الموضوع: دفعت اليوم العربون وبكره التكمله ((وجا واحد قلي الاكورد بالذات 2010 انحش منها))

بالتوفيق ياغالي والله لو تبي تسمع كلام الناس والله تضيع اسألني انا كل ماسألت

احد ابيه ينصحني ويعلمني عن موتر معين قام وطلع فيه الف عيب ولعلمك انا

ناوي باذن الله اطلع لي اكورد 2010 وعرف اكثر من واحد بالشي هذا

وجتك النصايح اللي مدري وش تبغى فالحياه

الاكورد غاليه الاكورد قطع غيارها نار الاكورد الاكورد ...... إالخ

بس ماهمني الكلام ذا كله ومطلع الاكورد مطلعها الله لايعوق بشر :d

لا اظن ان 2010 فيها عيوب
بس لو راح اخذ بأخذ 2009 عشان فرق السعر بس

بالعكس يالحبيب زين ماخترت هوندا وموديل 2010
خويي ماخذ موديل 2010 وماشية الحين معه 17000ألف كيلو يومياً يمشي عليها 450كيلو أوأكثر
لأنه يدرس خارج الرياض
وماشيه معه زي الحلاوة ماشاالله تبارك الله وكان يبي يشتري كامري بس قلتله خذلك هوندا وأخذها
والحمدلله صار الأختيار موفق

الله يسعدكم ياجماعه واحد ورى الثاني

اتصل علي الادمي قالي طلع الكلام الي قاله على 6 سلندر

سحبت الشيك المصدق بتكمله المبلغ وبكره على عبدالله هاشم باذن الواحد الاحد

وقبلها صليت الاستخاره وبعد الصلاه قلبي على الملكه ولا غير الملكه

الله يرحم والديكم جميع كفيتو ووفيتو

وعلى راسي كلكم

^^^


الف مبروك والله يعطيك خيرها ويكفيك شرها ,,,

السلام عليكم حبيت اعلق على الموضوع بخصوص الاخ الي قالك فيها عيوب انا من وجهة نضري ماتوقع انو فيها شي لانو معاي 2008 وماشاء اللة ماجاهاء شي على انو قطعت بطنها خطوط بحكم العمل وماعليها ماشي حالها انا انصحك انو تستخير وتو كل على اللة

الله يبارك باعماركم

لا خلى ولا عدم

وانا سعيد اني بينكم

بيتهور ويقول صبوه القهوه <<<<<<<<<<<<<

اعقلها وتوكل

وماعليكـ من كلام فلان وفلان

اهم شي صلاة الاستخارة

عقبال مانقول لكـ مبروكـ

الف مبررررروك
الله يعطيك من خيرها ويكفيك شرهاااااااا

اخوي اذا تبي سياره يابانيه وكشخه وتصبر وعطها تعطيك هههههههههههه حلوه صح :d
وانت مغمض الاكورد بصراحه موووتر وخاصه 2010 فيها اضافات حلوه عن 2009
انا قبل ما اشتري اكورد
كنت بشتري اوريون بس بصراحه فرق كبير عن الهوندا يارجل مثل الكامري بضبط
توكل على الله والاكورد هي الاحلى والاجمل والامثل والأكمل

الف الف مبروووووووك
الله يطعمك خيرهآ ويكفيك شرهآ

كلام خويك صح 100 في ال100 اذا كان يقصد 6سلندر لانه ال6 سلندر معروفة مشاكلها حتى الموديلات القديمة لكن اذا كانت 4 سلندر كلامه خاطئ 100 في ال100

^^

وش المشاكل :p

المشاركة الأصلية كتبت بواسطة @اكورد وبس@

^^

وش المشاكل :p

اقصد ال6v فقط يالغلا فيها مشاكل ميكانيكية ورجائا لاتتفلسف روح قسم الصيانة واسئل عن مشاكل الستة سلندر لانه ال6 سلندر قيرها مايستحمل ضغط مكينتها وكثير من الي معاهم ست سلندر خبط عليهم القير والمكينة وشوف قسم الصيانة ياليت لاحد يتفلسف ويجيب كلام من راسه
انصحك باكورد 4سلندر ولله الحمد مافيها مشاكل

بدينا بالاحراج :d

أخي العزيز :
انا عندي أكورد 2008 أسود وصارلها معي سنة ونصف و الحمد لله ما شاء الله صارت قاطعة 60.000 كم زما شفت منها اية مشاكل وسافرت فيها سورية و كانت متل الريح يعني نصيحتي الك :
1. صلي ركعتين استخارة قبل ايّة حركة.
2. اللون الأسود كتير صعب نادرا ما شوفها نظيفة.
3. اللون الفضّي اسهل بالتنظيف و ما بيحبس الحرارة بالصيف متل الأسود .
4. اللون الفضي بياخذ اللون الأسود بشكل كتير حلو متل (تضليل الأنوار الأمامية والخلفيّة و الزجاج بالأسود)و جرّب وشوف..
5. داري سيارتك بتداريك
و اسف على الإطالة و الله ولي الأمر و التوفيق .................................. حسن_الدوحة

يارجال أنت خلاص نويت عليها ودفعت العربون بعد ... لا تخليه يوسوس براسك ... كلنا عارفين إن الأكورد ماشاءالله مايعيبها شي إلا إن كان الأقمشة بس ... الله يعطيك خيرها ويكفيك شرها بس

ياجماعه الخير لا يقوم البوكس بينكم

من وين نجيب واحد يفرع بينكم؟؟

انا عربنت وسلمت المبلغ كامل وامنت عالسياره باقي اللوحات بس

واخذت الفل 4 سلندر اللون عنابي

الله يبيض وجوهكم

والله كفيتو ووفيتو

يعطيك خيرها ويكفيك شرهآ

عندي 2009 سبشل والحمد لله للحين مافيه شي يعيبها ..

ماشي 14 الف ..

بالتوفيق

الف شكر لكم