صدقني راح تندم لو سمعت كلام الناس

شوف إنت وش ترتاح له وش الموتر اللي إنت تبيه

ولاتقول لي هذي فيها عيوب ما أدري شنو وهذيك ما أدري شلون

ترى السيارات مميزاتها تطغى على عيوبها

وبعدين شوف الماكسيما سيارة رياضية عائلية أما الأكورد فقط عائلية يعني حقت شياب ولايغرك كلام الناس هذا كلام الوكالة

كمان لاتنسى إن الماكس مازالت جديدة يعني مابعد شفنا عيوبها ولاجربناها والناس كانوا ينتظرونها على أحر من جمر

لاتقول النيسان يتهربد والله النيسان ملك بالقوة والتحمل بس تحافظ عليه أنا مثلا معنا جيب باثفندر موديل 2006 ماشي 160.000 مايوقف من يد واحد ليد واحد دايم طلعاتنا وسفراتنا عليه تخيل لدرجة إني إذا بغيت أطلع بالأكورد حقتي وهو واقف أطلع فيه وأخلي الأكورد

قولوا ماشاء الله ليومك هذا مادخل الوكالة حتى الأقمشة ماأذكر إننا غيرناها خصوصا من 95.000 - 160.000 ماغيرنا أقمشتها بس لمن طلع صوت صفيرها وديناها لواحد وزنها

ما نغرف إلا بنزين وكفرات بسس

أما الأكورد ماشيه 200.000 موديل 2004 والحين بدأت تطلب حبة حبة

يا أخي لاتفكر ولاتحتار غير الماكس لاتختار

الله يكتب لك مافيه الخير