هذا الي اسمه عين ماصلت على النبي
الله يعينك اخوي
جرب اشتري قير من التشليح
من رئى مصيبه غيره هانت عليه مصيبته
عندي 2008 وفيها تهريب صوفه قير والشركه رفضت استلامها والسياره ماشيه 85
يقولون مو على الضمان
السلام عليكم ورحمة الله وبركاته
أخواني وأعزائي أعضاء نادي محبي هوندا
انا عندي هوندا اكورد موديل 2007 v6
مطلعها وكاله على يدي وبعد ما مشت معي 120000 كلم خبط علي القير مع العلم اني مغير الزيت في الوكاله عند 40000كلم
( طبعا بداية المشكله هي وانا ماسك خط الرياض ومشيت تقريبا 300 كلم وفجاءة صارت السياره في الفاضي وهي في الدي
وقفت على جنب وفتحت الكبوت الا والزيوت طالعه مع كل مكان )
المهم شلتها على سطحه ووديتها الوكاله وكان فيه واحد من اخوياي هناك قمنا وفحصنا القير طلع مخبط وقالو تكلفة التوضيب يمكن تطلع فوق10000 ريال قلت آسف وطلعتها ووديتها لورشة بالصناعية بالدمام اسمها الهدف للقير الأوتوماتيكي وسويت لها توضيب وكلفتني حوالي 5000 ريال مع ضمان ستة أشهر أول 10000 كلم ايهما اسبق وبعد فترة خرب علي المبرد حق القير وغيرته مستعمل ب 200 ريال وبعد فتره خبط علي القير مره ثانيه نفس المشكله الاولى ورجعته للورشه ووضبوه على حسابهم وغيرة المبرد وكاله لانه طلع بعد خالط الماء والزيت المهم طلعتها من الورشة وبعد شهر ونصف تقريباً طلعت نفس المشكله الاولى بس بدون تهريب زيوت يعني السياره إذى بارده تمشي وإذاسخن القير ماتمشي ( تصير كانها في الفاضي ) ورجعتها للورشه نفسها وكان فيه صوت قالوا لي من الطنجره حقت القير والحين باقي السياره عندهم .
المطلوب ياأخواني يأصحاب الخبره
أبي أعرف أسباب هالمشكله واذا فيه احد عنده حل تكفون لاتبخلون علي فوالله اني منقهر على الموتر ( ماشاء الله مافيه اي صدمات ولا اي خرابات قبل كذا )
وتحياتي للجميع :(
هذا الي اسمه عين ماصلت على النبي
الله يعينك اخوي
جرب اشتري قير من التشليح
من رئى مصيبه غيره هانت عليه مصيبته
عندي 2008 وفيها تهريب صوفه قير والشركه رفضت استلامها والسياره ماشيه 85
يقولون مو على الضمان
يعطيك العافيه اخوي ذكرى الجراح على الرد ليش يقولون طالعه من الضمان والضمان حتى 100000 كلم
ادخل على المدير حقهم وتفاهم معه
اما على قولتك عين فحسبي الله على من صابها
غير قير من التشليح يكون شد بلد اضمنلك..وغير ملحقاته ( المبرد-وغيره)<<<مجرد رأي والي عنده خبره راح يفيدنا كلنا واسف على التقصير :(
i think it will be better for you if you just replace the old transmission of your car with another used one .but be-careful
and select another transmission which must be used only and never renewing ;
الله يعينك ويوفقك
اول شي / شكلها عين ما صلت على النبي او انك راعي مقاومات أو السبب من القير نفسه
نصيحة اشتر لك زيت اصلي من الوكالة وأقرأ فيه ( الرقية الشرعية ) << لا تضحك علي تقوول صاحي هذا ولا مهبول :d
لأن العين حق :( والرقية جائزة ومفيدة حتى للسيارة
وشغل قرآن فيها
مع فلتر خارجي اصلي وكالة + فلتر داخلي ( اذا بتوضب ) < اذا تقدر
و تنظيف مغناطيس القير ( موجود بـ صرّة تفريغ الزيت على ما اعتقد)
ثاني شي / لا تنسى التمرين وانا أخوك ,,, لازم تمرين بعد توضيب القير او المكينة
(( التمرين تمشي شوي شوي ,,, موب تحرق والدينه ))
وايضا المستوى الصحيح للزيت
