أفضل محل لتركيب المساعدات

**اكوردي لؤلؤي** · 08-11-2009, 03:57 AM

أسعد الله صباحكم جميعااً ..

شباب انا عندي مشكلة في المساعدات اليوم رحت لميزان العضيب وكشف على السيارة وقالي مساعداتك رايحة فيها لازم تغيرها وانا والله شايل همها .. :(
حتى انه قالي يبي للعكوس خرط

انا استغربت .. !!
عقيها رحت لمحل ثاني قالي ماعندك الا مساعدات فقط يبيلها تغير وسيارتي توها جديدة 2007 اكورد :(
وتعرفون شوارع الرياض ومطباتها اللي كل يوم وتطلعنا مطبة جديدة ..
فمادري ياشباب اغير المساعدات فقط ولا لا ..
مع العلم اذا لفيت بالسيارة مايطلع اي صوت ..
وش تنصحوني افضل محل يركب مساعدات وشغلها نظيف ..

**بلال العلمي** · 08-11-2009, 08:21 AM

تغيير المساعدات امر سهل وبسيط وديها اي ورشة خاصة لهوندا ويغيرونها ولو عندك خبرة وادوات تقدر تغيرها في بيتكم

**امبراطور الاكورد** · 08-11-2009, 11:42 AM

لاتستعجل مر اكثر من ورشه ممكن تكون العكوس نظيفه فيه ورشه هوندا رقم 20 بأم الحمام شيك عليها

**المايسترو77** · 08-11-2009, 12:31 PM

انا انصحك انك تصبر شوي
ليييين تشوف اثار المساعدات ظهرت تماما
وبالنسبة للعكوس تقدر تختبر كالتالي
من وضع الوقوف .. قوم السيارة بسرعة شوي ولف اقصى اليمين شوف في صوت ولا لا
وكررها يسار وشوف
وانتبه من بعض الورش اللي مايخافون الله لاتكون على نياتك وتصدق
وبالتوفيق

**اكوردي لؤلؤي** · 08-11-2009, 03:05 PM

المشاركة الأصلية كتبت بواسطة بلال العلمي

تغيير المساعدات امر سهل وبسيط وديها اي ورشة خاصة لهوندا ويغيرونها ولو عندك خبرة وادوات تقدر تغيرها في بيتكم

هلا بك اخوي بلال
في ورش كثيرة للهوندا بس ماتدري وش الافضل فيهم
عموما الله يعطيك على مرورك ..

المشاركة الأصلية كتبت بواسطة امبراطور الاكورد

لاتستعجل مر اكثر من ورشه ممكن تكون العكوس نظيفه فيه ورشه هوندا رقم 20 بأم الحمام شيك عليها

والله ياطويل العمر مريت على ورشة ثانية قالي العكوس عندك نظيفة قالي اذا لفيت يمين او اذا بتديور يطلع صوت ؟؟
قلت لا والله مافي اي صوت قالي خلاص عكوسك نظيفة بس قالي افضل انك تغير المساعدات ..

وعافاك الله على مرورك يالغاالي

المشاركة الأصلية كتبت بواسطة المايسترو77

انا انصحك انك تصبر شوي

ليييين تشوف اثار المساعدات ظهرت تماما
وبالنسبة للعكوس تقدر تختبر كالتالي
من وضع الوقوف .. قوم السيارة بسرعة شوي ولف اقصى اليمين شوف في صوت ولا لا
وكررها يسار وشوف
وانتبه من بعض الورش اللي مايخافون الله لاتكون على نياتك وتصدق
وبالتوفيق

والله ياطويل العمر مافي اي صوت اذا لفيت يمين او يسار
بس مادري متى تطلع اثار المساعدات حتى ان في صوت في الكفر الايسر وقالي المهندس المساعد هذا منفقع عندك
قلت مالي الا اغيره وارتاح
وشكرا على مرورك يالغاالي

**مجوووودي** · 08-11-2009, 04:12 PM

اخوي تبي رايي وترتاح وماتشغل بالك ولا تتعب روحك ..

روح غيرهـ ..

قبل ينكسر عليك المساعد وتتعب روحك وتجيب سطحه ومدري ايش ..

فيه ورشة في الصناعية القديمة اسمها اليرموك ابو احمد .. وترى العضيب بعد يمدحونه ..

واحد من الشباب الله يجزاهـ خير قالي عنها ورحت غيرت مساعد عندي انكسر بعد ماتبهذلت بسطحة ووكالة وبعدين سطحة للصناعية ..

غيرهـ اذا كذا واحد قال منتهية ..

لانه مو خسران حاجه الورشة تصلحه عنده او لا .. لان شغل يده مايتعدى 150 ..والقطعه عليك

**seso bo0oy** · 08-11-2009, 04:24 PM

ايويا والله يا خوي اني عانييييييييييييييييييييييت كثير من الورش
انا عندي هوندا برليود 97 وبسبب الغشامة اروح للورش وعلى قولتك ما يخافون الله والحمدالله مع الايام تعلمت الاخطاء وبديت اتفادى مشاكلها.........

**المهاجر333** · 08-11-2009, 06:37 PM

غيره أفضلك لايصيرلك مثل ماصار أخونا مجودي
بعدين يتطور خربات ثانية

**مجوووودي** · 09-11-2009, 02:27 AM

المشاركة الأصلية كتبت بواسطة مجوووودي

اخوي تبي رايي وترتاح وماتشغل بالك ولا تتعب روحك ..

روح غيرهـ ..

قبل ينكسر عليك المساعد وتتعب روحك وتجيب سطحه ومدري ايش ..

فيه ورشة في الصناعية القديمة اسمها اليرموك ابو احمد .. وترى العضيب بعد يمدحونه ..

واحد من الشباب الله يجزاهـ خير قالي عنها ورحت غيرت مساعد عندي انكسر بعد ماتبهذلت بسطحة ووكالة وبعدين سطحة للصناعية ..

غيرهـ اذا كذا واحد قال منتهية ..

لانه مو خسران حاجه الورشة تصلحه عنده او لا .. لان شغل يده مايتعدى 150 ..والقطعه عليك

اعتذر .. الخراب اللي عندي كان واحد من العكوووس ..

اسف اسف ..

تحياتي ..

**Amromp3** · 13-12-2009, 07:49 PM

ثمن المساعدين كام وهل الامامي نفس ثمن الخلفي وكذلك العكوس

**مجوووودي** · 13-12-2009, 08:08 PM

سعر المسااعد 650 ع حد مااذكر ..

وانصحك بالمساعد الوكالة افضل لك ..

لاني ركبت مساعدات يابانية تجاري ونفس الطقه مع عيون القطط والمطبات ..

**الـمـسـافـر** · 13-12-2009, 10:31 PM

على اي اساس حكمت ان فيه مشكله بالمساعد

عمره الافتراضي بالقياده العاديه والمطبات المتوسطه طويل

<< مافيه مطبه بالحي الا اكلتها على سرعه ومعي ناس بالسياره

تاكد من وجود تهريب زيت ع المساعد .. او فيها صوت اذا هزيت السياره من اي جهه للمساعدات الاربع

**متصفح** · 14-12-2009, 01:11 AM

لا تستعجل وتغير اي شي على كلام اصحاب الورش

لمعلوميتك المساعدات الاماميه اذا كانت رايحه تفرق معك السياره في القيادة ويكون مطبها قاسي بالاضافة السياره تكون غير راسيه على السرعات العالية