الموضوع: سيارتي قبل وبعد .. تصليحها .. ((( صور ))) ..

المشاركة الأصلية كتبت بواسطة Honda*2008

الحمدلله على سلامتك
و
ما شاء الله شغل مضبوط

يسلمك ربي ..
الله يعطيك العافيه يالغالي على مرورك ..

المشاركة الأصلية كتبت بواسطة almaster

الحمدلله على قضاءه وقدره

ومشاءالله تبارك الله السيارة كإنك مطلعها من الوكالة الشغل

الله يحفظ لك إياها وبما أنها طلعت بهالشكل تفداها الفلوس كلها

وبالأخير مبروك على التصليح وإنشاء الله تكون تعلمت درس في تخفيف السرعه <<< يتكلم منجد:p

تتكلم من جد أجل .. قلت لكم الف مره والله كنت ماشي بين الـ 40 -60 :(
والحمدلله انا راضي عن شغله وشكلها الجديد ..

تسلم ع الاطلاله أخوي الماستر ..

المشاركة الأصلية كتبت بواسطة iMac

الله يعطيك من خيرها ويكفيك شرها .. وعساها أردى ماتركب يارب

لكن حتى أنا ملاحظ إن الكبوت ماركب مزبوط

وثاني حاجه .. أنت أخذت الكشافات وكاله ؟؟

كل القطع الي ذكرتها فوق شاريها من الوكاله حتى الكشافات ..
بس ما اذكر كم كان سعرها .. نسيت الفاتورة ..
بالنسبه للكبوت توني ألاحظه بالصورة .. بس بسيطه
تسلم لمرورك يالغالي ..

المشاركة الأصلية كتبت بواسطة .: AFAG :.

ما شاء الله

الله يعطيك من خيرها و يصرف عنك شرها إن شاء الله

بس أخوي هذي الصدمه بـ 13 ألف !!

أحسها مره كثيره و الكبوت ليه كذا ما تلاحظ كأنه مفتوح ؟؟

على العموم إنتبه مره ثانيه ولا تسرع << قالب نصياح على آخر الليل :d

جاكم الثاني يقول لاتسرع كيفي عااد اسرع زي ما أبي :p << :d
القيمه هذي يالغالي لانها هوندا وانت عارف اسعار قطعها .. :(

وبرضوا شوف اسعار القطع الي ذكرتها وتعرف ليش 13 الف ريال .. :(

الكبوت والله توني ألاحظها بالصور .. بس تهون عندي ما أحب أكبر الموضوع ;)

سلمت لأطلالتك حبيبي ..

المشاركة الأصلية كتبت بواسطة حبيب هنادي

,’
,’
مبروكـــ .....

وجعلهــــ أخر الحزانـــ أنشاء اللهــــ...

ورجعتـــ وردهــــ ماشاء اللهــــ...

بسس فيهــ ملاحضهـــ صغيرهـــــ...

(( القصد مو أضايكـ وخليكــ توسوسـ بسس كانهــ الصدام مفتوحــ ))...

,’
,’

الله يسلمك يالغالي ولا يوريك مكروه ..

وش بلاكم قمتوا ع الكبوت .. انا فاتحه ترا :d لا تكبرون الموضوع

سلمتو ولا هنت يالغلى ..

المشاركة الأصلية كتبت بواسطة برق

الحمدلله على السلامة وماشاء الله السيارة رجعت مثل الوكالة بس السعر يخوف صراحة

لو تكرمت تضع لنا اسعار القطع الكبوت و الصدام والجسر وباقي القطع ليستفيد منها الاعضاء

والله لا يورينا مكروه

الله يسلمك حبيبي ..

بالنسبه للأسعار ما أذكرها والله لأني نسيت الفاتوره في جده ...

لكن الي أذكرهـ ..

الكبوت بـ 1039 ريال .. متأكد 100%
الصدام بـ 640 ريال .. تقريبا حول هالسعر ..
الشبك مع النيكل وعلامة هوندا .. 1200 ريال ..
الرديترات (رديتر التبريد والمكيف ) بـ 2400 ريال ..
الصاجه أظن 1400 ريال ..

هذا الي أذكرة ..
ولو الفاتروة عندي كان حطيتها الاسعار بالموضوع ..
ولا هنت على حضورك حبيبي ..

المشاركة الأصلية كتبت بواسطة يويو222

حرررررررررررام 13الف ولله ماتكلف 3000ريال وشغل اليد 800ريال في الكثير

أنت سعر القطع الي الي سجلتها واشوف بنفسك ليش 13 الف ريال ..
هذي هوندا .. انصح اي واحد يفكر بهوندا ياخذ بي ام أحسن :d

المشاركة الأصلية كتبت بواسطة ,,ولد المدينه,,

في الحديد ولا فيك
الحمد لله على السلامه
وان شاء الله اخر الاحزان

الله يعافيك يارب ..
لاهنت على حضورك ..

المشاركة الأصلية كتبت بواسطة الصامت

الحمد الله على السلامه..
وأن شاء الله اخر الأحزان..
ماشاء الله كأنها دوبها طالعه من الوكاله..

يسلمك ربي ولا يهينك ..
ووياك ان شاء الله لا يوريك مكروه ..

المشاركة الأصلية كتبت بواسطة kakashi-san

وعليكم السلام ..

الحمد لله على سلامتِك ..

لكن باستفسر عن سعر 13 ألف ؟

أنت متأكد من السعر ؟

لأن صدمتِك ما أشوفها بذاك القوّة ،

وتصلحيها حدود 4000 - 5500 تقريباً في أفضل الورش ..

لكن الحمد لله ، أشوف السيارة رجعت مثل الوكالة ما شاء الله ..

الله يعطيك من خيرها ويكفيك من شرها ..

وانتبه من السرعة ..

يامراحب بيوسف والله ..

متأكد من الأسعار 100% وأظن أزود بعد ..

السعر الي ذكرته صحيح لو اني سمكرت الكبوت والصدام ودقدقتها :d

بس والله قهر السياره جديده ماابغى العب فيها قلت اخذ كل شي جديد أحسن وأظمن ..

حتى انت تقولي لا تسرع .. وش اسوي أنا أشق هدومي << :d
لا هنت لحضورك اخوي يوسف ..