الوكاله تقول غير كمبيوتر الماكينة ؟؟؟

**sarab** · 22-03-2010, 01:01 AM

السلام عليكم

كيفكم ياشباب

سيارتي الاكورد احيــــانا تطلع فيها مشكلة ان لمبة الماكينة تولع و السيارة تصير فيها رجه والمكينة يصير لها صوت والتغيير في القير بتأخر وبعدين اذا وقفت السيارة وحطيت القير علي p ادعس بنزين ترجف همن تطفا بعدين اشغل السيارة اللمبة حقت الماكينة ماتكون شغاله والسيارة تصير ممتازة 100% ماكان فيها شي

بس انا ملاحظ شي بالسيارة اني اذا شغلت السيارة وهي باردة احيانا الظغط ينزل ويطلع علي كيفة

المهم وديت السيارة للوكاله وسويت لها فحص كميوتر وقال المهندس لي ان كمبيوتر الماكينة خربان غير الكمبيوتر واتوقع قال لي ان البخاخات ماتشتغل خربانه غيرها

وعطاني عرض اسعار للقطع الخربانة ياليت تساعدوني بالقطع اللي بالعرض ونصايحكم لي

كمبيوتر الماكينة هو نفسة كمبيوتر السيارة ؟؟؟؟

* ملاحظة \\ بعد ماطلعت السيارة من الوكاله سويت لها تنظيف للمنظم وللحين اللمبة احيانا تشتغل !!!

**أكورداوي** · 22-03-2010, 11:47 AM

طيب بما انك من الرياض .. ليش ماتروح ورشة الجنوب الي كثير من الشباب يمدحونها وتجرب وش يقولون .. اذا اتفق العلماء الله يعينك تغير .. لكن أنصحك تاخذ من التشليح بيطلع عليك ارخص من الوكاله بكثير ,,

لكن نقول ان شاء الله ان المشكله أبسط من كذا ولاتحتاج بإذن الله هالمبالغ ,,

تقبل مروري

**محمد الحربي.** · 22-03-2010, 11:52 AM

اعتقد انه منظم البخاخات

روح الصناعية وشوف

اما كمبيوتر >>>>>>>>> لا اعتقد نهائيا

**salamify** · 22-03-2010, 12:18 PM

مثل ما قال لك أكورداوي شيك عليها في أكثر من مكان وإن شاء الله يطلع الخلل مو من الكومبيوتر..

**متصفح** · 22-03-2010, 12:31 PM

اخوي القطع المكتوبه في الفحص .. ثروتل بدي (منظم هوا ) + وجه الثروتل (قازكيت) + كمبيوتر السياره

حالة سيارتك في الغالب بسبب حساس الثروتل ...

لكن المشكلة الوكالة تبيع الثروتل كامل مع الحساس بـ2850 ...والثروتل قطعة حديدة مااشوف تحتاج لتغيير ..المفروض الحساس يتغير لحاله

انت غير الثروتل او الحساس اذا قدرت تغيره لحاله وشوف كيف السياره معك قبل ماتغير الكمبيوتر ...يمدحون التشليح

ولو بغيت تنظف حساس الثروتل قبل ماتغيره استخدم منظف الكترونيات contact cleaner

موفق ان شاء الله

**FiReFiGhTeR** · 22-03-2010, 12:41 PM

شيك على الحساسات الموجوده في الانبوب اللي ياخذ الهواء من الفلتر الى المنظم
و خلهم يسون لك برمجه ياخي اما اغير الكمبيوتر >>>> صعبه شوي!!!
والله يعين ويسااااعدك ان شاء الله يا رب

**sarab** · 22-03-2010, 12:41 PM

المشاركة الأصلية كتبت بواسطة أكورداوي

طيب بما انك من الرياض .. ليش ماتروح ورشة الجنوب الي كثير من الشباب يمدحونها وتجرب وش يقولون .. اذا اتفق العلماء الله يعينك تغير .. لكن أنصحك تاخذ من التشليح بيطلع عليك ارخص من الوكاله بكثير ,,

لكن نقول ان شاء الله ان المشكله أبسط من كذا ولاتحتاج بإذن الله هالمبالغ ,,

تقبل مروري

رحت لورشة الجنوب وقال اللمبة رح للوكاله وسو فحص كمبيوتر ومريت اكثر من ورشة وقال رح للوكاله

ومشكور علي ردكـــ

**sarab** · 22-03-2010, 12:43 PM

المشاركة الأصلية كتبت بواسطة محمد الحربي.

