الموضوع: إتشوهت الأكورد { نداء إلى اهل القصيم }

عليكم السلام
أخوي أنا من أهل الرياض لكن بالنسبة للعفطة أحسها بسيطة أنا عندي وحدة من جهة اليمين حاك في رصيف العثيم ولا كأنها واضحة

فنصيحة لك العفطة ماهي بااينة ولا تسوي سمكرة وتدفع ..... اذا كان السمكري بس يسوي تعديل كويس

ترى دخول السيارة للبر والرمل يفكهها ويسبب لك مشاكل خل البر للجيوب <<<<<
تحياتي

أخوي المشكله مبينه مره وشكل السياره مدري كيف جاي من تحت

ماشاء الله لاقوة إلى بالله

ترى دخول السيارة للبر والرمل يفكهها ويسبب لك مشاكل خل البر للجيوب <<<<<

هي مره وحده دخلت وكنت مضطر لكن إن شاء الله مااعيدها :d

الله يعطيك العافية ..

وعليكم السلام
عبدالسلام امرها بسيط أنت خل نشوفك الأسبوع هذا ونعطيك الحل يوم الخميس شيك على موضوع تجمعات القصيم .

اشوف احسن ورشه سمكره بالقصيم هي الفراج


وخلنا نشوفك بالتجمع يالغالي

ياخوي والله ما تسوى تخسر 500 ريال عشان هالعفطة البايخة والله ما تسوى زدها ميتين وطق لك مساكات الابواب النيكل وكشافات او ركب اسطبات الليد

تبي نصيحتي

خلها على ماهي عليه

تحياتي لكـ

اصلا وين العفطة مو مبينة ياخوي وانا على كلام الشباب خلها لاتحوس موترك على شى تافه ؛؛ تقبل وجهة نظري

مستحيل تكون هذي من الطعوووس

هذآ أكيد رصيف أبو كلب ,, ماخرب سياراتنا غير أرصفة الصرآفآت الله لايبارك فيهم


أنـآ عندي نفس هالحكه بالضبط .. بس والله مافكرت ولا طرى لي أسويهـآ

لان بكل بساطه مكانها بآيخ ولا ينشاف ولا أحدن درى عنه .. فلذلك وسع صدرك حبيبي

وإذآ شفت إنهـآ بتكلفك وآجد فأسحب عليها ..! :d

^^^^^^^^^^

خاصتاً صرافات الرياض :d

حطين ارصفه مدري شلون طالعه بالقوة الاكسنت تدخل :d

تلف الطارة يمين كسرتين وتلف يسار كسرتين عشان تخش .. احياناً اضطر اوقف وانزل اسحب :d

<< طلع من الموضوع سلام سلام :p

بالنسبة لموضوعك يااعبدالسلام العفطة ماتكلفك 300 وتخب على صاحب الورشة

واذا بتخليها يكون احسن .. روح بس للورشة خلها يلمع لك المنطقة بملمع خشن او ناعم ..

وتيروح السواد .. ومااراح تطلع واضحه الا بتدقيق

نصيحة لك خلها ولا تفكر فيها

وتراها مهب واااضحة قووة

المشكلة سارت لي من قبل . معاي 2007
الرفرف الي على اليمين الأسوود كلو طــآح
تقريباً نفس مشكلتك السيـآره انجعطت من تحت الرفرف >> مدري وش يسمونهـآ
واتكسرت الكلبســآت ورحت سويت سمكره بـ [ 100 ] ريـآل

الورشه في جده . بني مالك
وانت في القصيــم

المشاركة الأصلية كتبت بواسطة فتى الأكورد

اشوف احسن ورشه سمكره بالقصيم هي الفراج


وخلنا نشوفك بالتجمع يالغالي

وانا اشهد

ورشة ماشاء الله تبارك الله وكاله .. انا رجع لي السيارة شد بلد بعد ماراحت الوجهية

روح للفراج عند ابو هشام او ولده هشام

و قوله ع الشي هذا و قله انك جاي من طرف خالد راعي الاوريون الفضي و ان شاء الله ما يقصر معاك و يراعيك بالسعر

موفق

انا بصراحة قد صلحت سيارتي بــ ورشة ( مجمع ) الحربي للسمكرة واصلاح الصدمات
على طريق عنيزة

بصراحة شغله عن تجربة ممتاز بنظري
انا رشيت اللي تحت الأبواب ( نفس لون البدي ) أول كانت سوداء لأنها سياحيه
وصلحت صدمه

ممكن ما تضبط معك خصوصا انها لؤلؤيه سيارتك

ولكن

حصلي موقف معه ( جحد بعض القطع اللي شريتها )

مع اهمال ( ما فصلوا البطارية ) <<< مع اني قايل لهم ! / والنتيجة البطارية ودعت وما تشتغل الا باشتراك وبعد كم يوم ما تشتغل ابد الا اذا عطيتها اشتراك برضو مع دعس البنزين باستمرار يعني لو توقف وتخلي البنزين طفت ولازم اشتراك

والحل / تشوف لك غيره من البداية اصرف لك
أو ما تسكت له وتقلب الورشة فوق تحت وبنفسك الين ما تطلع القطع ( اذا جحدها )

وللمعلومية شغله غالي

تحذير /

وترى راعيها للأسف يعطيك من الكلام المعسووول والطيب اذا جيت تتفق انت وياه قبل التصليح

وبعد التصليح وعند اختفاء بعض القطع ... وش أقول وش أخلي ( زفت + يجحد )

الله يهديه

هذا ما حصلي ووالله يشهد علي

الخلاصة /
دور لك ورشة تعرفها وشغلها نظيف أصرف لك

بشر وش صار معك عبدالسلام ؟ ..
صلحتها ولا وش ؟

من وجهة نظري لا تصلحها وخلها فترة وأما اذا ناوي تصلحها فبصراحة السعر جدا عالي ومبالغ فيه كثير يا غالي..

أنا اسف ياجماعه النت مو مضبوط هاليومين

وأشكركم على ردودكم وأرائكم جميعآ

أنا أمس دخلتها ورشه بصناعية الرواف وإتفقت معه يصلحها بـ 400 ريال وبعد المكاسر بـ 300 :d:o

والي خلاني اجزم إنه قالي إذا مااعجبك الشغل لا تدفع ولا ريال وإن شاء الله تطلع السبت

شكرآ لكم جميعآ ..