اخي الله يسلمك المشكلة هذي مرت علي انا ............ ونا معي هوندا اكورد 2007
والله العظيم اني عانيت من كثر مااوصف لاصحاب الورش مو راضيين يفهمووون ..وتعبت نفسيا
المشكلة نفس مشكلتك بالظبط ..من 40 الى 80 او 100 السيارة تنتع .عشان اوضح اكثر ..لو انا ماشي فوق العشرين وفجاة شلت رجلي من البنزين السيارة تحسها كانها رجعت نمرة ورى .لكن الترجيعه قوية .احس ضهري بينكسر .والله طفشت ابغى اصدم الناس عشان لااشيل رجلي من البنزين ...المهم .ادري انك تستنى المفيد ههههههه. وتبي تعرف الخلل .لكن انا موضوعي معقد مررررة .
السالفة ياطويل العمر لها اكثر من شهرين على هالحال .والسيارة مرة انا اسوقها ومرة ابوي يسوقها .المهم فحصت السيارة كمبيوتر . وقالو والله واعلم انه حساس البنزين ,اللي فوق ا وا للي تحت والله نسيت .قالو يبيلة تغير او ننظفة والارجح انه يتغير .وقيمته الظاهر 2800 ريال
المهم طبعا انا بغى يجيني جلطة .وقلت لازم اشف حل .وديتها عند واحد يماني وقلت له السالفة وقالي بسيطة ماتبستبطاهاش
المهم هذا اليماني فك البخاخات ورش علية بخاخ ايسي ديلكو .وهذة غلطة فااااااادحة .المهم اعطيت الرجال 50 ريال ومشيت .
طلعت لي خرابات ثانية اللي هي ان دعست الابنص زادت من حالها اللي هي دعست البنزين وصارت مابين الواحد والاثنين
وفوق هذا التنتيييييع زااااااااد وصارت تولع لمبة المكينة ...وصارت الكارثة ووقفت السيارة علي ونا مسافر وقفلت الاخلاق ورجعت فيها بالقوة مع التنتيع والحالة مايعلم لها الا رب العباد .
المهم وديت السيارة عند واحد فلسطيني شكلة فااااااااهم والادمي لغةانجلش ماشالله .بالصناعية اللي بالشمال اول مرة ادخل للصناعية هذى اللي بجدة لقبة المغربي بس انه فلسطيني
المهم حكيتله وضعي .قلي ابفحص لك هيا كمبيوتر بس غير الكمبيوتر اللي بالورش .شكلة مثل الاب توب . وقالي الفحص 150 ريال بس مو الان
قلتله طيب ...والادمي حق الورشة كاااان مشغوووول .المهم جلست على راسة وقلت له وربي اني مسااافر . وبعد ساعة ونص تقريبا حن علي وقالي راح اشوفها لك بس تشيك بسرعة من غير ماأدفع فلوس انا .لان التشيك الكامل ياخذ لاجهاز حقة 4 ساعات قلت له طيب ... وهو راح يشيك حق ابو ربع ساعة عشان يعرف جهة الخراب بعدين اجية ويجللس اربع ساعات ويحدد الخراب بعينة
المهم ومن هنا بدت المعجزة .الفلسطيني قال لواحد من الصبيان يشبك الجهاز .وشبكة الصبي وكان السويتش شغال بس المحرك مايدور
وفجااااة طفت السيارة .الفلسطيني لفت وجه على السيارة وراح جري وسوى حركة بالجهاز مانفعت ونا اتفرج ومفجوووع . وصيح على اليماني وقالة فك الكبووت ..وقام فصل البطارية ورجعها كذا مرة .وكان جالس يتكلم مع نفسة ويقووول الله يستر ..انا عرفت ان اليماني شبك الجهاز غلط .المهم يوم سالتة وش فية قالي انشالله خير ..بس البرمجة راحت .ويقول لو راحت البرمجة هين لاكن الله يستر من غير كذا
انا مافهمت علية وعرفت ان الموضوع خطير . وراح يكلم ناس بالجوال .حقون البرمجة .وتاخروا . وجالس حول ساعتين ونص وهوا يحاول
مافي فايدة .قالي هذي ثاني سيارة يصير معها كذا لاكن قول خير .طبعا انا قلت خير بصوت عالي وبيني وبين نفسي قلت .**** مشفر
المهم الرجال فقد الامل انها تشتغل .وقالي تعال بكرة ..وابشغلها لك وابصلح خرابك .قلت انشالله .ودار بيننا كلام طويل عرفت من كلامة ان التنتيع من حاجة اسمها السكلوليتر اللي هي تعتبر زي المنظم . وقيمتها من 3 الى 4 الاف ريال .ويقدر يجيبها لي 400 ريال .فرق صح
المهم جينا ندف السيارة عشان نجنبها ويجون بكرة حقون البرمجة .فجاة قالي خليني احاول محاولة اخيرة قلت له حاول .قام غير فيوز من
الفيوزات وصارت المعجزة اشتغلت السيارة ؟؟ايه والله اشتغلت السيارة وراااااااااااااااااااااااااااااااح الخراااااااااااااب ورب الكعبة .
مو راح الخراب الا راحت الخرابات اللي كانت فيها اللين اليوم السيارة زي العسل اثارية يوم شبك الجهاز حرق لي فيوز ..الرجال مسكين مايدري ان الخراب اللي انا جاي عشينة راح .بس طالع في عداد الظغط .قالي ايش هذا مو كنه رجع تمام بين الصفر والواحد . .قلت له اهو يروح ويرجع .ههههههه.ماابغاه يدفعني شي. ونا اول كان عندي بين الواحد والاثنين ..وقلت له بكرة ابجي واغير السكلوليتر ابو اربعة الاف ريال ....واحلى رقصة بالهوندا على الخط السريع والسيارة ماشالله زي الوكالة .ومين اللي يرجعلة ...ههههه
الحين لي فوق الاسبوعين بدون تنتيع وبدون هزهزة رااس زي الهنود .وربي عانيت معها ...الحمدلله
اول مرة اكتب بهالحجم بس يستاهل راعي الكوكو الاكورد .لاني عرفت انك تعاني زي ..
طبعا انا مدري انتا ايش تسوي . لو باقي سيارتك تنتع , لكن امانة انك تروووووح الوكالة لان هالفترة بلاش وتشوف ايش المشكلة بالظبط.

على فكرة ترى الخراب اللي راح من اثنين لا ثالث لهما . يافصلة البطارية لها دور يا البرمجة . اصلا انا مادري الرجال هو برمج ولا لا لكن كان يسوي حاجات غريبة بالجهاز اللي معه يوم شفت السيارة اشتغلت ماسالتة عن شي على طول دعست
ونا اخوك تبي العلم من الاخر .اذا منت رايح الوكالة افصل البطارية جرب

وانا راااااااااااااااااااااااااعي طويلة

وسلامتكم