والله حبيبي
إنت قارنت بين سيارات كل وحده فيها ميزات أحسن من الثانية

بس بقول لك
تبي تتميز عن الناس وتحس بالفرق
(أكــــــورد)
تبي تكون مثل الناس ودايم شغلك كرف في كرف وعفيسه
(كامري);)
تبي تسوي نفسك إنك شريت سيارة فخمه وهي أصلآ كامري
(أوريون)


ياغالي
حن راك نفتيك ف الأكورد أما السيارات الثانية شارو أهلها وشوف
وياليت ياقلبوا تجرب قبل ما تطب أي سيارة أريح لك نفسيآ وأخلاقيآ

نــــصـــيـــحه
لا تشتري سيارة إلا وأنت مقتنع فيها مليون بالميه لا تشتري شي بحياتك على مشورة الناس
دايم خل تفكيرك هو اللي يحكمك


والله ثم والله
إني شريت أكورد وكان أبوي رافض وأعمامي وأخوالي كلهم
كانوا يقولون للوالد ليه هوندا قطعها غاليه ومدري إيه؟؟
قلت لأبوي وأبوي ماله في السيارات
قلت يا أكورد يا خلني بدون سيارة أروح للمدرسه على رجولي أصرف
كان يقول لي خذلك نيسان صني والله أفخم من الكرسيدا:d:d
والله هذا كلامه بس لا تلوموه عاد ماله في الهرجه نهائيآ

مالك بالطويله
أخذت الملكه ولها معي الحين 6 سنوات مثل العسل ياربي لك الحمد

والله إني ماكنت أتوقع تمشي معي ستنين ثلاث وذي وهي مكروفه شوي يعني الوالد الله يهديه عطاها المقسوم
بعد كذا جاء عمي بيشتري سيارة قالوا له أعمامي
وش رح تشتري من موتر؟
قال أكورد
أطالع في عمي عمره 34 يا هوه من جده والا يستهبل ذا حقه كامري
قال أنا معجب بسيارة سعود اللي هو أنا ومن طلعها وأنا أفكر فيها
والحمد لله خلصت ديوني وبشتري وحده


والله ثم والله
يالحي اللي أنا ساكن فيه الآن فيه بالضبط 6 أكوردات
وتشوفنا تقول أولاد عبدالله هاشم كلنا مرسمين وشخص
وأوقات الكورة تقول ذولا أولاد نوادي ومحترفين وما عندنا سالفه


عموما عارف طولت
بس خليها دردشة في نصيحه في وناسه

أخيرآ
استخير الله
ثم لاتشتري سيارة إلا وأنت مقتنع فيها,,,