الموضوع: سيارتي مستعمله

السلام عليكم
كيفكم ؟ ان شاء الله بخير
مابي اطول عليكم انا اشتريت اكورد مستعمله 2007
وفحصت المكينه والقير كمبيوتر
اما البدي كان شكله حلو والرجال صاحب المعرض قالي انه مافيها الا طقه بسيطه بالباب اليمين للراكب وكانت السياره للمعرض
المهم تمت البيعه واشتريتها وبعد ثلاث ايام كانت الصدمه السياره طلعت مرشوشه بالكامل بس رش محترف
واللي كشف عليها فني راعي ورشه سمكره وقالي انه السياره مرشوشه بالكامل ومتاكد وانا بصراحه مدري وش اسوي
فقلت آخذ آراء اخواني بالمنتدى
الحين وبعد ما اكتشفت اني انغشيت بالسياره مالعمل؟؟؟؟؟
هل من الممكن اني ارجعها للمعرض؟؟؟
هل من الممكن اني آخذ فلوسي اللي راحت علي ؟؟؟
وانا آسف على الاطاله
واتمنى ردودكم اخواني

خلاص يخوي راحت عليك
والله اللي اخبره لو دفعت عربون بسيـاره ماتقدر
ترجعه او انه ينخصم نصـه !!

علعموم كان السيـاره نظيفه وبس اللي فيهـا رش
مايحتـاج تزعل اهم شي نظــافة المحركـات

:(

المشاركة الأصلية كتبت بواسطة v6 2007

خلاص يخوي راحت عليك

والله اللي اخبره لو دفعت عربون بسيـاره ماتقدر
ترجعه او انه ينخصم نصـه !!

علعموم كان السيـاره نظيفه وبس اللي فيهـا رش
مايحتـاج تزعل اهم شي نظــافة المحركـات

:(

اخوي مو مشكله نظافه المحركات
المشكله راحت علي 15 الف ريال كذا

إطلع للمعرض وقله عن الرش وخذ فلوسك منه
وإذا رفض أقرب مركز شرطة تشتكيه
وثاني شي الغلط منك ليه مافحصت قبل ماتخذها منهم
إنت عارف بعظهم لاذمة ولاضمير حسبي الله عليهم

المشاركة الأصلية كتبت بواسطة المهاجر333

إطلع للمعرض وقله عن الرش وخذ فلوسك منه
وإذا رفض أقرب مركز شرطة تشتكيه
وثاني شي الغلط منك ليه مافحصت قبل ماتخذها منهم
إنت عارف بعظهم لاذمة ولاضمير حسبي الله عليهم

اخوي انا اعترف اني غلطت لكن هل في امكانيه اني اصلحه
والضمير والله انك صادق الضمير بالبيت

الغلط منك وناخوك تصدق شريطي
المفروض إنك تفحص وتشيك على الموتر قبل لاتشتري
بس لاتسكت عنه زي ماقالك المهاجر
ومايضيع حق وراه مطالب
ع العموم الله يعوّض عليك

المشاركة الأصلية كتبت بواسطة الشمــــالـــي

الغلط منك وناخوك تصدق شريطي
المفروض إنك تفحص وتشيك على الموتر قبل لاتشتري
بس لاتسكت عنه زي ماقالك المهاجر
ومايضيع حق وراه مطالب
ع العموم الله يعوّض عليك

مشكور اخوي وانا اعترف بخطأي
لكن ابي الطريقه اللي اقدر ادخل عليه فيها
يعني ايهم افضل وديه او من الشرطه

من شرطه ,, ادخل عليه على طول واشتكيه ,, وقلهم انه غشك ,,
والي زيه ماضن يمشي معهم الود ,, والود موب فـ كل الآوقات زين ,

والله يوفقك , وتاخذ نصيبك ان بغيت ترجعها

ان مارجع حقك بالدنيا يرجع بالأخره عند ربك

ومكن يكون سبب في دخولك الجنه لأنك ستأخذ أجره يوم القيامه عند رب العالمين

وبالنسبه لمشكلتك ياخوي هونها وتهون وقل لاحول ولاقوة إلى بالله

اللهم إجرني في مصيبتي واخلف لي خيرآ منها

وبما انك تقول الرش شبه إحترافي لايضيك صدرك ترا كلها بويه ومحد راح يلاحظ

حاول ترجع حقك وان مارضى ادع عليه إن الله لايوفقه والله يأجرك ياخوي ..

من شرطه ,, ادخل عليه على طول واشتكيه ,, وقلهم انه غشك ,,
والي زيه ماضن يمشي معهم الود ,, والود موب فـ كل الآوقات زين ,

والله يوفقك , وتاخذ نصيبك ان بغيت ترجعها

ممكن يكون راعي المعرض مغشوش مثله في السياره

اخوي خذها لاقرب مركز فحص بدي
وتلقى عندهم جهاز يفحص لك سماكة البدي
اذا كانت مرشوشة بيعلمك او لا
ولاتعتمد ع كلام الفني لان يمكن سيارتك نظيفة
وع فكرة فحص البدي مايكلفك اكثر من 100 ريال

حقك مايضيع ابد يالغالي

ماقول ال حسبنا الله ونعم الوكيل

وين الأمانه والصدق شاطرين الواحد اذا صلا يبكى متضرع وفي النهايه يغش مو الكل بعض الناس وخاص الشريطيه النصابين خافو الله

لا تلومني الموضوع ازعجني وعسى ربي يعوضك خير

يا اخوي انت مكبر المسأله ليش؟؟؟
هيا بوية وعادي لو كانت رشه على نظافه انا مستعد اخذ سيارة مرشوشه بس في فرق بين رشه على نظافه ورشه على سمكره
يعني هيا بوية ماراح تعملك شي وبعدين مدام البوية صارت بطريه محترفه تمام
اهم شي المكانيكه والقير والكهرباء تمام وبس
الله يهنيك بيها ويعطيك خيرها ويكفيك شرها وامشي بيها ولا يضيق صدرك
وشكرا.