اعتقد انه منظم البخاخات

روح الصناعية وشوف

اما كمبيوتر >>>>>>>>> لا اعتقد نهائيا

حتي انا ما اعتقد انه كمبيوتر

بس شلون اعرف انه منظم البخاخات و وش الفرق بين المنظم والبخاخ؟؟

**sarab** · 22-03-2010, 12:44 PM

المشاركة الأصلية كتبت بواسطة salamify

مثل ما قال لك أكورداوي شيك عليها في أكثر من مكان وإن شاء الله يطلع الخلل مو من الكومبيوتر..

تعرف لي ورشة كويسة لاني تعبت من كثر اللف ع الورش

**sarab** · 22-03-2010, 12:49 PM

المشاركة الأصلية كتبت بواسطة متصفح

اخوي القطع المكتوبه في الفحص .. ثروتل بدي (منظم هوا ) + وجه الثروتل (قازكيت) + كمبيوتر السياره

حالة سيارتك في الغالب بسبب حساس الثروتل ...

لكن المشكلة الوكالة تبيع الثروتل كامل مع الحساس بـ2850 ...والثروتل قطعة حديدة مااشوف تحتاج لتغيير ..المفروض الحساس يتغير لحاله

انت غير الثروتل او الحساس اذا قدرت تغيره لحاله وشوف كيف السياره معك قبل ماتغير الكمبيوتر ...يمدحون التشليح

ولو بغيت تنظف حساس الثروتل قبل ماتغيره استخدم منظف الكترونيات contact cleaner

موفق ان شاء الله

طيب وش سالفه انه يقول ان البخاخات خربانة عندك غيرها ؟؟

شوف منظم الهواء حديدة مربعه فيها حساسين
اللي بالجنب سعرة ب 750 ريال من الوكاله مغيرة قبل اكثر من 6 شهور والحساس اللي قدام مغيرة وشارية ب 350 ريال

:(:(:(

**sarab** · 22-03-2010, 12:51 PM

المشاركة الأصلية كتبت بواسطة firefighter

شيك على الحساسات الموجوده في الانبوب اللي ياخذ الهواء من الفلتر الى المنظم

و خلهم يسون لك برمجه ياخي اما اغير الكمبيوتر >>>> صعبه شوي!!!

والله يعين ويسااااعدك ان شاء الله يا رب

ادري انها صعبه وبقوووة

بس بالمنطق اذا خرب الكمبيوتر خلاص يتعطل ماعاد تمشي والسيارة معي الحين زي الحلاوة

شلون اشيك ع الحساسات وادري انها خربانه ؟؟

**mydesign** · 22-03-2010, 02:43 PM

المشاركة الأصلية كتبت بواسطة sarab

طيب وش سالفه انه يقول ان البخاخات خربانة عندك غيرها ؟؟

شوف منظم الهواء حديدة مربعه فيها حساسين
اللي بالجنب سعرة ب 750 ريال من الوكاله مغيرة قبل اكثر من 6 شهور والحساس اللي قدام مغيرة وشارية ب 350 ريال

:(:(:(

أخوي انا عندي نفس المشكلة بس ياليت تكون في صوره عن الحساسات الي قلت عنها لأنه انا الي اعرفه من المهندسين يقولون لي الي قدام وانا ماأدري انه في ثاني
أكون شاكر لك

**D.H.o.O.o.M** · 22-03-2010, 02:46 PM

لاتتعجل وتاكد من المشكلة

قبل ماتغير اي شي

واذا لزم قطع روح التشليح ارخص لكـ من الوكالة

والله يكون بعونكـ

**أكورد23** · 22-03-2010, 04:48 PM

هلا أخوي أنا صارت لي مثل هذي المشكلة
كنت طالع مشوار مسافة ما يقارب 200كم - لما وصلت تقريبا 64كم ولع لمبنة المكينة وتمت ترجف وكأنها تمسك بريك أنا لما شفت الحاله وقفت على طول , طفيت السياره وفتحت البونيت وشيكت على المكينة والأويل والرديتر وربعه حصلت كل شي تمام . قلت يمكن فيوز ولا شيء كرباثي بسيط - شغلت السياره مره تمام وتوكلت على الله وكملت مشواري وحصل نفس الشيء مره ثانيه ولع لمبة المكين ولما تدعص على البنزين ما يعطي ريس فاضي قلت خير ان شاء الله , طفيت السياره دقيقه وشغلت مره ثانيه , ليت المكينه طفي وكل شي تمام وكملت مشوار ونفس السالفه ما يقارب 6 مرات اتوقف في الشارع وعاد الضغط مرتفع .
المهم شفتلي اقرب كهربائي قالي يحتاج فحص كمبيوتر قلتله انا لحين مستعجل واسويلها فحص من ارجع البلد ,,, وانا راجع البلد نفس الشيء اكثر من مره تصير المشكله .
في اليوم الثاني وديتها الوكاله قالوا لازم فحص كمبيوتر قلت سوي فحص كمبيوتر لاكن تعال في اليوم الثاني عشان نشيكها كامل قلتلهم اهم شي طلعوا ايش المشكله .
في اليوم التالي ذهبت لاطمئن على السياره قال خربان فيها (((سنسر )))
باختصار ,,,, قلتله وكم السنسر قال 1115 مع التركيب قلت يا ويلي قلت الاسبوع الماضي مصلح عنكم 3000 عاد رحموني قالوا اخر كذي
قلت غيبو غيروا السنسر وفكوني اهم شي السياره تجي تمام

