت قلت بلاش من الكامري

الخلاصه من كلامي الفاضي احترت والله احترت ابغا الاكور وخايف منها والاورين جيده بس ماحبيتها

ياليت تساعدوني بلله عليكم طالب الفزعه من الله ثم منكم وش اسوي وش اختار كل واحد يحط نفسه مكاني ويقلي وش العمل