الاخ الحبيب اولا حمدا لله على السلامه
ثانيا نصيحتي ليك بكل امانه بيع السياره حتى مع الخساره افضل من اعادة التصليح لان اعادة التصليح بتكلفك ما يقارب 15 الف ريال قابله للزياده وحتى مع التصليح الايرباج انتهى ولا تقدر تصلحه ولوحبيت تبيع السياره بعد الاصلاح سعرها لن يزيد عن 30 الف ريال (سعر النظيف في السوق الان من 40 الى 50) في احسن الاحوال لكن لو بعت السياره الان تشليح قيمتها من 20 الى 25 الف ريال انت المستفيد ونفسيا تكون مرتاح انك تخلصت منها لاني ما اعتقد بتركبها بعد الاصلاح ولا بتكون مرتاح ليها لانها ما راح ترجع زي شد بلدها مهما كان فنصيحتي ليك تخلص منها وانت الكسبان وضيف على سعر بيع التشليح 15 الف ريال من جيبك بالكثير وتشتري اختها من السوق نظيفه الايرباج ما انفك ولا جاها شيء وبذلك انت المستفيد 15 الف ريال اللي بتدفعهم في الاصلاح ادفعهم في شراء اكورد نظيف مستعمل ما جتها صدوم وتركبها وانت نفسيا مرتاح انا اكلمك عن تجربه شخصيه ولقيت لو اني بعت السياره تشليح كان افضل لاني بعد ما صلحتها ما انفكيت من الورش كل يوم مشاكل كلفتني الكثير بعد الاصلاح وفي الاخير بعتها بسعر بخس في السوق لانها مصدومه مهما كان اتمنى اكون افدتك من تجربتي الشخصيه والله يوفقك