الموضوع: خدمــــــــه لو سمحتــــو ..

غريبه تويو وفيها صوت مع ان اذكر في واحد من الأعضاء مركبهم ويمدحهم

.....بالنسبة لي مركب برجستون وممتازين واكثر الأعضاء مركبينهم ماحد
اشتكى منهم
لو تسوي بحث بالنادي عن برجستون تورنزا راح تقتنع فيهم

حبيبي
أنا ركبت تويو وكانت سيئة وبعد كل شهرين تحبل ... وركبت سوموتومو وكانت سيئه للغايه
ولكن ما المشكلهـ ... الأولى شريتها مستعمله ... والثانيه كانت سنة صنعها 2005
فإنت عليك أربع أشياء تسويها :
أولا : وزن الأذرعه لأني كنت أركب الكفر شهر ويطلع صوت طلع السبب من الأذرعهـ .
ثانيآ : اشتر الكفرات الموثوق بها كبريجيستون وميشلان ولا تنسى تسوي ترصيص للسيارهـ .
ثالثآ : لاتشتري المستعمل ... الله الله بالجديد .
رابعآ : تأكد من التاريخ أنه 2009 على الأقل ..

مشكوررين على المرور ..
لكن والله يا اخوان اشتريتها جديده لكن بجرب الكلام اللي قلته اخوي اغار يا هوندا وبشوف .

انا كنت مركب كفرات تويو وهي والله كفرات اثبتت فشلها في الجودة ماتطول وعمرها الافتراضي لايزيد عن 4 شهور ويبدا بالاستهبال من تنسيم وتحبيل ورجه وصته مرررررره مزعج طفشني ورحت وغيرتها بس الصرحه ركبت كفرات دنلوب والله فرق كبير كفرات مرررره حلوه سعرها رخيص وجودتها عاليه ومررره لينه ماتحس بالمطبات ولا اصوات واذا عبيتها هوا نيتروجين تطلع كانك تمشي على رمل مالها اي صوت ومررررره مريحه في السفر ولاكن يجب عليك حين تشتري كفرات انت تختار النقشه الكويسه الي تجيك موحده مو نقشتيب يعني نقشه وحده ولا بها فراغات كثيره اما بالنسبه لمشلان في والله اخيس كفر ركبته مررره ركبت اثنين خلفيه جديده وذهبت من الرياض الي جده وفي الخط طرب على واحد منها وانا راجع من جده ضرب على الثاني ورحت لوكيل ميشلان وتشاكيت انا وياهم على الضمان البايخ والي اللحين مااخذت فلوسي يقولون لي بنركبلك غيرها قلت انا لو تعطوني درزن منها ماركبتها بس دنلوب وبس سعر الاربع كفرات لايتجاوز 1150 ريال وارجو اني ماقصرت معاكم من المعلومات


ملاحظة: اذا جيت تشتري كفرات حاول انك تشتري من الوكيل مباشره لان اليمنيين حقين البناشر اكثر الكفرات الي عندهم جايبينها من الامارات معاده الصنع وعمرها الافتراضي مررررره قصير .

وعليكم السلام

ويا هلا وغلا ومسهلا

الله يحييك

ومشكلتك ان شاء الله حلها سهل

قبل لا تشتري الكفر شوف تاريخ صناعته

ولما تركبه سوله ترصيص ولو تعبي الكفرات نتروجين بيكون احسن وافضل لك

الكفرات المعروفه بقوتها


Bergston


Michelin

ولا تاخذ الا من محل موثوق لان فيه بعضهم ماعنده لا ذمه ولا ضمير

وان شاء الله اكون افتك والشباب ماراح يقصرون

:d

اذا انك اخذت الكفرات قبل شهرين
تقدر ترجعها على الضمان ويبدلها لك
لو تروح لنفس الوكيل يكون افضل
بالتوفيق

اسمع الحل عندي فك الكفر الي ورا وفك الجلنط وفر الفلنجه بيدك اذا طلع صوت زي صوت الونه اعرف انه الفلنجه الي ورا الهوب الي فيه المسامير ترى قد صارت معي في موديل 2003 جربه قبل تخسر في الكفرات

مشكـــورين يا رجــال عز الله ما قصرتو
الله يبيض وجيهكم .
تحيـــاتي ""