رابطة مالكي الاكورد من 1998الى 2002

اقتباس:

---

المشاركة الأصلية كتبت بواسطة lover91

السلام عليكم تني شاري سيارة موديل (مكتوب في الاستمارة 99 لكن عند الباب مكتوب 98) مش عارف مين فيهم الصح ولا كيف !!!
المهم انا نفسي اغير مفتاح السيارة و اخلية كمبيوتر فهل ينفع اعمل الحركة هذه ؟ ممكن مفتاح عادي بس جديد
و بدي اغير المساعدين الامامين و كراسي مكينة
كام بتكلف هذه الشغلة و مين احسن ورشة تعملها و كيف احصل القطع و الاصلية كام سعرها و في التشليح كيف سعرها ؟

---

عادي جدا سيارتك موديل 99 لكن تم تصنيعها في نهاية العام 98
انا سيارة 2009 و مكتوب على الباب 2008
اما بنسب التشغيل الذكي نعم تقدر لكن يبيلك اتدور لك على قطعة التشغيل الذكي الي تركب على السيارة و اتوقع انها مي موجودة هنا
اما بنسب الى المساعد ما عندي خلفية عنهم
الكراسي ( الكرسي الامامي بـ 95 الكرسي الي من جهة السائق 530 لانه مو ربل (هيدروليك ))
اما باقي الكراسي ماعندي خلفية عنهم لكن اتوقع ان كلهم بـ 1250 ما اتوقع اكثر
لكن انتبه اتبدل اي شي شغال عشان ما تخسر

تسلم يا ابو علـــــي
و شكرا على المعلومات
و وين في ورشة في الرياض شغلها كويس في هيك موضوع ؟

اقتباس:

---

المشاركة الأصلية كتبت بواسطة lover91

تسلم يا ابو علـــــي
و شكرا على المعلومات
و وين في ورشة في الرياض شغلها كويس في هيك موضوع ؟

---

مع الاسف انا مو من العاصمة
الشباب يفيدوك انشاء الله

و بنسب لفلتر زيت القير السيارة ما فيه فلتر خارجي
يعني ما تقدر اتبدلة الى لازم تفك القير بوكس

اقتباس:

---

المشاركة الأصلية كتبت بواسطة lover91

و بالنسبة لفلتر زيت القير و ين ممكن اركبة لو مش راكب عندي ؟
انا في الرياض طبعا

---

بخصوص
زيت القير فيه ورشة بأم الحمام اسمها ورشة الجنوب بزاوية على الشارع الشرقي من الصناعية ناااااسي اسم الشارع

شغلهم مضبوط وسريع



بالتوفيق

اقتباس:

---

المشاركة الأصلية كتبت بواسطة HaNaaDy

شاكر لك أخوي نقلك لتجربتك , وحبيت أستفسر عن طريقة تغيير لمبة عداد الكليوات محترقة عندي لها أكثر من سنه ومسويه لي قلق , مريت محل وقالي اخاف ماعرف لها ومادري أيش . بعد كيذا خربت لمبة الساعه أتوقع إن لمبة الساعه موضوعها أسهل , لكن عموماً سؤالي لك أخوي كم سعر لمبة عداد الكيلوات وهل فكها سهل انا احب افك واربط يعني ماعندي مشكله ..

وإذا عندك خبر عن لمبة الساعه , وشكراً لك أخوي مقدماُ , هذي اول مشاركه لي بهاالمنتدى رغم ان السياره لها معاي 6 سنوات , فعلا خسارة ماكنت اعرف هالمنتدى ,


تحياتي ..

---

مرحبااااا بك اخوي بين اخوانك


بخصوص تغيير لمبات الطبلون انا مغيرها بنفسي وعلى رواقه ؟ الشغله سهله بس يبيلها طولة بال فقط لا غير
واللمبات اللي الغيتها تعتبر مخفيه فوق عددها 2
انا اللغيتها وطلع البلون افضل يعني الاضاءة طالعه من الارقام و الامبيرات فقط ....

