اقتباس المشاركة الأصلية كتبت بواسطة برق مشاهدة المشاركة
عندي نصيحة لك ولغيرك وخاصة إللي سيارتة توها جديدة يمديه يحافظ عليها


عندك غسيل البنقالية إللي على سيكله يحوم بالحواري وسطلة + فيري من أبوريالين وأصلآ ماهو فيري+ قطعة قميص نوم مشقوق

المهم هذا لا ااااااا يقربك ليش أنا أعلمك اللحين إذا جيت للمغسلة أول شي يرش السيارة بموية بكمية جيدة و بكذا طبقة الغبار إللي على

البدي راحت و الأوساخ إللي تحتاج تركيز أثناء الغسيل تكون شربت الموية و يسهل عملية إزالتها و المرحلة الثانية الغسيل بالأسفنجة

والصابون و المرحلة الثالثة التشطيف لإزالة الصابون تمامآ والمرحلة الأخيرة التمسيح ... الأشياء هذي الكل يعرفها ولكن غسيل النقالية

كلها مرحلة وحدة يعني على طول بالصابون يبدى يغسل يعني طبقة الغبار مازالت موجودة وهذا سبب رئيسي للخدوش إللي على شكل

دوائر و المشكلة الثانية بعد مايغسل السيارة بالصابون يبدى يمسح يعني مافيه تشطيف بالماء بالحالة هذي مازال الصابون مشكل طبقة

على سطح السيارة وهذا سبب لتلف اللمعة و اللون خاصة إذا كانت السيارة بالشمس ودرجة الحرارة مرتفعة و غير هذا كله القماش او

الخرقة إللي يمسح فيها يكون فيها أوساخ وهذا يسبب الخدوش إللي على شكل دوائر يعني لا أحد يغسل عندهم الغسيل له أصول وأوقات

ولا هو أي واحد يغسل خاصة اللون الغامق............................................ .............................

المحافظة من الداخل خاصة الطبلون عند البنغالي أو المغاسل لو تلاحظون الطبلون مبهق عندك أو جاف او فيه طبقة بيضاء هذا

سببه التمسيح بقماش عام مستعمل للبدي والزجاج وكل شي يعني الأوساخ هذي جت على الطبلون و جففت المادة إللي تحفظها

والشمس بعد لها دور نصيحتي خذلك قطعة قماش جديدة و خلها خاصة لطبلون شماغ ولآ فنيلة أو مر أقرب محل وخذ شي نظيف

والعليان عنده أشياء حلوه و إللي مبهق عنده الطبلون يمديك شف اقرب محل مثل زيبارت والطقه هذي وخلهم يحطون المادة الحافظة


لطبلون و حافظ عليه من جديد و إن شاء الله وصلت المعلومة



كلام جميل ولكن نسيت ان تذكر لادوات يعني مثل انت قلت اول ماتذخل المغسلة ترشها بالموية؟؟؟ صحيح تروح الطبقة من الغبار بس لاتنسى ماتروح مية بالمية تضل موجودة تحتاج هنا الى اسفنجه خاصة تقلل من عملية لاحتكاااك مع الاتربة الحمد الله عندي وحدة شاريها 40 ريال الحين صار لها سنتين :d بس اتوقع يبي لها تبديل لانها تعبت شوي