الموضوع: هل اصبحت الصيانه الدوريه الزاميه

اليوم دخلت السياره صيانة ال 25 الف وفوجئت بأنهم يوقعوني اقرار بأني غير ملتزم بالصيانه الدوريه لاني لم ادخلها صيانة ال 20 الف وهذا الاقرار اذا تكرر راح يلغي عني في حال تكراره ضمان السياره

ايش رأيكم يا شباب؟

كل ماكنت ملتزم كان افضل لك صدقني

اول شي مبلغ الاجور (الثابت) بيكون اقل

اما اذا اتراكمت عليك الخرابات وماكنت منتظم ووديتها بتشوف مبالغ خياليه هذا زي حالتي

اول ماكانت السياره جديده كنت منتظم والصراحه كنت مرتاح حتى ماتشيل هم

بس مااعتقد انه يتلغي الضمان واتمنى انه احد من الاخوان اللي سياراتهم على الضمان يفيدنا لانه انا سيارتي موديلها قديم

لا اخوي مايتلغي الضمان بس الاستمرار على الصيانه الدوريه كل 5 الاف كيلو حلو
انا لحد الان مستمر صح احيان تازم معاي من ناحيه المبلغ واكبر مبلغ دفعته بالصيانه الي هو 950 ريال
عشان اقمشه اماميه وخلفيه لكن اني وديتها وكانت الصيانه 20.000 الف كيلو
بس انا صرت ما اغير الا على الخمسات اغير اقمشه لان الخمسات مثلا 5000 او 15000 او 25000 هذه مبلغها ثابت 110 ريال فقط
والاقمشه عليك كذا بيقل معاك المبلغ
بس بالعشرات المبالغ من 400 وفوق سواء غيرو شي او لا عشان كذا خلي التغير بالخمسات والعشرات بس صيانه واذا فيه شي بيغيروه على الضمان تحياتي

مشكور شباب ما قصرتو

سياسة من الشركة عشان تكسب

وما انكر ان الصيانة مهمه جدا للسيارة خصوصا اذا كان الضمان ساري المفعول بس مشكلتها با اسعار الاجور المبالغ فيها

تحياتي لكـ

اذا على كذا معناها اغلب الناس ضمان سياراتهم ملغيه
وطيب مايراعون ظروف الناس مو الكل يقدر يدخل صيانه اول بأول وكل ناس ولها ظروفها..

تحياتي.

يمكن غلطة مني اني وقعت على التنبيه اللي اعطاني هو موظف الصيانه لو كان رفضت كان افضل وما راح يقدرو يجبروني عليه.

تحياتي

والله انا يوم سويت صيانه 5 الاف قال مهندس الصيانه لا تجيب السياره الا كل عشره الاف وما يحتاج تجي فى 15 و25 ووووو. لان فيها تغيير زيت وقلتر بس......


وهذا اللي انا ماشي عليه الان والامور تمام والحمد لله