وبخصوص لمبة الساعه سهله ايضاً فكها كبس وممكن بالهداوه تفكها بيدك :rolleyes: وغير اللمبة صغيره


كــــلهــــا تلقاها بالوكالة و الافضل فك كل اللمبات و اطلع للوكالة وبدلها نفسها عشان تضمن فقط


بالتوفيق

شكرا يا شباب ان شاء الله نبدأ نظبط فيها شوية شوية

k363k http://www.hondaarabia.com/club/imag...er_offline.gif

بالنسبة لك يالغلا


انت قلت ان الشغله بسيطة وعادي


طيب ممكن تغير لي الوان الاضاءة .؟؟ يعني اجيب لك اللمبات وانت تركبها ؟ >> والا صعبة شوي ؟


<< في الرياض يالغلا ومانشوفك ( يبيلنا نشوفك )

>> الشفا دائما خخخخخ

اقتباس:

---

المشاركة الأصلية كتبت بواسطة Mr_3bdullah

k363k http://www.hondaarabia.com/club/imag...er_offline.gif

بالنسبة لك يالغلا


انت قلت ان الشغله بسيطة وعادي


طيب ممكن تغير لي الوان الاضاءة .؟؟ يعني اجيب لك اللمبات وانت تركبها ؟ >> والا صعبة شوي ؟


<< في الرياض يالغلا ومانشوفك ( يبيلنا نشوفك )

>> الشفا دائما خخخخخ

---

اخاف اذا شفتني عضيت ثوبك هههههههههه
اقصد يمكن انك صغير بالعمر انا تراني 31 :rolleyes: وساكن بأقصاء شمال الرياض

واذا تبي ورشة مضبوطه ويزبطون لك الطبلون بوصف لك ورشة احتمال يسوونها لك

الصناعية القديمة - قريبة من السالم لزجاج

اقتباس:

---

المشاركة الأصلية كتبت بواسطة k363k

اخاف اذا شفتني عضيت ثوبك هههههههههه
اقصد يمكن انك صغير بالعمر انا تراني 31 :rolleyes: وساكن بأقصاء شمال الرياض

واذا تبي ورشة مضبوطه ويزبطون لك الطبلون بوصف لك ورشة احتمال يسوونها لك

الصناعية القديمة - قريبة من السالم لزجاج

---

ما اظن يسوون له انوار الطبلون :confused:

فيه محل بالغرابي يسويها له بس غالي

اللي انا مصلحها عنده

HonDa 2o0o

ايه صدقت يالغلا


بس المحل شغله مظبوووط

اقتباس:

---

المشاركة الأصلية كتبت بواسطة honda 2o0o

ما اظن يسوون له انوار الطبلون :confused:

فيه محل بالغرابي يسويها له بس غالي

اللي انا مصلحها عنده

---

ههههههههههههههههههههههههه
ههههههههههههههههههه

عاد انت اخبر مني . انا يوم شاف طبلون سيارتي قال مين اللي مسويه :قلت انا قال 100%
وقلتله تسوونها قال ممكن . مع انه اخر مره مريته ( سحب علي ) مالقيته ودقيت عليه ما يرد ؟ مع اني مكلمه قبل اجي للورشة نقــــــــول يمكن انشغل

شباب انتظروا عودتي للمنتدى وخاصة ها الموضوع اللي يخصنا


بنزل لكم كم صورة للسيارة >> طلعت اكورد امريكية

<< احس ان الشيء اللي سويته يمكن مايعجبكم


بس قريب بنزل صور ان شاء الله

اقتباس:

---

المشاركة الأصلية كتبت بواسطة k363k

ههههههههههههههههههههههههه
ههههههههههههههههههه

عاد انت اخبر مني . انا يوم شاف طبلون سيارتي قال مين اللي مسويه :قلت انا قال 100%
وقلتله تسوونها قال ممكن . مع انه اخر مره مريته ( سحب علي ) مالقيته ودقيت عليه ما يرد ؟ مع اني مكلمه قبل اجي للورشة نقــــــــول يمكن انشغل

