حبيبي أبو النيف :
البرمجة ما تتعدل إلا عن طريق أجهزة و محلات متخصصة .
خذ على سبيل المثال هنا بجدة عندنا مبرمجين كثيرين للسيارات الأمريكية و ما تكلف السيارة حتى 800 ريال لأغلى واحد فيهم .
لكن يجيك محل Mc Performance هذا غالي صح بس خذ منه شغل , يعني الجهاز و البرمجة ممكن تكلفك حدود الـ 2000 ريال و تزيد لتصل إلى الـ 10.000 ريال لبعض الأجهزة القوية و المعروفة بالسمعة الممتازة مثل شركة HKS اليابانية .
البرمجة تكون بتركيب كومبيوتر جديد و هو الأفضل و الأحسن في حالة التعديل و التزويد و تركيب القطع , أو تعديل برمجة كومبيوتر الوكالة و هذا ما بيفيد إلا غذا ركبت أقل شي الهوائيات وقتها بتلاحظ فرق مزبوط . اما لو تبرمج بدون تعديل بحيث إنك تستخرج أكبر قوة من المحرك الـ Stock فيعني بيصير الفرق بينك و بين الأكوردات الثانية سيارتين لصالحك طبعا .
بأعطيك مثال و واقع للبرمجة :
في واحد من الشباب بجدة سيارته ستوك موديل 2006 و قير أوتوماتيك , جربت معاه مرة و خليته عند صدامي الخلفي و بيسحب هواء مني و ما طلع عليا ..... و ما عاد جربنا بعدها .
مرة ثانية شفته يجرب مع سيفيك جديدة قير عادي عليها هوائيات و ماشالله تبارك الله الأكورد و السيفيك ماسكين مع بعض و الأكورد في النهاية طلعت على الـ 170 أظن .
جرب مع كوبيه جديدة 4 سلندر و أعطاه فرق حق سيارتين أو أكثر ممكن و الله و السيارتين ستوك . و أنا جربت مع كوبيه جديدة و طلعت سيارته بالكامل في مرايتي بفرق أكثر من سيارتين , تقريبا فكيته عمود بس أنا معدل السيارة .
أنا ما أبغى أظلم الرجال أو شي بس أتوقع مبرمج السيارة و أكيد من صوت السيارة فهو فاك الدبة الوسطية لأن عزمه صار مجنون ماشالله تبارك الله , يعني مع سيفيك قير عادي الشكل الجديد و معدل , ترى السيفيك القير العادي قوية و لا يستهان فيها أبدا .
هذي فكرة البرمجة و فرقها في السيارة , لما تكون سيارتك مبرمجة صح فعزمها بيكون صح و لما تتبرمج اي كلام و شغل يلا سريع سريع , فراح تكون السيارة .... إنت عارف كيف .
المشاركة الأصلية كتبت بواسطة ACCORD 764
رد مع اقتباس
مواقع النشر (المفضلة)