اقتباس المشاركة الأصلية كتبت بواسطة ماجستيك2009 مشاهدة المشاركة
احم.... لا اوريون بعد اليوم هذا احد المواقف تدل على ان الهوندا الافضل بكل جداره من الاوريون ...
طبعا كنت امشي في خريص الساعه 2.00 ليلا بسرعه مايقارب 140 كلم الا وتجي اوريون موديلها من 2007 الى 2009 تقريبا مشت معاي بتجاه جسر الخليج والمنعطف الخطر يجي اعلى الجسر ويمتد الى نهاية الجسر الى حد مدنية الملك فهد الطبيه او قبلها المهم ... الرجال راعي الاوريون اذكره معاي معاي حتى طلعت الجسر طلعت وكان خويي الي جنبي يناظر في العدد يقول اووف 200 كلم والله انحرفت السيارة شوي بس وبعدين مسكت خطها ولا كأن صار شي مثل الي تقول ماعليش ياخوي نعست ههههههههه يعني مثل ماتقولون هزه بسيطه والاوريون مادري وينه بس اذكره قبل ماخذ المنعطف كان وراي ولا فيه امل ياخذه على 200 لانه 100 % راح يروح فيها .
والموقف الثاني هو اني بسريع بطريق القصيم امشي على قرابة 180 كلم كنت بوصلها 200 كلم الا وقدامي فجاه لقيت اثر بالخط مثل ماتقولون الاسفنج الي يكون دايم بالثلاجات الجديدة متقطع بالزفلت الا واشوف قدامي ثلاجه بعد ماشغلت العالي على طول بدون اي تفكير انحرفت عنها بسرعه تخيلو اذا انت انحرفت بسرعه عاليه وش يكون رد فعل السيارة وعلى طول الهوندا تقبلت ردة الفعل بانها تماسكت بالخط واخذت الانحراف هذا بكل بساطة على هذا اقول انها فعلا قوة رساوة والي معاي انا ستة سلندر فل هذا رد للي يقول ان الهوندا مو راسيه تحياتي لأصحاب الاوريون واقول اذا معاك اوريون بيعها قبل السوق مايطيح .
تحياتي واشواقي الحارة لكم .... احم
انا في هذي ماني معاك ..
أنا بالاوريون أخذ المنعطفات عل خط الجنوب عىل فصلة السيارة 235 كيلوا تقريبا ..
وماشاء الله مثل الحلاوة ..
ولكن مافي سيارة بالعالم ماتزحف وإن كان مرسيدس أطلق السيارات ..
وترى عادي انا حصلي موقف أقوى من هذا ولكن بضفدعتي الفوكس يالب قلبها ..
كنا ماشين أنا وشبابا على قرابة 160 وماخذين المسار الي بالنص ..
والا فجئة حسينا بسيارة زحفت وحولت علينا وشردنا عىل المسار اللي باليمين وهو معنا لف ويبي يدخل فينا من الجنب ..
وإحنا بغينا ندوس ونهرب منه الا وسيارة قدامنا بنفس المسار ومافي حل الا نطلع على الجزيره ( برا الخط ) وجاوزنا السيارة اللي على يمنننا بهذي السرعه العاليه ورجعنا عىل خطنا ..
السيارة إثناء نزولنا ومجاوزة السيارة ورجوعنا عىل الخط كانت عىل شبه زحفة ولكن سرعان ماعدلت مسارها ..
وغير مواقف كثيرة حصلت معنا بالفوكس ..
وأقولك مافي سيارة في العالم ماتزحف وإن كانت مرسيدس ..
سلامو ..~