---

هذي عوايده يسحب :mad:

اقتباس:

---

المشاركة الأصلية كتبت بواسطة Mr_3bdullah

شباب انتظروا عودتي للمنتدى وخاصة ها الموضوع اللي يخصنا


بنزل لكم كم صورة للسيارة >> طلعت اكورد امريكية

<< احس ان الشيء اللي سويته يمكن مايعجبكم


بس قريب بنزل صور ان شاء الله

---

والله مدري وش بتسوي

من عقب النسافات وانا غاسل يدي :d

عموما ننتظر ونشوف :p

^^

نسافات ولا جنووطك ذا الخايسة


قال ايش قال ستة سلندر

خخخخخخخخخخخخخخخخخخخخخخخخخخخخ


بنزل الصور وان شاء الله تعجبك يابو شكمانين ملفقه كلها

كأإإأإأي

هيااااااااااه انت وياه وشفيكم :)

دام انك اكورد امريكيه
اجل اقرب شي تقدر تسويه
هو السكن البرتقالي :d

والله انك جبتها يافارس

وربي انك مبدع >> بس ما ابدعت في التحصيلي للاسف


شويات بس اصغر الصور وانزلها

بصراحة سويت الحركة في وقت المباراة النهائية لكأس العالم


حتى اني طلعت يوم خلص الشوط الثاني :d


ومارجعت الا الشوط الاضافي الثاني


الحركة : تكحيلة للاصطب ببخاخ اسود وتجليد لون برتقالي >> عشان تكون شكلها غريب :p


اتمنى تعجبكم الصور :)

الصورة الاولى

http://up.3ros.net/get-7-2010-jvbm17zd.jpg

الصورة الثانية >> مع العضو honda*2008

http://up.3ros.net/get-7-2010-94tzr48f.jpg

الصورة الثالثة >> إهداء لـ RoOoDy
>> يعرف نفسه :d

http://up.3ros.net/get-7-2010-wbjgtb0k.jpg

ماعليش بس حبيت انزل الصورة لحالها

>> مصورها بوضع التقريب علشان توضح الحركة واللي تعجبه يسويها :d

خلونا نستفيد من بعض :o



>> لاحظوا رشة البوية الاسود والتجليد البرتقالي

http://up.3ros.net/get-7-2010-qqki0dw0.jpg

اقتباس:

---

المشاركة الأصلية كتبت بواسطة Mr_3bdullah

^^

نسافات ولا جنووطك ذا الخايسة


قال ايش قال ستة سلندر

خخخخخخخخخخخخخخخخخخخخخخخخخخخخ


بنزل الصور وان شاء الله تعجبك يابو شكمانين ملفقه كلها

كأإإأإأي

---

على الاقل كنها وكالة :cool:

مو مسوي مثل الكامري :d ( نسافات ):15:

_______________________

بالنسبة للحركة اللي مسويها

غلطان انك ترش الاسطبات ببخاخ كان شريت اسطبات من محلات الزينة عشان ما تلعب في سطب الاصلي

وحلوة حركة الشريط البرتقالي عجبتني تدري ليه :rolleyes:

لانك لزقتها مع الجهة الجانبية مو كلها ..... حلوة :cool:



بس ما ودك تشيل اللي فوق الاسطب :dry:


http://up.3ros.net/get-7-2010-qqki0dw0.jpg

اللزق البرتقااالي حلووو واحلى لما خليته من الجنب بس
اما التكحيله يعني فيها وفيها .. احس فيها والا بدونها كلهم حلوين
ونفس كلام ع س ح شيل اللي حاطه فوق الاسطب وشيل التجليده السوده للي على الشبك خلاص طولت

اقتباس:

