برقع للاكورد 2008
اخواني انا عندي هوندا اكورد 2008
وابي لها برقع للوجه لاني ابي اسافر قريب
ياليت الاخوان اللي عنده تجربه او سوى له برقع او اشترى يفيدنا
لون سيارتي اسود
اذا في احد يعرف احد يسويه مضبوط يدلني
او عنده برقع اصلي للبيع انا اشتري
المهم من الاخير افيدونا جزاكم الله خير
شوف يا خوك نهاية رمضان كان عندي سفريه وحست مثلك
على اساس موضوع البرقع والواجهه وخلها على ربك
سألت عند حقين التفصيل وواحد كان صريح معاي قال اسويه لك 250 ريال مبطن بس نصيحه لا تسويه
قلت ليه قال مع الخط بيقعد يضرب في بدي السياره وما ادري وش كلام كثير
تنازلت عن الفكره
ورحت شريت تغبيره شفافه تروح مع المويه
رشيت قبل ما اسافر ولله الحمد ماشيه الامور تمام التمام
ولكن الحريه
^_^
انا مجرب التغبيره الشفافه
كويسه
اما البرقع ما جربته
ويفيدونك الشباب
مرحبا
مثل ما قالوا لك الشباب البرقع يسوي لك مشاكل في البويه وهم التغبيره مع الوقت
في ماده ترشها مفعولها افضل ولا لها اي تاثير
تحياتي
طيب وايش اسم التغبيرة ونوعها ووين القاها
انا من شريت سيارتي وانا شاري برقع و 100%
لاتحط الشفافه خذ برقع افضل
انا حطيت الماده الشفافه شريتها بـ 70 وحطيتها
والله ولا كاني حاط شي وصلت ولمعه الواجهه راحت
خذلك برقع افضلك
ما انصحك بتغبرة
انا مجربها مسكت في البوية
ماراحت الا بعد تلميع للوجة
انا مغبرة بلون اسود
راجع الرد تبعي في الرابط دا وشوف كيف
واذا تحب تطلع على كامل الموضوع شوف الرابط دا
شكرا
اخوي انصحك بالبرقع افضل بكثيييييير
وعن تجربة لاني راعي خط
يعني كل اسبوع وانا رايح على مكة - الرياض
والله يوفقك
بعد تجربه وخبره ليست سيئة في السفر على الخطوط الساحليه
أسحب كلامي السابق لا أنصح بإستخدام البرقع نهائياً ذلك لتسببه في خدش الشمعات وذلك بسبب دخول ذرات الرمال بين البرقع والشمعات مما يؤدي الى خدشها وتجريحها
الحل الأمثل هو في تقليل السرعه الى 80 كم/س وما دون في حالات العواصف والتحركات الرمليه السيئه
ضوابط المشاركة
رد مع اقتباس
مواقع النشر (المفضلة)