أهلين بالشباب , شايف ردود جديدة قلت خلني أدلو بدلوي .... متعوب عليها الكلمتين الأخيرة .

بالعكس انا احيانا أكون داعس للسياره و احس بالفيتيك اذا اشتغل
تصير السياره نشيطه وتسمعه حنه على اي دعسه تفز على طول ماشاء الله
لكن تسحب بنزين

ابو خالد , صح على RPM معين بتحس بفكة الـ Vtec و في الموديلات 2006 , 2007 كانت فكته على فوق الـ 3500 RPM حسب ما أذكر حتى لو تجربها على الـ D و توصل لفوق الـ 3500 RPM جرب أرفع رجل عن البنزين و أدعس بعدها , تلاحظ السيارة تفز كأنها قير عادي و يبدأ الصوت يخشن و يعلى حق المكينة .
بصراحة أنا لما كنت أتجاوز السيارة كنت أردها D3 أو D2 عشان اسمع الصوت و الحنة و إللي بأتعداه يعرف إن في أحد جنبه أو وراه .... راعي حرش .
الـ Vetc موجود و كثيرين مننا ماحس فيه لأنه أصلا ما يعرفه .
سمعنا كلام كثير عن الفيتيك , منها إنه توفير للبنزين و منها إنه عبارة عن نظام يشبه نظام التيربو عشان كذا يوم هوندا اخترعت الـ Vtec أحدثت نقلة كبيرة في تاريخ محركات الـ 4 سلندر .
و كل سيارة و لها نظام خاص فيها , مثل الكامري ماشية بنظام الـ VVTI .

الفي تيك موجود بس لما يفتح ما يلقى دخول هوا ولا مزيج بنزين علشان يعطيك نفس النتيجة اللي فوق

أخ بلال , يوم أشوف ردودك أحس كذا بانشراح .
بالنسبة لوجود مزيج البنزين و الهواء فهو موجود و لكن مو بنفس النسبة للـ TSX .
شوف كل من يعدل هوندا يحب يخلي الـ Vtec يفتح بدري عشان يستفيد أكثر من الفزة في القومة .

انا دايم اسمع بالفتك انه لا فتح يتغير اداء وصوت السياره اذا دعست
والله اني كل مادعست لا يتغير ولا شي ولا اي فرق يذكر لايكون اللي تجينا مالها من الفتك الا اسمه! . كل اللي الاحظه ان القير بس مدري وش يجيه يصير اذا فكيت الدعسه مايعشق (يريح) تقعد تحن فتره كانها قير عايدي.

طيب هذي وحدة من مزايا الـ Vtec , إنه بيحسن لك التسارع و التجاوز و يحشر النمرة في القير و تصير كنها قير عادي . و هذا أحلى مافيه , و للعلم معاي ألتيما V6 و ما تحشر نمر زي الأكورد و لو كانت فيها كان شفت شغب .

لايكون اللي تجينا مالها من الفتك الا اسمه!

تصدق جات فترة بدات مثلك أشك بها الشي , لكن الحمد لله ظنوني طلعت غلط .

نظام الاقزوزت يختلف في 2008 تماما عن الجيل السابق .. ومثل ايضا ان عدد دورات المحرك صار يوصل الى 7000 د/د في حين ان الجيل السابق كان يوقف على 6500 د/د

صح كلامك , و أضيف عليه عامود الكام و السيارة صار الهيدرز حقها مثل السيفيك عبارة عن ماصورة فقط و في أشياء غيرها راح أنزلها بموضوع مستقل في مقارنة بين الجيلين السابق و الحالي .

دحدرة 40 وتفاجأت اني كنت جنبه لل170 وانتهت القومة

ماشالله مستواها جدا حلو الـ 2008 .

الخلاصة أن الأكوردات 2008 وفوق يجي منها نشيط ومستواه جيد .. لكن أغلبها قوماتها ومشيتها تعبانة وبطيئة
عكس الجيل السابق 2003-2007 حيث أن أغلبه ممشاه حلو ونشيط لكن لا يخلو من البعض اللي عزمه (محد حولك)
كلامك سليم .
و الله ودي لو إني اليوم مصور القومة إللي صارت بيني و بين واحد عند إشارة التحلية مع طريق الملك
قومة أرض " صفر " أنا بألتيما V6 و أكورد كوبيه أزرق V6 ... لو إنه هنا بالمنتدى يطلع , يلا .... طلعت عليه بمسافة كبيرة .

في البدايه احب اقول ان سايق السياره له دور في قياده السياره مايحطه على d ويتسابق وثاني شي الاكورد 2008 لها طريقه عشان انحس بقومتها صح ....
وثاني شي مثلا انسوي سباق
بين سياره ماشيه 80000 الف كيلوو متر وسياره توها ماشيه 4000 كيلوو متر يعني في فرق ... ؟؟
طبعا سايق السيارة له دور , بس معقول كل سايقين الـ 2008 ما يعرفون للمقاومات مع احترامي لهم .
أنا أكثر أكورد تعبتني سيارة العضو MeedO , بصراحة أكثر أكورد 2008 نشيطة جربت معاها و عليه انتك و كنداسة و كنت أطلع عليه بفرق أقل من سيارة و أحيانا يمسك في صدامي الخلفي .

وثالث شي احب اقولكم اترقبوو السباق بين هوندا اكورد 4سلندر 2008 و 2007
و 2008 و 2005

بالنتظارها ....

و الله يا شباب موضوع نقاشي جبار , ألف شكر للأخ بلال العلمي .