---

بالنسبة للحركة اللي مسويها

غلطان انك ترش الاسطبات ببخاخ كان شريت اسطبات من محلات الزينة عشان ما تلعب في سطب الاصلي

وحلوة حركة الشريط البرتقالي عجبتني تدري ليه :rolleyes:

لانك لزقتها مع الجهة الجانبية مو كلها ..... حلوة :cool:



بس ما ودك تشيل اللي فوق الاسطب :dry:

---

اولا مشكوور على التعليق يالغلا

والشيء الثاني انا ان البرتقالي على حق الاشارة بس قلت احلى من الطويل

وعلى الرشة انا موديها لمحل يقول ارشها لك سم >> يقصد بالسانتي لذلك ماخفت وقلت شكلها احلى بالاسود

اما اللي فوووق ماعليش صعب افكه

>> تدري ملمع الشمعات وقلت لهم لاتفكوونها >> اخاف ماعاد اعرف اركبه لانه 3M

هذي مسويها على انها رمووش للسيارة >> ياعيني عا النواعس:d

اقتباس:

---

اللزق البرتقااالي حلووو واحلى لما خليته من الجنب بس
اما التكحيله يعني فيها وفيها .. احس فيها والا بدونها كلهم حلوين
ونفس كلام ع س ح شيل اللي حاطه فوق الاسطب وشيل التجليده السوده للي على الشبك خلاص طولت

---

مشكووور على الرد يالخوي

اللي فوق الاصطب >> نفس الرد على الاخ ابو جنوط غبية :d

والشبك فكيته ورجعت اجلده بالحرارة عشان مايطلع هواء فيه :d >> اتمنى فهمتني خخخ


( هذي بدايتها ماعجبتكم اجل لو اصورها لكم من ورى وتشوفون >> بيطقوووني وبتقولون غبي ) :d >> بتشوفونها قريب


<< جهازه يبي له فرمته :p

اقتباس:

---

اللي فوق الاصطب >> نفس الرد على الاخ ابو جنوط غبية :d

والشبك فكيته ورجعت اجلده بالحرارة عشان مايطلع هواء فيه :d >> اتمنى فهمتني خخخ


( هذي بدايتها ماعجبتكم اجل لو اصورها لكم من ورى وتشوفون >> بيطقوووني وبتقولون غبي ) :d >> بتشوفونها قريب


<< جهازه يبي له فرمته

---

يعني الشبك امعصي تفكه
جل الله يستر من الجاي
نشوف وش انت مسوي
وابو جنوط غبيه .. على قولتك .. :d قبل كم اسبوع شايفه بالشفا :cool: قاعد يضغط بالجوال مدري وش عنده :d

:d

ذبحنا الايفون وانا اخوك

اصلا انا ساكن بالشفا ،، بس وين شفتني ؟؟ :(

مشكلتي طلعاتي مو كثيره


اجل جنوطي غبيه ( اللي ما يطول العنب ،، حامض عنه يقول ) :cool::d

اقتباس:

---

يعني الشبك امعصي تفكه
جل الله يستر من الجاي
نشوف وش انت مسوي
وابو جنوط غبيه .. على قولتك .. :d قبل كم اسبوع شايفه بالشفا :cool: قاعد يضغط بالجوال مدري وش عنده :d

---

الشبك حركه جديدة واعجبتني لأني مألفها من راسي

>> حتى قلت لواحد معه لون اسود قلت حط الشبك ابيض بالتجليد :d

احسكم بتقولون وش ذا من اللي عطاه سيارة >> كأنكم ولد خالتي يقول يازينها وكالة بس لعبت فيها :p

اولا انت من وين يافارس .؟ اي حي ووش جابك للشفا ,؟؟ >> اجل تعال بكرة اشوفك خخخخ

اقتباس:

---

اصلا انا ساكن بالشفا ،، بس وين شفتني ؟؟ :(
مشكلتي طلعاتي مو كثيره


اجل جنوطي غبيه ( اللي ما يطول العنب ،، حامض عنه يقول ) :cool::d

---

ياخي انت مالك داعي بالشفا ولا نشوفك يالشين :mad:

