الموضوع: أخوي صار عليه حادث اليوم ومحتاج مشورتكم ضروري ..

بسم الله الرحمن الرحيم


السلام عليكم ورحمة الله وبركاته .. مساء - صباح الخير للجميع ..


أول شي الحمدلله إن الحادث جا بحديد والحديد يتعوض .. الحمدلله ع كل حال ..


مابي أطول عليكم .. أخوي معه أكورد 2004 اللون فضي صار عليه حادث اليوم في وجه الموتر .. وداه لورشة ماعليها لكن شغلهم مهوب توب .. المهم قالوله شغل اليد بيكلف تقريبا 3000 وبالطقاق وصلوه له 2700


طبعا الصدام والرفرف الأيسر والكبوت كلها بتتغير .. يعني غالب الشغل بيكون رش بوية وتركيب رديتر ويمكن حساسات البنزين يعني زبدة الشغل تقريبا برش البوية ..


اللي أبيكم تجاوبوني عليه هالأسئله اذا ماعليكم أمر :


1- مثلا ورشة الوفا اللي يمدحونها غالبية الأعضاء كم بيكون شغل يدها مقارنة بالورشة اللي ذكرتها أنا فوق .. يعني كم الفرق بيكون ..؟ واذا فيه ورش يسكبون الموتر أحسن من الوكالة ياليت تذكرونها مع ذكر السعر التقريبي ..


2- هل فيه محلات خارج الوكالة تبيع قطع الغيار الأصلية مثل الرديتر والحساسات والصدامات والكبوت بسعر أقل من الوكالة ..؟


3- اللي عنده رقم تشليح كويس ومتخصص بهوندا ياليت يحط رقمه عشان نكلمه ومانتكلف عنوة المشوار ع الفاضي ..


أخيراً وأدري طولت عليكم إذا أحد منكم شاف بالمنتدى موضوع معروض فيه صدام يركب على أكورد 2004 أو رديتر أو أي قطعة من اللي مذكورة فوق ياليت يخبرني ..


ملاحظة : الموتر ماعليه تأمين يعني التصليح كاملاً بيكون على أخوي عشان كذا ودي بورشة شغلها محترم وسعرها مو مبالغ فيه ..


أتمنى الرد من اللي عندهم معلومات أكيدة .. الله لايوريكم مكروه .. وماتشوفون شر جميعاً والله يستر عليكم ..



ألف شكر للجميع إخواني ..

اولا الحمدالله ع السلامة .. ويتعوض خير ان شاءالله ..

وعساها اخر الحوادث لخوك ولك ولنا ولاعضاء المنتدى الكرام ..

ثاني شي .. مر النعماني شوف كم اسعار القطع اللي بتغيرها .. مممكن تعجبك لو تاخذ بعضها مثل الاشياء المهمه ..

وبتحصل قطع تجارية ياباني .. فية صيني وفي ياباني .. الياباني حلو ..

او شيك على التشليح انشاءالله تحصل اللي تدورهـ ...

عموما الاعضاء مو مقصرين معك ..

تحياتي لك ..

ماقصرت أخوي مجودي .. بصراحة انصدمت بقلة التفاعل ..!!




..

ألف حمدالله على السلامه..
وماتشوفون شر وأن شاءالله اخر الأحزان..
اتمنى اني أفيدك بس ماني من العاصمه وماراح يقصرون معك الاعضاء..
شوف التشليح وان شاء الله تحصل اللي تبغاه..
والله يكون في العؤن..

سعر القطع بالوكالة وبعدين رح دور بالمحلات الثانية وقارن الأسعار لن أحيانا فيه قطع بالوكالة بعد الخصم تكون أرخص من المحلات اللي برا بالإضافة لأن بعض المحلات تستغل سمعة ان قطع غيار الأكورد غالية وتزيد بالسعر

شاكر تفاعلكم جميعاً بدون استثناء .. الله لايهينكم ولايوريكم مكروه يارب العالمين ..


محمد بن عبدالعزيز يعافيك ربي وبيننا اتصال بحول الله .. تسلمون جميعاً ع المشاركه ..