رد مع اقتباسجزاه الله خير و أطال الله في عمره .,
نصيحة الوالد ... للمحافظه و اطالة عمر الفرامل ( قماشات -فحمات-هوبات )
السلام عليكم جميعا
الوالد خبره سواقة سيارات فوق ال50 سنه ماشاء الله تبارك الله
معه جمس ولايخلي احد يسوق غيره ههههههههههههه الا اذا كان تعبان ويبي ينام يخليني اسوق
ينصحني على الخطوط السريعه (في حالة السفر مثلا )
1- حاول تترك مسافه بينك وبين السياره اللي قدامك عشان لو هدا ماتحتاج تكبس على الفرامل ; تكتفي فقط برفع رجلك عن دواسة البنزين الى ان تخف سرعه السياره وبالتالي تمنع الاصطدام او القرب من اللي امامك ..
2- لا تتعدى الـ120 او 130 بالكثير على شان لا تظطر تستخدم الفرامل كل شوي في حالة ظهور رادار او سيارة امن طرق .
3-كل ماتمشي بسرعه معقوله حتى لو الخط فاضي واحتجت للفرامل اكتفي فقط بلمس الفرامل وتهدي معك السياره و توقف لكن كل ماتشوف الخط فاضي و تشد و تتفاجئ بسياره مهديه راح تظطر على الكبس على دواسة الفرامل . ;)
بعض الشباب وانا منهم كل ما لقي فرصه يشد و اذا واجه سياره يفرمل وعلى ذا الحال الى ان يصل لا خلك بسرعه ثابته ولا تحتاج للفرامل باذن الله الا فيما ندر . :p
4- وانت نازل من عقبه مثلا ( طريق الهدا ) حط السياره على الD3 او 2 عشان يقل استخدامك للفرامل ويكون الضغط على الجيربوكس (طبعا الجيربوكس يتحمل اكثر من القماشات ) لو دحدرت على D كل شوي وانت تكبس على الفرامل انواع الروائح تطلع لك و راح تنهي عمر فراملك سريعا
نصايحة داخل المدينه :
1- اذا شفت اشاره مرورية واكيد لازم توقف اذا كانت حمراء حاول ترفع رجلك عن دواسة البنزين قبل الاشاره بـ 50 الى 100 متر تقريبا ( اهم شي مسافه كافيه على حسب سرعتك طبعا ) و اترك السياره الين تخف سرعتها و بالتالي فقط تلمس الفرامل لتتوقف السياره تماما قبل الاشاره .
2- اذا احتجت تنعطف يمين او يسار نفس الطريقه بقياده بسرعه مناسبه و ترفع رجلك الى ان تهدي السياره و بالتالي تقدر تلف دون ان تلمس الفرامل و اذا السرعه شوي اكتفي فقط بلمس الفرامل
مختصر الكلام كل مازاد استخدامك للفرامل كل ما قل عمرها ( وانتم عارفين الشي هذا ) قد ماتقدر قلل من استخدام الفرامل حاول لا تكبس الا في حالة الضروره
اخيرا نصحني ما ابيع الاكسنت حقتي و قال خلها لمشاوير الحلقه و روحات الحرم و زحام البلد على شان لاحد يحك السياره ( اكورد 2009 فل اوبشن ) وياكثر الغشم اللي نسوق بينهم
تحياتي واتمنى يكون موضوع مفيد
جزاه الله خير و أطال الله في عمره .,
كلامك كله سليم .. ماعدا نقطة اني انزل القير على d2 لو d3
ليش اتعب القير !!
اغير الفحمات الف مرة ولا اسوي توضيب للقير لو احتاج قير جديد !!!!
الله يطول في عمرك اخوي ahn و يجزاك خير
ياجماعة لا يكن الأقمشة من ذهب ونا مدري
اخوي علي احمد
بالنسبة لقير الهوندا بصفه عامه ( خاصة الاوتوماتيك ) تراه عملي و قوي ويتحمل - ماشاء الله تبارك الله -
ثق تماما ماحطوا النمر الثقيله و لم تصمم الا للمرتفعات
يعني اطمن
وجهة نظرك و احترمها و اشكر مرورك الكريم
المشاركة الأصلية كتبت بواسطة الراجحي
هـ الـ 200 الريال الي مستهين فيها عند غيرك ذهب ومو سهله !!
ويعني لو قلنا مبلغها بسيط الواحد ما يقدم نصايح ولا يفيد اخوه المسلم اقل شي عشان الاجر مو عشان السياره !!
