اكورد 2009 ولا 2010 ؟؟
السلام عليكم
كيفكم شباب
كما تعلمون نزلت 2010 بعد طول انتظار باسعار خيال
وانا ناوي اشتري اكورد اربعة سلندر فل لؤلؤي بس ما ادري ....هل اخذ لي 2009 جلد ب93 الف واوفر قرشين ولا اخذ2010 مخمل ب97الف وشوي
وهل تتوقعون يتم تفادي عيوب 2009 من اصوات الديكور والفحمات
وما ادري متى تنزل 2010 عندنا في جيزان خايف تطووووول الانتظار......
واللهـ وانا خوكــ الفلوس تجي وتروحـــ :: ))
ويأما خسرنا على مواتر ما تستاهلـ وبعناها :: ))
انت الشئ هذا عأجبكـ خذهـ ولا تشاور :: ))
خلال إنتظارك لنزول الأكورد بمدينتك تكون كملت المبلغ كامل وتشتريها
اعتقد ان المشاكل تم تفاديها لأن موديل 08 - 09 فيها مشاكل من ضمنها الفحمات وغيرها
فا بالتالي راح يتفادون المشاكل ..
:(
من رائي تاخذ 2009 فل كامل
الحساسات اذا منت بحاجتها ما يحتاج ولا ركبها بـ 1700 ريال وكاله << اتوقع
اذا على المكيف الخلفي الاكورد ما شاء الله تبريدها ممتاز
اذا على الفحمات الاكورد كل موديل ينزل اسوا من اللي قبله بالفحمات
يمدحون فحمات نيشن اليابانيه :d
..
....
وأنا أخوك خذ 2009
ووفر كم قرش
ألي توفره من فلوس ضبط فيه شكل سيارتك
من تضليل من شركه معروفه _ وحمايه كامل للسياره _ زينون أصلي ألماني >>> إلخ
وأهم شي تستخر
والله يكتب ألي لك فيه خير
2009
انا انصحك بــ2009
فكـــر فيها انت
هل التغيرات تستاهل زيادة المبلغ المذكور
....................
شاور نفسك والله يوفقك
والله نفس مشكلتك بالتمام.
لكن بعد استخارة واشتشارة - الحمد لله طلعت 2009 جلد -لون ابيض لولوي. وراح استلم بمشيئة الله السبت 5-12-2009
حسبوها لي 91500 - ولوحات واستمارة وتأمين 600 ريال.
وتظليل جونسن أمريكي كامل 1200 ريال بعد التخفيض.
يعني الحسبة كلها 93300 ريال .
وازيدك من الشعر بيت
بمشيئة الله بركب عليها اسطب 2010 الخلفي قال لي اللي بالوكالة بجيبه عن طريق معرفة بـ 550 الى 600 ريال بدون قطع
او قص او غيره فقط فك اربع مسامير وتركيب - والقديم عندك اذا حبيت تركبه ركبه ماش مشاكل.
يعني الكلي تقريبا زايد اللوحة الكبيرة94000
يعني راح أوفر تقريبا من سعر الجديدة 8500 الى 9000
بسحب منها كم الف وبأخذ ام العيال والعيال وليلتين في فندق خمسة نجوم ;).
والسبب وأنا أخوك والله لا فائدة من الحساسات ولا المكيف الخلفي اللي بيجيب للاولاد الروماتيزم اجارنا الله وإياكم. هذا حسب وجهة نظري.
تقبل تحياتي ومبروك مقدما ويعطيك خيرها ويكفيك شرها انت وأخواننا المسلمين.
2009 آحسن لك
انا انصحك بالــ2009 ووفر
وبعدين ما فيه ذاك الفرق في الشكل
وانا انصحك بالاستخاره اولا
وبالتوفيق
2009:d
وبعد لو في 2008 خد لك
لانه الهوندا الاكورد تبدل شكل السياره كل 4 سنوااااااااااات
2012 راح تتغير
وبتقولون قال جالاردو لوفر
اكورد 2009 احسنت الاختيار
والله يعطيك خيرها ويكفيك شرها
اهم شي تعطيني لفه :d << دعابه دعابه
-----------
د \ عزو خذ 2009 ووفر قريشاتك
اخوي انا انصحك تاحذ 2009 لانه ما تفرق عن 2010 بس مكيف خلفي وحساسة
الحساسة يركبونه في الغرابي ب1000 ريال <<< الرياض
والمكيف مو ضروري بنسبة لي
وأنا أخوك خذ 2009
ووفر كم قرش
أنا أخذت 2009 قبل رمضان بيومين وبعد ماسألت الموظفين عن الشكل الجديد وقالو مافيه تغير ظاهر توكلت على الله وأخذت فل جلد 4 سلندر ب92300شامله التأمين واللوحات وتخفيض التظليل
وماشاء الله من يومها وأنا كاشخ لين نزلت 2010 ومع ذالك مافيه فرق وكل من شافها يحسبها 2010 وركبت شاشه وشبك نيكل وإصطبات ليد وكلها ماكملت 5000 ريال
بعدين الحساسات وربي إزعاج ماله داعي لأنك إذا ركبت شاشه بتركب كميرا وبتشوف كل شي
والمكيف الخلفي ماحد داري عنه وبعدين مكيف الأكورد مايحتاج يعني ماراح تحتاج التبريد العالي أبد
وبالتوفيق
الف شكر لكم يا شباب خلاص 2009ان شا الله قررت وبكرة بروح الوكالة ................وادعوا لي بالتوفيق
توكل على الله
وخذ لك 2009 والباقي إستفيد منه بأشياء ثانية
لأن 2010 ماتغيرت علشان تفكر فيها
بس ياشباب اخذ موديل راح له سنة ولا موديل توه نازل بلعقل اتهنى بلموديل الجديد وفرق 5الالف مي ذاك الزود
طيب يااخوان الى الان متوفر موديل 2009 جديد ؟؟ وماهو بالضبط من الفئات والالوان ؟؟ وهل الكمية المتوفرة قليله ام كثيرة ؟؟
ياليت احد يفيدنا
المشاركة الأصلية كتبت بواسطة إتـحـادي(7).
طيب يااخوان الى الان متوفر موديل 2009 جديد ؟؟ وماهو بالضبط من الفئات والالوان ؟؟ وهل الكمية المتوفرة قليله ام كثيرة ؟؟
ياليت احد يفيدنا
اخوي فيه في الوكالة 2009 سبيشل تقريبا كل اللوان حتى الؤلؤي بس
الفل بس فيه جلد واللون ذهبي واسود وفيراني
كلام الوكالة هذا من البارح
كلمت الوكالة اليوم وقالي عن الفل فيه جلد ولونين اسود وابيض ,,,
ضوابط المشاركة
رد مع اقتباس
مواقع النشر (المفضلة)