شوف اقدر افيدك في الامور الي بتتعبك فيها الاكورد ..
1- مشكلة الفرامل الخلفيه اولا تحتاج تبديل كل 6 شهور والاماميه تحتاج تبديل كل سنه والهوبات ادا كنت محافظ عمرها سنتين ( الحل فحمات نيسن موجوده امامي للموديل الجديد فقط الخلفي غير موجود )
2- مشكلة الاصوات ( هدي المشكله محلوله طبعا )
3- مشكلة العزم ( ماليها حل )
4- قطع غيارها شويه غاليه مقارنة بالكامري والفورد
5- مراتب غير مريحه
مميزاتها :
1- صرفية بانزين معقوله جدا ( تقدر تقول ماتصرف )
2- قويه وتعيش معاك وتخدمك وما تنكبك اي مكان تحب تروحه بدل زيت وانطلق
3- رساوه جامده جدا .
4- جوده عاليه
5- شكل لا يعلى عليه وقياده ممتعه
__________
عيوب الفورد :
1- صرفيه بانزين
2- شكل صار له 12 سنه مو راضي يتغير تقول المهندس حق الاشكال والتصاميم تقاعد وما لقو غيره
3- حق شيبان
4- البدي حقه زي ما ذكر الي فوق اي كلام واحسه مو على بعضه
5- كهربا مع مرور الايام
مميزات الفورد :
1- مكينه قويه جدا
2- مريح لأخر درجه خصوصا في السفر
3 - ماتحس للطريق وانت راكب الفورد لان عضلانه لينه وحلوه
4- الاقمشه تمشيك سنتين وانت تضحك .
____________
نجي للكامري عيوبه :
1- ينقص زيت على السرعات العاليه
2- بريكاته كمان فيها مشكله بس ما تصف جنب مشكلة الاكور يعني مشكلة الاكورد اكبر
3- شكل سخيف وتافه من الداخل ومن الخارج .
4- لا يوجد مواصفات ابدا .
5- ديكور تحسه رخيص ومو متعوب عليه .
6- مكيفه احسه مو ديك الدرجه من البروده المطلوبه .
7- وانت راكب الكامري تحس روحك تكسي لو دوريه لو سريه لو موزع معتمد لشركة dhl والا حاجه كدا
مميزاته .
1- صرفيه بانزين قليله
2- بصراحه الكامري القير العادي يمشي على الطريق سريع .
3- حمار شغل شويات
وفي النهايه الخيار لك وتوجد خيارات بديله نيسان ماكسيما + هونداي سوناتا
مواقع النشر (المفضلة)