_________________________
واشكرك يا راعي الموضوع على ما تقدم ونصايح تشكر عليها من جد خلال واقع تجربة لوالدك الله يخليه لك ويطول بعمره انشاء الله
جزاك الله الف خير
والله يطوّل بعمره ويخليه لك
الله يجزاكم خير و يحفظ والديكم جميعا
الله يجزاك خير اخوي
ويعطي الوالد الصحة والعافية ما قصرتوا
النصائح حلوه بس تطول في عمر الاقمشه وتخرب العكوس والجي والعضلات هههههههه
كلام والدكـ الله يخليه لكـ ولايحرمكم منه
ليس بجديد بس حنا للاسف متجاهلين ها النصائح مع انه اغلب ماذكرته مكتوب بكتيب الاستخدام للسيارة من قديم ومن جديد
والفرامل وخصوصا للجيل الجديد فيها عيب مصنعي :(
يعطيكـ العافية يا الغلا
يعطيكم العافيه والله يخليه لكم
ويطول بعمره ان شاء الله
بسمه تعالى :
النصيحة من ذهب و لكن هل من منتصح ؟... تغير أسلوب القيادة و تغير قائد المركبة و جيل جديد يختلف بقيادته عن جيل الأمس .... لا ننسى بأن سياراتنا أصبحت كالذبابة فما أن تكبس على البنزين حتى تطير و لا ترى إلا غبارآ و سرابآ قد لا يراه أصحابنا من ذلك الجيل ....أنظر إلى أكثر الشوارع و أسلوب القيادة و الذي ينبأ بالخطر و الحذر ثم الحذر ... تجاوز مفاجيء ... لصق الصادم بالصادم و بسرعات عالية جدآ ...أكثر المناورين و المتجاوزين و للأسف هم من إخوتنا من عاملي الشركات و تسابقهم للحاق بأعمالهم و كأن الوقت قد حد بسيفهم على رقابهم ...و الكثير الكثير و الذي لا أتوقع أن تطبق و لو نصيحة بالكاد و أكثرهم على تلك الشاكلة ..... أثابكم الله و أثاب و الديك و لنحذر مفاجئات تلكم الطرق قبل أن تفاجئنا هي ... بالتوفيق.
الله يجزاك خير
سلملي على ابوك
وهدا انا الي اسويه دايم
تكفى حب راس أبوك بالنيابه عني
فعلاً نصايح من ذهب من جد
بس وين الأذن ألي تسمع وتطبق
الله يطول في عمر الوالد ويخليه لكم
وأكثر من برى أبوك وأمك لأن رجليهم مفتاح من مفاتيح الجنة
يعطيـكـ العــآفيــه والله يطــول في عمـــرهـ ـ~
اخيرا نصحني ما ابيع الاكسنت حقتي و قال خلها لمشاوير الحلقه و روحات الحرم و زحام البلد على شان لاحد يحك السياره ( اكورد 2009 فل اوبشن ) وياكثر الغشم اللي نسوق بينهم
تحياتي واتمنى يكون موضوع مفيدكلام ابوك صح
وابويا يقلي نفس الكلام عندك مشوار خد سيارتي "ايكو":d
الله يخليلك ابوك ولايحرمكم منه
الله يخلي لك الوالد
ومشكور عالنصايح الرائعة
الله يعطيك العافية ويطول بعمر ابوك وماقصرت..
الله يعافيكم و يجزاكم خير
اقول مشكور مره على المعلومه الطيبه والله يرحم والدينك
بس انا عن نفسي الضاهر بركب فحمات وهوبات رياضي مهواه أحسن لي
مثل حقات ال bam و الرسيدس ودعس فرامل الين تقول بس صح ههههههههها :d
جزاك الله خير ع الموضوع والنصائح الحلوة>>يحب سوالف الشيبان
جزاك الله الف خير
الحمدلله ... هذي دائم أسويها ... وأنصح الشباب بيها بس أشكل ... ويمكن أشياء تقولها إنت أنا سويتها ألا شعوريآ
يعني الحمد لله ما احتجت لأحد يعلمني ... وأكبر منك بيوم أكبر منكـ بسنه ...
نصائح مهمهـ للي دائم يشتكي من الهوبات والقماشات ... خففوا رجولكم على الفرامل .. ندري إنكم أقوياء:d
بس شوي شوي ...
الله يخلي لكـ أبوكـ يارب ... والله لو تشوف نصيحة أبوي من يوم عرفتهـ (ياولدي لا تتجاوز وإنت في كبري مهما كان):d
الله يسعدهـ ويخليهـ لنا ,,
ضوابط المشاركة
مواقع النشر (المفضلة)