هذه هي بلاوي البناشر العادية


المفروض انك تغير الزيت في الوكالة او تغيره في مراكز تغيير زيوت معروفة مثل قلف اكسبريس او كاسترول الكبيرة فيها فلبينييين متخصصين

البناشر العادية دايم مساوئهم اكثر من فائدتهم


اخطائهم الملاحظة:

1- يضخ هواء على منظم البخاخ وهذا المفروض ما يصير علشان ما يدخل الغبار ولو تروح الوكالة او اكسبريس تلقاهم يغطون مدخل الهواء اللي رايح للمكينة في قربة الهواء

2- صرة الزيت السفلية يربطونها بزيادة وهذه اذا اهترت لازم تشتري كارتير جديد او توديها المخرطة لاجل تتصلح

3-ما سمعتوا احيانا ان صوف المكينة تخرب تدرون ليش ؟ لانهم ببساطة ما يعطون العيار الصحيح للزيت فيزيدون فيه ويسبب الزيت ضغط عالي يفقع الصوف

4-دايم يسوونها وهي انه ينسى خرقة حول المكينة او داخل فلتر الهواء

5- اغلب الاحيان يتهاونون ويتساهلون في اقفال فلتر الهواء