ثالث شي / ركب مبرد خارجي قدام الراديتر وحاول ما يكون قريب او يلامس رديتر المكينة عشان ما يسحب حرارة منه + مروحة كهرب << لها فاصل وكل شي
يعني لازم الشغل يكون نظيف والكهربائي فنان والقطع مو أي كلام
وحافظ على تغيير الزيت كل 40 ألف
وانتبه لا تكون ظالم احد أو الخ ... <<< يمكن عقوبة من الله
وان شاء الله تنحل المشكلة بالكامل
ولا تنسى تدعي لي :o الله يجزاك خير
اسالني أنا عن معاناة مع القير
بس الشباب ما قصروا معي بالنصيحة
ونبهوني وبشدة اني ما اوضب القير لأنه ما راح يرجع زي اول
وراح ارجع في نفس المشكلة اللي حصلت معي
ونزقت على تشليح الحاير الله يسملك
وشريت قير مستخدم
وركبته وله الان اقل من شهر
والحمد لله زي الحلوه
على فكره : ترى اسعار القيور في التشليح موحد
من 2003 الى 2007
بـ 3500 + الرجيع + شغل اليد ( التركيب ) + الزيت = 3850
كان الله في عونك
يعطيك العافيه على مرورك فكرت في هالفكره بس تعبت والله وانا ادور قير حق v6 موديل 2007 نظيف ماحصلت فريت تشاليح الشرقيه والرياض بس للاسف مالقيت الا القيور اللي تجي من اليابان على قولتهم بس لما تشوف القير تقول جاي من اي عصر حالته حاله
وإذا احد يخبر لي هوندا 2007 v6 اكورد مصدومه او تشليح ياليت يفيدني
وشكراً
بصراحه ردك أعجبني جداً وكل نقطه قلتها في محلها وإنشاء الله اني ماظلمت احد
ومن ناحية المبرد الخارجي اخوي فياليت تفيدي أكثر عن كيفية تركيبه ووين افضل ورشة بالدمام اذا تعرف لانو بصراحه تجي حراراه من تحت السياره لما تكون شغاله غير طبيعيه ماهي في انواع السيارات الثانيه ما ادري الاكورد كلها كذا ولا فيه عندي مشكله
وشكرا لك على ردك الجميل وجزالله الله خير
ما شاء الله عليك توضب قير ب5000 ريال شي طبيعي ما راح يرجع زي أول
القير بالتشليح سعره 4000 راكب على سيارتك
كان الله في عونك
حافظ على تغيير الزيت بوقته مع الفلتر الخارجي ...
الحين قبل ماتغير القير ...شيك على الزيت المستخدم واسأل الورشة...اذا كان زيت اي سي دلكو
غيره بزيت هوندا وغير الفلتر الخارجي
هلا أكورد v6 .
اول شي اكييد انها عين ماصلت على النبي والعين حق وكثير من الناس ما تذكر الله . انا كانت معي أكورد 2007 قير عاادي من يوم طلعتا ولا عمري لمست زيت القير ولا أدري ان كان فيها زيت او لا جلست معي ثلاث سنوات .
ونا دايم امغط بخطوط طويله اقل شي امشي 170 . وزيت المكينه اغيره كل بعد 2000 كيلو زيت سوبر جتي . وبعتها ولا فيها شي .
حبيت اقولك الي بسيارتك اكيد عين او صديق لك نفسه فيها لان مكينتها مشاء الله 6 سلندر . والموديل 2007 مرغوب وحبوبه عند الناس ولها شعبيه .
اول ما تطلع سيارتك حاول تروح عند اقرب محل زينه واشتر ستكر مكتوب عليها ( مشاء الله تبارك الله ) وحطها بخلف السياره راح تدعيلي :o. الله يكون بعونك أخوي وتحياتي لك ..
عندك في الثقبة و الدمام فروع لتراي ستار Try Star ان مجب الشغل حقتهم 100/100
هلا فيك أخوي .
بالنسبه لتغيير القير . ما أنصحك تغير القير من تماتيك للعادي راح يسير مشاكل بسيارتك وبذات المكينه . أحسن شي تجي السياره من بلادها مكينه ومعها قير عاادي .
انصحك لا تبدل القير .
تحياتي لك وللجميع :o
وكذالك العكس القير عاادي نبدله بقير تماتيك راح يكون مشاكل بالمكينه
لاحول ولاقوة الابالله
الله يكون بعونك اكيييد انها عين .. هل السيارة ع الضمان باقي؟؟
مواقع النشر (المفضلة)