ابي ريموت تشغيل السيارة

**k363k** · 13-01-2010, 11:55 PM

السلام عليكم و رحمه الله و بركاته

من زمان ما دخلت المنتدى والـــحين رجعت ( ردت روحي )

المهم انا يا شباب مع الاجواء الباردة في الرياض تحمية السيارة تاخذ وقت وفكررررة اني اشتري واركب ريموت تشغيل السيارة لاني ادخلها البيت وشرايكم ؟؟؟

وهل ريموت تشغيل السيارة يضر على السلف انا اذكر قبل سنوات يقولون يخرب السلف وشرايكم

والله يوفق الجميع

على فكرة سيارتي اكورد 2002

**المباشر** · 14-01-2010, 03:06 AM

وعليكم السلام ورحمة الله وبركاته

حياك الله يالغالي ومنور طال عمرك

الانواع اللي موجودة بالسوق من النوع الرخيص وممكن يخرب عليك السلف بعد فترة

في شباب كنت اعرفهم مركبين على كابريس وعلى سيارات ثانية وسنتين و3 سنوات بدون مشاكل معاه ولكن اللي نعرفه ان الهوندا الحديثه متحرشه وفي شكاوي من دقمة السلف والسلف نفسه وهكذا والظاهر انك تلغي الفكره يمكن افضل

بردنا فتره بسيطه ويروح ماهو مثل اوروبا ويجيك الحر يعني ممكن تخسر نفسك على الفاضي

للمعلومية ترى الجهاز يدق سلف للسيارة وساعات يطول بالدقة يعني السيارة تشتغل والسلف للحين ماوقف لثواني وهذه ممكن تخرب عليك السلف

**saudiboy** · 15-01-2010, 07:52 AM

على فكره أنا دخلت على موقع هوندا الرسمي وفيه ريموت أصلي لتشغيل السياره
بس لازم فيزا عشان تطلبه والتركيب أتوقع الوكاله يركبونه
http://automobiles.honda.com/accord-...ory=ACCOR10032

**green devil** · 15-01-2010, 08:38 AM

الريموت موجود عند الوكاله تقريبا بس سعره يوصل 900 ريال ..على ماسمعت ..
بس عامة يضر بالسلف مع الوقت وكثر التشغيل فيه ..
والبرد كلها شهر ويخلص .. والهوندا بسرعه تسخن اساسا
وانت لا تشغل وتخليها تصير حاره :d لانه خطأ اساسه
شغل السياره نتظر لين عداد الضغظ يصير على 1 او ينزل تحت 1 ..وهذا العمليه ما تاخذ دقيقتين في الهوندا او 4 بالكثر .. بعدين حرك بس لا تسرع ع طول خلك ناعم عليها وبس وكذا تحافظ ع السياره للمستقبل بعد