الموضوع: محتار اكورد ولا كامري ولا فورد

وعليكم السلام ورحمة الله وبركاته

انت من جد تتكلم

كيف تقارن الكراون فيكتوريا بالسيارات الباقيه

بصراحه كل ال3 سيارات تعتبر سيارات عمليه جدا

صحيح انه الكراون فيكتوريا يعتبر الأرخص في الصيانه العامه والقطع

ولكنه يعتبر من السيارات العائليه الكبيييييييره

وانت في مقتبل العمر ماااتوقع انه مناسب ابدا وبعدين اعتبره سيارة سواقين اكثر من سيارة شبابيه

و الاكورد فالمنتدى كله يتكلم عنها وتقدر تشوف مميزاتها وعيوبها

اما الكامري فأنا ما اقدر افتيك فيها لأني بصراحه ما احبها

أوووووووما فورد وانت لسى شباب اصبر عليها شوي , ترى هي هي ما راح تتغير يعني يصير عمرك 50 يمديك تشتريها نفس الشكل والمواصفات
من رأيي إذا إنك تبي أكورد والا كامري فأرشح الأكورد

لكن وش رايك تسحب عليهم اثنينهم وتفكر بالماكسيما والسوناتا والا أوريون ,.,
هذي السيارات الثلاث اللي تحسسك فعلآ إنك آدمي وشباب بعد ,
لك خالص ودي

بسم الله الرحمن الرحيم


الفورد فكتوريا سياره واحد متزوج وعنده عيال وأحس ماهي راكبه على واحد شباب لحاله بسياره , أما الكامري فخلك بعيد عنها وحاول انك ماتفكر فيها لان فيها عيوب كثيره وأهمها أن زيت المكينه ينقص وهذا كان بالموديلات من 2007 إلى 2010 بالاصح الشكل الجديد ولو أنا مكانك اخ الاكورد فل 4 سلندر ماشاء الله مميزات ومواصفات جيده وأنت استخير وبعدين توكل على الله وياليت لو تجرب تسووق أكورد وكامري على شان تتأكد الفرق الرساوه على الطريق . والله يكتب لك الي فيه الخير لك .

ولاوحده فيهم >> رغم اني ميال للاكورد خصوصا اذا كانت فل كامل

مكسيما :o

بالتوفيق

اذا تقدر على المكسيما توكل على الله

الاكورد افضل من الكامري والفورد>>وجهه نظري

أخوي

والله نصيحة أخ إذا انك بتاخذ سياره جديده فأنصحك

بالأكورد من بين الثلاث سيارات هذي

أول الفورد الفكتوريا سياره عائلية وشكلها صار مستهلك بزيااااااااااده

ولا تعتبر شبابية نهائيا راحت أيام اول مانزلت صح كانت شبابية لكن الحين

صارت عائلية وأتحدى أي واحد يقدر يقول ان مافيه ولا حاره في المملكة

الا وفيها فورد او اثنين على الأقل


بالنسبة للكامري بصراحه حرام تحط فيها المبلغ الهائل هذا

يعني كم الفرق عن الأكورد من 7 الاف إلى 10 الاف

والله انا أخترت الأكورد فل كامل 4 سلندر أرجل




أيضا ممكن تندم انك ماشريت فورد لأنها 8 سلندر والأكورد 4 سلندر

لكن والله الأكورد أرسى من الفورد مليووووون مره في الخط

ولا تصرف بنزين يعني انا اعبي من الجبيل بنزين فل واوصل جنوب الرياض

وافرفر الخميس بالرياض لين أشبع ويوم الجمعه أعبيها مره ثانية

يعني تصك معاي فوق 500 كيلوووو بالراااااااااااااحه التانكي

اتحدى الفورد تسوي كذا




هذي وجهة نظري ودون تحيز يعلم الله

أرشح الأكوووووووووووووووووووووووورد
وأبعد عن الكامري.وجهة نظري وبتوفيق اخوي.

الأكورد

الأفضل

لاكن إذا تقدر تاخذ

أورين خذها وأنت مغمض

آلآكـــورد آكيد بلآلآ منآزع طبعا من بين السيارات اللي ذكرتها

لآلآكن وش رايك تأخذ اوريوون سياره شبابيه بمعنى الكلمه ...

المشاركة الأصلية كتبت بواسطة م ج رد حلم

اذا تقدر على المكسيما توكل على الله

الاكورد افضل من الكامري والفورد>>وجهه نظري

+1

مشكورين ياشباب على الردود والله يوفقكم ويرزقكم كل ماهو خير ويبعد عنكم كل ماهو شر وباين من الردود ان الاغلبية تنصحني بالاكورد بس عندي استفسار صغير هل شكل الاكورد سيتغير لاني اخاف اشتري اكورد وتقعد معي كم شهر والا الشكل الجديد نزل كذا بأكره اليوم اللي شريت فيه اكورد هذا اللي انا خايف منه خايف من تغير الشكل وسلامتكم

