بسم الله الرحمن الرحيم

السلام عليكم ورحمة الله وبركاته

كيف حالكم ياعشاق الهنادي انشاالله تكونون بالف عافيه

أخواني ودي اشرحلكم المشكلة اللي اواجهها مع سيارتي الاكورد 2005 اللي خسرت فيها واجد لكن ارجع واقول السيارات نصيب

عموما مالكم بالطويله انا حصلت معي قبل فتره ان الحرارة ارتفعت لدرجة انها وصلت ال h وديتها لأقرب ورشة عندي لان الوضع ما يحتمل توديها لورشة معينة المهم قال عندك ماصورة حديد مكسورة وقال اما تغيرها او نعلم لحام بارد سويت لحام بارد وضبط معي جلس معي حوالي 4 شهور ورجعت المشكلة ورحت لنفس الورشة وقال هذي المره لازم تغير الماصور وغيرتها لكن من بعدها صارت الحرارة مو زي اول اوقات تكون طبيعية واوقات توصل للنص بالضبط واوقات ترفع عن النص وتنزل تدريجيا وترجع لحرارتها الطبيعية واستمرت معي فقررت اوديها للصناعية لورشة متخصصة للهوندا نصحني فيه واحد من الشباب

المهم جلس يوم كامل عشان يحدد وش المشكلة وقال عندك الكوع والبلف ولازم لها تغيير

المهم اليوم اللي بعده اخذت السيارة وبعدين داومت فيه في الصبح ولاحظت نفس الشي ولا كأنه صلح شي

ورجعت له وقلت له ماصار شي الحرارة توها ترفع فقال مادام كذا اجل المشكلة من راس الماكينة وقالي لازم تغيرها ب 1200 مع الشغل والخرط

وانا ما اخفيكم انا خبرتي على قدي في ميكانيكا السيارت فياليت تفيدوني يا اهل الخبره

ودمتم بصحة وعافية