الموضوع: إيش التعديلات اللي عملتها على سيارتك .. وإيش ناوي تعدل زيادة .. ؟؟

المشاركة الأصلية كتبت بواسطة SoLeeNo

السلام عليكم ورحمة الله وبركاته ،،،
=======================
في البداية أنا التعديلات اللي عملتها :
ركبتلها شبك أمامي من تحت عشان لا يجي حجر يضربلي الرديتر
---------------------------------------------------------
التعديلات اللي إن شا الله ناوي أعملها :
فرامل أمامية وخلفية رياضية إحتمال تكون من شركة D2

وعليكم السلام ورحمة الله وبركاته
الله يعطيك خيرها ويكفيك شرها
انا ماغيرت ولا حاجه فسيارتي لأني ما احب التعديلات
يمكن اضافات بسيطه او لمسات خفيفه من فتره لفتره عشان ما اطفش من السياره بسرعه

بس عندي سؤالين

الأول بالنسبه للشبك اللي تحت من فين اشتريته وكيف شكله وكم قيمته مع التركيب

التاني كم قيمة الفرامل كامله مع الهوبات الرياضيه لأنه بصراحه فرامل الهوندا من أسوأ الفرامل اللي عدت عليا

المشاركة الأصلية كتبت بواسطة memories

وعليكم السلام ورحمة الله وبركاته
الله يعطيك خيرها ويكفيك شرها
انا ماغيرت ولا حاجه فسيارتي لأني ما احب التعديلات
يمكن اضافات بسيطه او لمسات خفيفه من فتره لفتره عشان ما اطفش من السياره بسرعه

بس عندي سؤالين

الأول بالنسبه للشبك اللي تحت من فين اشتريته وكيف شكله وكم قيمته مع التركيب

التاني كم قيمة الفرامل كامله مع الهوبات الرياضيه لأنه بصراحه فرامل الهوندا من أسوأ الفرامل اللي عدت عليا

أهلين زكريات :d
الله يسعدك حبيبي هوا الشبك اللي تحت أنا حاططو مؤقتا يعني شبك التوليف اللي يتباع عند محلات الزينة بس نوع كويس ويستحمل والله ما أفتكر بكم بس أعتقد بـسبعين ريال وخمسين للتركيب رغم إنو حرام فيه الخمسين ريال وكان يبغا أكتر من كدا النصاب بس أديتو ورميتلو كلمتين إنو طبـــــــاخ وما عندو من ديك الهرجة.
بالنسبة للفرامل أنا أبصم فوق البصمة حقتك إنو فرامل الهوندا من أسوأ وأعفن وأخس فرامل مرت عليا في حياتي من يوم ما مسكت سيارة و سرعة إستهلاك الأقمشة يالطيييييييييف !!
الفرامل من شركة D2 أمامية وخلفية تطلع في حدود 10,500 ريال مع العلم إنو الأمامي يكون مقاسو 8 Pot والخلفي مقاسو 6 Pot وكل ما أبغا أغير الأقمشة يكون سعرها تقريبا نفس سعر أقمشة هوندا الأصلية يعني صحيح سعرو غالي في البداية بس شي رياضي ويستحمل معاك مو يخلص بسرعة ونوع القماش رخام مو المستخدم في هوندا ...