طبعن قبل لاتقروون الموضوع اعرفو إن هذا رأيي الشخصي ويمكن أكون غلطان بس حبيت أشارككم
أنا برأيي المتواضع أشوف إن سياره بنفس وزن وحجم الأكورد المفروض ماتجي 4 سلندر السياره تحتاج مكينه أقوى لأنها ثقيله وظالمينها بهالمكينه الضعيفه (2.4 ) المفروض تكون 6 سلندر عشان يكون لها شوية هيبة يعني فخامه وشكل بس بدون عزم؟؟!!! وش الفايده؟؟؟!!!!!
يعني أوكي ياهشوم حط فئات سبشل وفل وستاندر عشان كل واحد وميزانيته
لكن المكينه نفسها لازم تكون موحده
وأقترح أن يقوم عبدالله هاشم بتوريد سياره لحالها 4 سلندر(فيه موديلات هوندا كثيره تنزل بأسواق برا وماتوصل لنا هنا) تكون في حجم الفورد مونديو مثلن وبهالطريقه الشركه أصلن كسبانه لأن الأكورد عشاقها كثير وما أتوقع تقل المبيعات
وثانين يكون فيه بديل ثاني أقل فالسعر بس يكون فئة مختلفه لحالها اللي هي 4 سلندر وينافس سيارات أخرى مثل الكامري والفورد مونديو وغيرها لأني أنا صراحه متحسف شاري أكوردي ب92 ألف صح ما أنكر إنها راسيه وفخمه والمواد الداخليه درجه أولى بس انصدمت بالأداء الفاشل 92 ألف على إيش؟؟؟؟ والله ماتسوى
وبهالطريقه يصير اللي يبي الفخامه والقوه ياخذ الأكورد واللي يبي سياره أقل سعر وقوه محدوده ياخذ الموديل الثاني المقترح
يعني والله الأكورد تحير ماتدري مع أي فئة تصنفها؟
تقارنها بالكامري ولا مثيلاتها من السيارت اليابانيه مثل الألتيما من ناحية الجوده والرساوه والفخامه لأطبعن لأنها هي الأجود والأفخم بس فالعزم هي الاضعف
تجي مثلن تقارنها بسيارات يابانيه من فئه أعلى مثل بالأوريون والمكسيما تحس متقاربه في الفخامه والجوده لكنن فالعزم هي الأضعف صارت فئه بلحالها
بس هالوكيل عبدالله هاشم تعبان وما يفكر
شوفو إخواننا أصحاب التويوتا مثلن اللي يبي سياره أداءها عالي وأفخم وداخليه أوسع ياخذ الأوريون
واللي يبي سياره بسعر أقل وقوه محدوده ياخذ الكامري وهذا برأيي هو الصحيح والأنسب
ملاحظه:كل السيارات اللي ذكرتها فوق في المقارنات ليس للتقليل من شأنها بالعكس تويوتا ونيسان من أعرق الشركات وكانت ولا تزال متصدره بس للتوضيح