وعذرا اخي على الاطاله ويمكن نفس الشي يكون عندك الخراب في السنسر

وعاد قطع الهوندا مره نار

**sarab** · 22-03-2010, 08:57 PM

المشاركة الأصلية كتبت بواسطة d7ooom2009

لاتتعجل وتاكد من المشكلة

قبل ماتغير اي شي

واذا لزم قطع روح التشليح ارخص لكـ من الوكالة

والله يكون بعونكـ

بالاول خلني اعرف وش الخربان :(

مشكور علي النصيحة

**sarab** · 22-03-2010, 09:06 PM

المشاركة الأصلية كتبت بواسطة أكورد23

هلا أخوي أنا صارت لي مثل هذي المشكلة
كنت طالع مشوار مسافة ما يقارب 200كم - لما وصلت تقريبا 64كم ولع لمبنة المكينة وتمت ترجف وكأنها تمسك بريك أنا لما شفت الحاله وقفت على طول , طفيت السياره وفتحت البونيت وشيكت على المكينة والأويل والرديتر وربعه حصلت كل شي تمام . قلت يمكن فيوز ولا شيء كرباثي بسيط - شغلت السياره مره تمام وتوكلت على الله وكملت مشواري وحصل نفس الشيء مره ثانيه ولع لمبة المكين ولما تدعص على البنزين ما يعطي ريس فاضي قلت خير ان شاء الله , طفيت السياره دقيقه وشغلت مره ثانيه , ليت المكينه طفي وكل شي تمام وكملت مشوار ونفس السالفه ما يقارب 6 مرات اتوقف في الشارع وعاد الضغط مرتفع .
المهم شفتلي اقرب كهربائي قالي يحتاج فحص كمبيوتر قلتله انا لحين مستعجل واسويلها فحص من ارجع البلد ,,, وانا راجع البلد نفس الشيء اكثر من مره تصير المشكله .
في اليوم الثاني وديتها الوكاله قالوا لازم فحص كمبيوتر قلت سوي فحص كمبيوتر لاكن تعال في اليوم الثاني عشان نشيكها كامل قلتلهم اهم شي طلعوا ايش المشكله .
في اليوم التالي ذهبت لاطمئن على السياره قال خربان فيها (((سنسر )))
باختصار ,,,, قلتله وكم السنسر قال 1115 مع التركيب قلت يا ويلي قلت الاسبوع الماضي مصلح عنكم 3000 عاد رحموني قالوا اخر كذي
قلت غيبو غيروا السنسر وفكوني اهم شي السياره تجي تمام

وعذرا اخي على الاطاله ويمكن نفس الشي يكون عندك الخراب في السنسر

وعاد قطع الهوندا مره نار

السنسر وشو ؟؟

**متصفح** · 23-03-2010, 01:10 PM

شوف الصوره

هذي صورة المنظم كامل (ثروتل بدي) محدد عليه بالاحمر وهذا الي بتغيره الوكالة لسيارتك بما فيه من الحساسات...

الدائرة باللون الازرق هذا حساس الثروتل throttle postion sensor

المربع الازرق هذا صمام لتدوير الهوا والظاهر فيه حساس rotary air control valve

http://www.hondapartsdeals.com/honda_parts.php
---------------

قلتلك في البداية الحساس الي عليه دائرة بالازرق هو السبب الاول احتمال يحتاج تغيير او برمجه وتنحل المشكله

والشخص الي يفحص السياره هو الي يعطيك الخبر الاكيد...انتظر اصحاب الخبره ولا تستعجل وتغير كل شي قالوه الوكالة

**traveller** · 23-03-2010, 08:24 PM

طيب في شغلة تافهة ولاأحد يعطيها أي انتباه للاسف البطارية او سلك البطارية لما تكون ضعيفة او سلكها يكون عليه كربون يسبب نفس المشكة حاول تنظف السلك أوتغيره افضل عشان تقطع الشك باليقين وانشاالله تنتهي المشكلة عندك والله يوفقك.