رد مع اقتباسالسلام عليكم ورحمة الله
انا عندي اكورد 2008 سته سلندر مخمل والمشاكل الي واجهتني فيها طبعا الفرامل وانحلت تمام بعد ماغيرو الكليبر الخلفي مع الفحمات والحمدلله.
والمشكله الكبيره الي جننتني وصرت ابي ابيع السياره بسسبها هيا كالتالي:
اول مره وانا ماشي السياره نتعت واشتغلت لمبة المكينه وصارت تتفتف وتقطع وعزم مره مافي المهم وديتها الشركه الي في طريق المدينه بجده وكانت المشكله انو فيه بوجي ضرب كيف ما ادري والسياره كانت ماشيه حول 40 الف غيرت البواجي كلها ومشي الحال حتى الفنيين استغربو من البوجي الي ضرب وصورو وارسلو الصور لليابان.
ثاني مره بعده بي حول 3 شهور رجعت نفس المشكله وديتها الوكاله وجلست يومين وما اكتشفو المشكله بالتحديد والي عملوه انهم عملو ري ست على النظام كلو يعني اعادة ضبط ومشي الحال بس صرت مو مطمن للسياره ابدا.
والمشكله الاخيره مره قلت خليني افك البواجي وفكيتها بنفسي ولقيت اثنين من البواجي عليهم شوية زيت وطبعا المفروض مايكون في اي زيت في غرفة الاحتراق والظاهر انو في تهريب من مكان معين انشاء الله بوديها واشوف
الحل مع الاكورد الي مو مبسوط منها ابد.
هذي تجربتي والمشاكل الي واجهتني والسياره توها ماشاء الله مكمله 60 الف.
هذا تجربتي ولك الاختيار.
مواقع النشر (المفضلة)