ابسألك سؤال ...

هل كنت فوق راسة وهو يشتغل ؟

هل حرصتة على نظافة السيارة وانك بتحاسبة على كل شي يصير غلط ؟

بالنسبة لي متعامل مع هالورشة من مسمار الهوب لين تغيير المكينة عندهم من اكثر من سنتين ولا شفت منهم الا كل خير وحسن تعامل ..
واللي صار معك صار لك لحالك ولا صار مع ٢٠،٠٠٠ الف واحد جو لنفس الورشة ..
تغيير فلتر البنزين ياخد اكثر من ٣٠ دقيقة وقاعد معة ،،، الغريب اني ما اذكر انة يتطلب فك المرتبة الخلفية !!
هو بالشنطة ..
يفك الشنطة
يفك البطانة اللي بالشنطة ( الارضية )
يفك عدد كبير من المسامير حول فلتر البنزين << وقبلها يكون فاك التانكي عشان ضغط الهوا يضبط ..
يغير الفلتر وبس ..
وبس !

* بكل بساطة ،، روح وكلم فيصل المسؤول الاول في هالورشة وقول لة السالفة ومالك الا يصلح اللي انكسر <<< تراة مطنوووخ ، واما النظافة اللي اشوفة ان الغلط منك انك ما حرصت عليهم من البداية ، وهم بعد لهم جزء من الغلط مالهم حق في اللي سووة ..

* لاحظ انك استلمت هالورشة والباكستانية وتميس ،،، والوكالة نفس الشي سوت معك شي غلط ولا تكلمت بأي كلمة .. من باب الحق ، يا انك تتكلم على الاثنين بنفس الطريقة ولا تعدل اقل شي ..

وكالتكم اللي فالحين فيها ، مرة من المرارير رحت اغير فيها الزيت .. وغيروا الزيت القديم وشيكوا على كل شي وانا لهيت لحظة عن اللي يشتغل ، فجأة قال لي سيارتك جاهزة وحاسبت ومشيت ، اقل من كيلو الا سيارتي مرتفعة الحرارة ... !! الاخ العامل اللطيف الظريف وقت مالهيت عنة ( نسى ) يسوي اهم شي متوظف عشانة وهو انة يعبي الزيت الجديد !! تخيل وش ناسي ؟ هذي فيها ضياع مستقبلة الوظيفي بهالشركة لو اشتكيتة ..

فــــــــــــ بكل بساطة ... وسع صدرك ..
اي شي من شغل البشر معرض للتلف والنقص والكسر والخطأ والنسيان ،،
وخلك سبورت // وخلك كوبية :d.. وعيش حياتك فلة ،،
لا تدقق ولا كلبسين بـ ٣٠ ريال الواحد او الاثنين واعتبرها صدقة في حق نفسك وسيارتك عن هالمساكين ..
صح انك دافع مبلغ وقدرة في سيارتك مو عشان يجي هذا يوصخها وهذا يكسر فيها ..

وتذكر كلمتين صغيرة ...

(( صنائع المعروف تقي مصارع السوء )) ...

لا تقق ورا ذا العمال المساكين دام الله مغنيكـ ...

--------------------------------

افضل شي العماله الفلبينه
مشكلة الشعب السعودي ،،
انة يثق في جنسية معينة ثقة عمياء ،،
الحلاق ،، تركي
معلم الشاورما .. تركي
السمكري تركي وبس
البوية تركي وبس ..
حتى مسلسلات ،،، تركية وبس

( وجهة نظر ) الفلبيني عطة كاتلوج يمشي علية ،، اذا شي اشكل علية يصير مثل الكمبيوتر اصابة فيروس ،،
المهن الحرفية لا تتعلق بجنسية معينة ابداً ..