السلام عليكم ورحمة الله وبركاتة


مساكم فل وياسمين


كبداية الحمدلله والشكر انا معي اكورد 09 سبيشل وبعد شريتي لها بفتره بسيطه تفاجات بفروق كبيره بينها وبين الفل 4 سلندر وندمت اني شريت سبيشل لاكن ماقول الا الحمدلله شي ومكتوب مع اني سال كثير في المنتديات وسال اللي بالوكاله عن الفروق ولا بينو لي الشي الصحيح

اولا كنت احسب ان الاكورد السبيشل يجي فيها 6 سيديات الله لايوريكم ذاك اليوم اول ماشريتها
جايب السيديات واجلس ادخل الاول ويدخل واجيب الثاني واتهاوش مع المسجل احسب انه يدخل ثاني وثالث وطلع من جنبها وانصدمت وسالت هنا وقلتو لا لا يالحبيب ماخذ مقلب بالاسبيشل انت ماتركب الا سيدي واحد وراعين الوكاله وبعض المنتديات كنت ادخلها قبل اشتري واشوف الفروض يقولون بس الجنوط والكشافات لاكن الحمدلله والشكر


اليوم تفاجات بشي ثاني وانا افر بموقع الهوندا الا وانصدم ذيك الصدمه اللي الله لايوريكم حسيت اني كرهت اكوردي بعدها وشكلي ببيعها السالفه نفسيه لا اكثر ولا اقل مع اني ماهتم بالشي هذا ذاك الاهتمام الا اني منقهر لان الفرق كان بين السبيشل والفل فقط 6 الاف ريال وكنت قادر ازودها لاكن قدر الله وما شاء فعل وهالشي الا وهو القدره الحصانيه للسبيشل مقارنه بالقدره الحصانيه للفل واتضح لي ان فئة الفل كامل 4 سلندر تزيد في عدد الاحصنه على السبيشل والسياحي

وطلع لي انو

الفل كامل 4 سلندر = 190 حصان
فيما
السبيشل والسياحي = 177 حصان

والصوره تبين لكم



والقهر الاكثر انو المكينه طلعت مو نفسي الشي من ناحية التورك والعزم وقوة الدوران الخ وناظرو الجدول زين وبتلاحظون هالشي


انا ماني منقهر الا على ان الفرق المالي كان شي بسيط بين السيارتين وشوفو الفروق بالمكينه والمميزات شي يتعدا قيمة فرق الفلوس



نصيحة اخيره للمقبل على شراء اكورد

اشتر اكورد فل كامل 4 سلندر راح تحس انك تسوق شي يسوى القيمه اللي تدفعها فيها

اما السياحي والسبيشل وهذا اللي منتشر اكثر شي اللي هو سبيشل ابعد عنه بتندم مثلي


في النهايه ارجو تصحيح المعلومات اذا كانت خاطئه مع جزيل الشكر