>> لو شفتك فككت الجنوط وخليتك تمشي عا الحديد >> ناويها بطقاق بس لاتجيب فزعات ترى ماحب ذا النظام

<< يارب اشوفك مرة عند اشارة واقاومك انت والستة ذي واقوم عليك عشان يضحكون عليك العالم >> اربعة تقوم على ستة


بتوضح انها كذية وانت مركب الشكمانات :d

( خلاص بكرة موعدنا اوكي خل نشوفكم تكفوون ترانا اجازة ) :d

>> الحظوور 3 او اربعة وكلكم بالشفا تعالوا فيه مباراة بالساحات البلدية تعالوا نعرض هناك وش رايكم ؟


بس التجمع لنا

Mr_3bdullah & FARES__KSA & HonDa 2o0o


واللي مب جاي ياويله اوكي ..؟؟

^^^^^^^^

:eek: اما الساعة 3 او 4 ما يمديني جداً

اطلع من الدوام 2.30 اوصل البيت 3

معليش عبدالله ما يمديني

شف الغبي


اقول له الحظوور 3 يقول الساعة ثلاث


اقول غير جنووطك على شان تفهم


>> الساعة تسع ونص بالبلدية الساحات فيه مباراة هناك

اقتباس:

---

المشاركة الأصلية كتبت بواسطة Mr_3bdullah

>> الحظوور 3 او اربعة وكلكم بالشفا تعالوا فيه مباراة بالساحات البلدية تعالوا نعرض هناك وش رايكم ؟

---

شف معنى كلامك وشف الغبي منهو

والله مو منك من النسافات اللي حاطها :d

سلام عليكم
شلونكم شباب
عساكم طيبين
المهم امس طلبت جنوط 2008 مقاس 17 لاكوردتي والكفرات دعسة وسط
شرايكم بالجنوط وانشاء الله بنزل الصور قريب

اقتباس:

---

المشاركة الأصلية كتبت بواسطة somha

سلام عليكم
شلونكم شباب
عساكم طيبين
المهم امس طلبت جنوط 2008 مقاس 17 لاكوردتي والكفرات دعسة وسط
شرايكم بالجنوط وانشاء الله بنزل الصور قريب

---

والله شفة واحد من قبل مركب جنوط الفل 2008 بس مقاس 16
و شكلها حلو على السيارة :cool:
انت بتركب 17 فاتوقع ان الشكل راح يكون رائع :cool:

اقتباس:

---

ذبحنا الايفون وانا اخوك

اصلا انا ساكن بالشفا ،، بس وين شفتني ؟؟ :(

---

بطريق ديراب بعد صلاة المغرب .. او وقت العشاء ماني متذكر بس في الليل :d
بس انا كنت متجه للدائري اما انت لفيت يمين من عند البريد على ما اعتقد او قبل - كان زحمه مره -

اقتباس:

---

بس التجمع لنا

Mr_3bdullah & FARES__KSA & HonDa 2o0o


واللي مب جاي ياويله اوكي ..؟؟
__________________

---

اقول انت اللي ياويلك والله
سحبت علي .. بدق عليك .. وهياااا الدقه

يا شباب وينكم
انا توي جاي من الساحة خذيت تقريباً ثلاث لفات ولا حصلت لا سيارة عبدالله ولا فارس

اقتباس:

---

المشاركة الأصلية كتبت بواسطة ابو علي

والله شفة واحد من قبل مركب جنوط الفل 2008 بس مقاس 16
و شكلها حلو على السيارة :cool:
انت بتركب 17 فاتوقع ان الشكل راح يكون رائع :cool:

---

يعطيك العافية
بس الحمد لله ركبت مقاس 16 وطلعت كذا :cool:
عشان لو ركبت 17 بتطلع مصايب (عكوس - واصوات - وووو..) وبعدين اندم على اللي سويته :mad:
بس الحمد لله سويت الصح وبعد اعطيها تهبيطة رايقة :rolleyes:وتطلع :cool:
وانشاء الله بصورة انزلها قريبا