من آسمك زحفآآآآنـــ عرفت آنكـــ ع التندهــ :d

لا يآخوي خذلكــ كآمري آحسسسن

سو فيهآ الي تبيه تفحيط تطعيس تخميس مقآوم طرد هجولهــ

مآ تقوووول آي

آمآ الاكورد لمآ تبزود عليهآآآآآآ اللهــــ يعينكــــ بسس

غير كذآ سعرهآآآآ غآلي ع لا شئ

آو آذآ آنكــ آنسآن مسوي فيهآ آنآ مخقق البنآت انآ الي مشخص 24 سآعه ودورآن تركي الاول والتحليه

فآنصحك بالاكورد وبقووووهـ

لا انا ماني حق خقق بنات وتركي والتحلية 24 ساعه ومشخص لا انا زاحف ومهايطي ورجلي حارة بس برضو احب الكشخه والراحه وتراني شباب وطيوب ماني شرير بس زاحف ومهايطي وماشي على المثل اللي يقول ازحف تنحف

أنا أشوف السيارات الأكثر شبابيه ومرغوبه بهذا الوقت

1- مكسيما 2010
2-أوريون 2010
3-أكورد 2010

ابحث عنهم واتعرف على مواصفاتهم والله يعينك ويعين الجميع ..

مشكورين ياشباب على المعلومات بس حبيت استفسر هل الاكورد مريح ولالا وبغيت اسأل سؤال لأصحاب الاكورد ماقد جاك يوم وندمت انك شريت اكورد وسلامتكم ياعيال

أخوي كل السيارات جربتها لفترات طويلة بالسنوات وراح أعطيك نبذة سريعة . طبعآ كل سيارة لها مميزات و مواصفات و سلبيات

تختلف من سيارة لأخرى بنظري طبعآ و من خلال التجربة

الكامري لا بأس بها و عيوبها رساوة صفر بدي خفيف ديكور خفيف مكينة تنقص من 2003 إلى 2010 القير العادي حدث ولا حرج

ميزتها قطع غيارها معقول وكيلها لاو تشيل حصاة تلقى عبد اللطيف جميل تحتها يتقهوى بشكل عام الأكورد أفضل بمراحل

الفور عيبوبه أكثر من مميزاته عيوبة الشكل الخارجي من سنة جدي وهذا هو صار شكل ممل و مايل للقبح بعد التصاميم إللي نزلت

ونزل بعدها وبعدها وبعدها وهو مكانك سر غير هذا التصميم الخارجي غلط × غلط أقصد ماينفعك لا مرايات جانبية ولا مراية داخلية

يعني لا زم تلفت يمين ويسار وتنزل تشوف وراك أحد ولآ لأ و أتكلم صادق لازم كل يومين حكه بسبب الحجم الغبي و الزوايا المترامية

الأطراف ولو جيت في حي ضيق او حارة ضيقة بمعنى أصح تطلع مقدمة سيارتك و تصدم بالتقاطع ويجي المرور ويقرر الحادث ما أمداك

تشوف جا أحد ولا لأ من طول الكبوت كأنه ظهر سطحا .. سواقته تجيب الهم دركسون نظامه قديم ماهو مثل السيارات الحديثة موزون

أدنى لفة يجي معك وخفيف زيادة عن اللازم رساوته أحسن من الكامري بس مايقارن بالأكورد وبيني وبينك سيارة شيبان وناس ثقل واصغر

واحد يسوقه لا يقل عن 40 سنة و العيوب كثيرة ولاكن لايسعني الوقت .. ميزته قطع الغيار أرخص نوع بفورد لان هناك أكثر من شركة

تصنع قطع فورد فيكتوريا وهذا سبب توفر القطع بشكل معقول و الراحة لركاب فقط أما السائق كما أسلفت سواقته مريضة تمشي 160

تحسن انك تمشي 220 ...طبعآ افضل من الكامري و الأكورد بامتصاص المطبات وصوت الاطارات منخفض و الكلام يطول

أما الأكورد لا تفوتك فرق كبير بينها وبين المذكورتين أعلاه إيجابياتها وسلبياتها ماليه صفحات المنتدى و أنا أشوف أنها أفضل خيار

وضعته لنا و أرشح الأكور بقوة

الكامري موديل 2003 كذلك 2007

الفورد 2008

الأكورد 2009

وقبل ان تخطي أي خطوة نصيحة جرب أي سيارة وضعتها ضمن خياراتك لكي لا تندم لأن الأراء مختلفة و كل له نظره من زاوية معينه

وبالتوفيق

شوف اقدر افيدك في الامور الي بتتعبك فيها الاكورد ..

