حسبنا الله ونعم الوكيل فزعة يا شباب الرياض
السلام عليكم ورحمة الله وبركاته
كيف حال الشباب؟ قبل فترة دخلت وكنت أسأل عن مشكلة عندي في الدريكسون وساعدوني الشباب بالرأي ولكن المشكلة بعد فحص شامل اكتشفت أن السيارة مصدومة وحسبي الله في اللي باعها لي وهو شريطي باكستانيعن طريق النت وكنت فاحص كمبيوتر وما قالي صاحب الورشة أنها مصدومة ومطلعة إير باق وأنا ما عندي سالفي في السيارات :o لأن سيارتي السابقة كانت كورولا وكالة وراحت في صدمة كبيرة وما حبيت أنصب على أحد وبعتها 13500 ريال وأنا شاريها 45000 ريال والحمد لله طبعا راعي الورشة مصري بس خسيس ويعرف الباكستاني وكذلك المعرض اللي نقل الملكية والمصيبة السيارة كانت باسم سعودي والمصري رفض يعطيني تقرير بعد ما رجعت له والتقرير القديم ما احتفظت فيه وحسبي الله ونعم الوكيل السيارة شاريها ب 30 ألف والآن قيمتها 23 ألف
ويا ليت السالفة وقفت هنا ولكن المشكلة أن السيارة تبغى الأصلاحات التالية
دودة دريكسون 950 من التشليح وأصلي 3500 ريال
طرمبة دريكسون تشليح 1100 وأصلي 1950 ريال
ولاي دريكسون 450 ريال ياباني أو تشليح 250 ريال
تغيير 2 كفر 400 ريال
مصنعية 450 ريال
يعني تقريبا تبي 3500 ريال
الكلام هذا في ورشة الجنوب اللي بالصناعية القديمة وشكلها كويسة وإن كانت اسعارهم غالية شوية
تكفون أريد التوجيه
إيش راح تسوي في الشريطي اللي نصب عليك لو كنت مكاني؟ هل انسى الموضوع وأحتسب ولا أحاول أضره عشان ما ينصب على غيري
والسؤال الثاني في اصلاح السيارة إيش تنصحوني
وجزاكم الله خيرا
أخوكم المصراوي
يوسف
رد مع اقتباس
مواقع النشر (المفضلة)