اقتباس:

---

المشاركة الأصلية كتبت بواسطة somha

يعطيك العافية
بس الحمد لله ركبت مقاس 16 وطلعت كذا :cool:
عشان لو ركبت 17 بتطلع مصايب (عكوس - واصوات - وووو..) وبعدين اندم على اللي سويته :mad:
بس الحمد لله سويت الصح وبعد اعطيها تهبيطة رايقة :rolleyes:وتطلع :cool:
وانشاء الله بصورة انزلها قريبا

---

فعلا الـ17 ثقيله على السيارة
جربناها على اكورد 98 و بعد سنة بدنا العكوس و بيرنقات و الجنوط بعد
و اتوقع انا اكبر جنوط لسيارة هي الـ 16 و لاكن في ناس ماتهتم الى لشكل يعني عادي عنده يخرب السيارة عشان جنوط
الف مبروك على الجنوط و انا اتوقع انها راح تكون جميله على سيارتك

اقتباس:

---

يا شباب وينكم
انا توي جاي من الساحة خذيت تقريباً ثلاث لفات ولا حصلت لا سيارة عبدالله ولا فارس

---

هذا الله يسلمك ويطول بعمرك
اكلناها انا وانت

قل الحمد لله انك ماجيت من مكان بعيد بس :d

اقتباس:

---

المشاركة الأصلية كتبت بواسطة FARES__KSA

هذا الله يسلمك ويطول بعمرك
اكلناها انا وانت

قل الحمد لله انك ماجيت من مكان بعيد بس :d

---

اجل يقوم بالحق الله لا يهينه :mad:



وين اللي يقول يا ويلكم :p

اقتباس:

---

اجل يقوم بالحق الله لا يهينه :mad:



وين اللي يقول يا ويلكم :p

---

هذا كلااااااااام سليم
:cool:

يسلم تمك على هيك حكيات:d

اقتباس:

---

اقول انت اللي ياويلك والله
سحبت علي .. بدق عليك .. وهياااا الدقه

---

والله انا آسف يافارس

بس بصراحة حسيت اني ظلمتك وانا متعيجز تدري ليه .؟

انا قلت مالها داعي يدق مشوار للشفا واهو في خنشليلة >> وانا اقول مشوار اروح خنشليلة وماعرف فيها كثير

والشيء الثاني بقول لك ليش عا الخاص

اقتباس:

---

يا شباب وينكم
انا توي جاي من الساحة خذيت تقريباً ثلاث لفات ولا حصلت لا سيارة عبدالله ولا فارس

---

وشرايك في اللي موقف سيارته حتى موقف عرض عشان تشوفوها

وجلست من الساعة ( 10 الى الساعة 12 موجود )

بس انت قول متى جيت >> وهل اخذت لفة عا الساحة كاملة .؟ انا متأكد لو انت تشوف زين كان شفتني جنب كابرس تسعاوي

>> شكلك تلبس نظارات مثلي مانناظر الا قدام خخخخخخخخخخخ

اقتباس:

---

هذا الله يسلمك ويطول بعمرك
اكلناها انا وانت

قل الحمد لله انك ماجيت من مكان بعيد بس :d

---

انا قلت لك يافارس ابدق عليك ولا دقيت >> يعني لاتجي وتوهق نفسك :d



<< مليت من الاقتباس


على سالفة الحق ابشروا والله مع اني مالي دخل واتتظرت ساعتين بس يالله


ماعندك مشكلة بس اذا كنت موجود في الرياض


>> اذا كان العشى هو اللي بيجيبكم ونشوفكم , نشعيكم ليه لا ..!!


( اقول تراكم تتعبوني بالرد عليكم اكثر من كتابة المواضيع والتقارير حقتي ) :d

:)يعطيك العافية اخوي:)