ياعزيزي اذا كان الاسطب تجاري فمن الطبيعي راح يكون باهت من أثر الوقت والشمس
اما إذا كان أصلي فانتبه لا تجيب العيد لان قيمة الجهة الوحدة من الاسطبات الخلفية ( هوندا 2003 ) اللي في الشنطة +اللي في الرفرف =800 ريال أو أكثر فكن حذر
نصيحة ودها اقرب محل تلميع وهو يفك ويلمع وينظف الغبار وما ياخذ أكثر من 50 ريال
بس إذا بتتهور وتفك
1- الاسطب اللي في الشنطة سهل الفك ( فك البراغي اللي أمامك عند فتح الشنطة ) ويطلع الاسطب
2- الاسطب اللي في الرفرف صعب شوي لأنك ( بتفك البراغي الظاهرة أمامك بس ماراح يطلع الاسطب إلا إذا فيكت مسمار يجي تحت الاسطب من داخل الصدام الخلفي )
طريقة الوصول إليه ( إنزل تحت السيارة من جهة الصدام الخلفي على الزاوية بالضبط وانظر إلى أعلى راح تشوف الاسطب راكب ومثبت بمسمار من جوة تلقه أمامك مباشرة إذا نزلت تحت الصدام الخلفي ) تفكه وتحرك يمين يسار وتسحب راح يطلع الاسطب

ونصيحة روح لمختص لا تجيب العيد وخاصة في الاسطب اللي في الرفرف
ودمتم سالمين