أولاً السلام عليكم
ثانياً أسألني عن الفيوجن ولد خالي معاه وحده 2009 الشكل الي اول مره تجي في برنامج حررووف والوووف تمام شوفه يقسط بدون دفعه اولى وبدون دفعه اخيره 2800 ريال كل شهر ولد خالي رجله حاره على السياره
اذا جينا لعيوب الفيوجن اعدها لك كلها الحين
1-ان الفصله حقتها على 190 وبا لقوه توصلها وللمعلوميه جربنها وهي ماشيه 3000 كيلو
2- ثانياً اذا انت زي ماتقول ان الفيوجن حقت هجوله انا اخالف كلامك لييه ان السياره مافيها موصفات من جوه
3-السياره مره غرزنا فيها على البحر وعارف المشكله في أيش انا مافيها شنكار يعني محل ينربط فيه حبل لا ورى ولا قدام ربطناه في الياي وخربنا الياي حقها.
4- السياره في فترة الصيف عندنا في جده حار تمام والسياره لما نرجعها الدعسه الثانيه وهي تمشي تقطع
5- جلد القزاز قاسيه لما تخلي السياره مدة اسبوعين ماتغسلها الغبار يلصق في الجلد ويخدش القزاز
6- السياره الحين ماشيه 21 الف وهي 2009 والله لمبة المكينه تأشر في فترة الضهر.
7- وترى السياره عزمها مره ضعيف ولما نشغل المكيف العزم يضعف لدرجة تسمع صوت السير فيها
ودينها الصيانه يوم خميس حددولنا نجيبها يوم الاثنين في الاسبوع الي بعده.
للمعلومية انا اتكلم عن الشكل حق 2009
وشوف ياصاحبي انا ماكرهك في السياره الي انت مختارها بس نصيحه ابعد عنها شوف اذا تبي الرزه والكشخه الاكورد اكييد وذا تبي السرعه الاوريون .
خالص تحياتي.....
مواقع النشر (المفضلة)