مثيت السرعه...

**علي الزير** · 19-02-2010, 05:09 AM

السلام عليكم ورحمة الله وبركاته

ياشباب تكفون ابيكم تفيدوني بخصوص مثبت السرعه انا عندي اكورد 2005 سياحي

ومافيها مثبت السرعه وانا واحد راعي سفريات وودي اركب مثبت السرعه وياريت تفيدوني بهذا الشي وشكرا

**B Useful** · 19-02-2010, 05:29 AM

مع الاسف // لعلها مستحيلة حتى هذة اللحظة ، وتمت مناقشة هالسالفة من ايام ٢٠٠٦

**HONDA HAILL** · 19-02-2010, 08:11 AM

مالك الا تبيع السياره وتشتري مثلها فل وهذا اقرب حل

**ل م س 3 3 4** · 19-02-2010, 03:43 PM

لالا مو مستحيل ولا شيء

في فلبيني في ورشة بالقصيم برياض الخبراء يركب مثبت على السيارة ويمدحون شغله مرره

انا قريت عن هالورشة في المنتديات بس حبيت اقولك انها موجوده وتكلفتها بحدود ال1500

**B Useful** · 19-02-2010, 04:15 PM

^^ نفس الكلام عن ذا الفلبيني في رياض الخبرا نسمعة من ٢٠٠٦ وللحين ما شفنا شي !! ^^

اوكي اللي سمعتة يركب المثبت على سيارات كثير ، بس هوندا للحين محد جرب ولا احد ركب..!

**علي الزير** · 20-02-2010, 03:46 PM

:( يعني مافي حل ...؟

طيب مايصير اشتري جهاز التثبيت اكورد فل كامل من التشليح واركبه على سيارتي مثلا

وهل ممكن انه يظبط؟;)

وعلى كلام الأخ(ل م س)هل تقدر تجيب لي عنوان او رقم تلفون الورشه؟

**ن ع ر السعودية 0005** · 20-02-2010, 05:18 PM

لالا مو مستحيل ولا شيء

في فلبيني في ورشة بالقصيم برياض الخبراء يركب مثبت على السيارة ويمدحون شغله مرره

انا قريت عن هالورشة في المنتديات بس حبيت اقولك انها موجوده وتكلفتها بحدود ال1500
ل م س 433

لا بالعكس مستحيل :d لو قلت تويوتا اقول يمكن بس هوندا صعبة
هذا الفلبيني موجود الخبراء للتصحيح وبالتحديد السحابين في ورشة الفايز ولو تبي الوصف يا علي أرسلته لك على الخاص بس نصيحة إذا بتعني على شأن المثبت ما أنصحك لأنه قد جاه الكثير وكلهم يرجعون دون فائدة ...

**مجوووودي** · 20-02-2010, 05:30 PM

طيب وطريقة تركيب المسجل الفل كامل .. وبعدها تركيب المثبت والتحكم بالصوت

والا هذا برضو كلام بالهواء !!!!

**ن ع ر السعودية 0005** · 20-02-2010, 05:57 PM

المشاركة الأصلية كتبت بواسطة مجوووودي

طيب وطريقة تركيب المسجل الفل كامل .. وبعدها تركيب المثبت والتحكم بالصوت

والا هذا برضو كلام بالهواء !!!!

تحكم الصوت يشتغل معك و يركب إذا ركبت مسجل 6 سيديات ومكيف عادي إلي هو مسجل الأكورد الأمريكية أما المثبت أنسى أنه يشتغل بس تركبه شكل فقط

**ولد صبياء** · 21-02-2010, 12:50 AM

هلا شباب انا عندي اكورد 2006 اسبيشل
وركبت مثبت سرعه اخذته من التشليح
وافك الدركسون <======<< مسوي معلم
واركب المثبت واركب الفيشه حقته واركب الدركسون
واشغل السيارة وجااااااءت المفاجئه ايش تتوقعون
اذا جيت ابي اشغل المثبت يدق بوري اي زرار في
المثبت وطلعت على الوكاله قالي اسبيشل انسى
وتحياتي

**المـــــلكـ اكـــــورد** · 21-02-2010, 01:03 AM

الموضوع مكلف جدا

يلزم تغير ضفيرة الطبلون الامامية كامله مع ثلاجة المكيف والبلور(جرم فلتر المكيف ) +مسجل الفل +كمبيوتر اسفل الدرج كما يلزم تغيير علبة الفيوزات الداخليه والخارجيه لاحتواءها على افياش اكثر في الفل كامل +اذكر برضوا قالي واحد في التشليح ان مكينة الفل فيها الابنص معاه قطعه الكترونيه يتم توصيلها في كمبيوتر السيارة +طبلون (عداد)لفل كامل

=انسى الموضوع

**ل م س 3 3 4** · 21-02-2010, 01:20 AM

اخوي علي

انا ماركبت ولا جربت لاكن قريت كثير عن الورشة وعن العامل الفلبيني وهو ركب مثبت على جيوب وعلى غيرها من سيارات

يعني لاتاخذ مني كلام ولا من غيري انها تركب او لا مالك الا تدق على الورشة وتكلمهم ؛؛

حتى للعلم بالشيء كان العامل يركب المثبت بقيمه بسيطه ،لاكن عقب مااشتهر رفع سعره وصار يشتغل بمبلغ وقدرة

اتمنى اكون افدتك باللي اقدر عليه

**علي الزير** · 21-02-2010, 01:35 AM

يعني خلاص مافيه امل...:(

على العموم ماقصرتوا ومشكورييين

**AcCoRd - 949** · 21-02-2010, 02:43 AM

عندي العلم اليقين ,,

كلمت الفلبيني اللي في القصيم

وقالي ما يركب المثبت .. لان الكمبيوتر حق الاسبيشل يختلف عن الفل

قلتله طيب يمين يسار ,, قالي لازم تغير الكمبيوتر وكم شي معاه ..

الزبده

انسى الموضوع

:d