..
السلام عليكم يالربع
اخباركم ان شاء الله بخير
اليوم رحت غيرت الفحمات الخلفيه<<كالعاده
للاكورد الي عندي 2008
وطبعا بما اني مليت من كثر مااغير الاصلي حق الوكاله ويخرب بسرعه قلت ليه مااجرب النوع الي تفضلوا الاخوان وتكلموا عنه هنا(نيسن)
سألت في كم محل عندهم سبحان الله كل الانواع الا الخلفي حق الاكورد 2008 يقولون مانزل

ودام ان الدعوه خاربه خاربه عندي دورت انواع ثانيه حصلت نوع عند النعماني الفرع الجديد الي بالدمام نوع صناعته تايلنديه..يقول الهندي ممتاز ومدري كيف طبعا سعره ب50 ريال

سألت الميكانيكي الي اتعامل معه من خمس سنوات قال التايلندي مايصلح اسال عن الصناعه الهنديه
سألت عن الصناعه الهنديه لقيتها في بعض المحلات والجميع يثنون عليها طبعا اسمها ((ATS))
بعض المحلات تبيعها ب60 ريال وبعضهم ب70 ريال
وبما ان الدعوه عندي خاربه خاربه توكلت على الله وركبتها..


الي ودي اعرفه هل احد من الاعضاء عمره ركبها؟؟
ولا انا اول واحد.؟؟؟؟


وعلى فكره اول مره من خمس او ست سنوات على كثر السيارات الي اشتريتها اغير قماشات او شي استهلاكي مو اصلي
لكن الشكوى لله
جننتني ودام حقت الوكاله تخرب بسرعه قلنا نجرب الهنديات يمكنها احسن..

انتظر ردودكم..