1- مشكلة الفرامل الخلفيه اولا تحتاج تبديل كل 6 شهور والاماميه تحتاج تبديل كل سنه والهوبات ادا كنت محافظ عمرها سنتين ( الحل فحمات نيسن موجوده امامي للموديل الجديد فقط الخلفي غير موجود )
2- مشكلة الاصوات ( هدي المشكله محلوله طبعا )
3- مشكلة العزم ( ماليها حل )
4- قطع غيارها شويه غاليه مقارنة بالكامري والفورد
5- مراتب غير مريحه

مميزاتها :
1- صرفية بانزين معقوله جدا ( تقدر تقول ماتصرف )
2- قويه وتعيش معاك وتخدمك وما تنكبك اي مكان تحب تروحه بدل زيت وانطلق
3- رساوه جامده جدا .
4- جوده عاليه
5- شكل لا يعلى عليه وقياده ممتعه

__________

عيوب الفورد :
1- صرفيه بانزين
2- شكل صار له 12 سنه مو راضي يتغير تقول المهندس حق الاشكال والتصاميم تقاعد وما لقو غيره
3- حق شيبان
4- البدي حقه زي ما ذكر الي فوق اي كلام واحسه مو على بعضه
5- كهربا مع مرور الايام

مميزات الفورد :
1- مكينه قويه جدا
2- مريح لأخر درجه خصوصا في السفر
3 - ماتحس للطريق وانت راكب الفورد لان عضلانه لينه وحلوه
4- الاقمشه تمشيك سنتين وانت تضحك .

____________

نجي للكامري عيوبه :
1- ينقص زيت على السرعات العاليه
2- بريكاته كمان فيها مشكله بس ما تصف جنب مشكلة الاكور يعني مشكلة الاكورد اكبر
3- شكل سخيف وتافه من الداخل ومن الخارج .
4- لا يوجد مواصفات ابدا .
5- ديكور تحسه رخيص ومو متعوب عليه .
6- مكيفه احسه مو ديك الدرجه من البروده المطلوبه .
7- وانت راكب الكامري تحس روحك تكسي لو دوريه لو سريه لو موزع معتمد لشركة dhl والا حاجه كدا

مميزاته .

1- صرفيه بانزين قليله
2- بصراحه الكامري القير العادي يمشي على الطريق سريع .
3- حمار شغل شويات

وفي النهايه الخيار لك وتوجد خيارات بديله نيسان ماكسيما + هونداي سوناتا

على فكره انت السياره الي بتشتريها بتتأقلم عليها وما راح تندم انك شريتها سواء كانت فورد او كامري او هوندا ...
والهوندا مع مرور الايام بتلاقي نفسك تحبها

وعن سؤالك عن الراحه بصراحه الهوندا غير مريحه بعض الشيء

اكورد دون نقاش او جدل
ما في وجه مقارنه مع الفورد والتويوتا

اكور وتوكل على الله

ومبروك مقدما

اكورد وانت مغمض وماعليك الي يقول مكسيما هي حلوه بسسس سعرها فوق الخيال اذا بتاخذه انصحك تزيد فلوسك شوي وتاخذ لكزس ارنوبه احسن

على فكره الفورد موديل السنه راح يكون الاخير

يعني الفورد فيكتوريا وماركيز راح تتوقف

اولا الكامري اطلع برا وشوف كم كامري بالشارع من جميع الموديلات من عام 99 الى 2010
هي سواقتها حلوة بس داخليه رديئه جدا والخارج ايضا شكل سئ وفوق هذا كله غاليه
______________________________
فيه بعض الشباب يقولون اوريون انا اقول الاوريون من الداخل = كامري ولا تفرق الا قلييل جدا جدا
ومن الخارج شكلها مو بطال يعني مو مرررة مثل الاكورد ولا خايس مثل الكامري
تميزها القوة 6 سلندر 3.5 مكينه تعطيك ;) لكن زي ما قلت لك ( الاوريون = كامري بس 6 سلندر )
______________________________
الفورد سئ جدا من ناحيه السواقه عريض وطويل وبالموت تخارج نفسك في الزحمه
انا مجربه اعوذ بالله وعندك كمان مشكله الكهربا روح شوف اي فورد له سنتين بس
اركب في محل السواق وشوف الازرار الي تفك وتقفل الابواب والشبابيك
يا مقلوعه للردائه ولا ما تشتغل ايضا للردائه
وفوق هذا كله يصررف بنزين
فيه ميزة رخص قطع الغيار وتوفرها
وكمان الراحه في المراتب
______________________________
الاكورد انا اشوفها غاليه شويتين بس على الاقل تدفع فلوس يجيك سياره كويسه مو مثل
الكامري تدفع وما يجيك الا كومه بلاستيك اي دقه الا الشاص انعوج
مكينه 4 سلندر 2.4 وعندك السته 3.5 يعني لك حريه الاختيار
مو مثل الكامري والاوريون يختلف الشكل تماما من الخارج
الشكل الخارجي للاكورد اليييم خذلك فرره على المنتدى وشوف مواتر الشباب وتعديلاتهم الخفيفه
من ناحيه السوااقه السياره راسيه وثقيله من اول لفه ولا يوتيرن تحس في هذا الموضوع
انا ما سقت الشكل الجديد الا مره وحده ومررة عجبني ثقيل وراسي
______________________________
كل شي له مميزات وعيوب مافيه شي كامل ( الكامل الله سبحانه )
جربهم كلهم والي يعجبك ويناسبك سعره توكل على الله
تراا انا زيك محتار واخر شي توصلت له الاتيما 6 سلندر ( روح شوفها في الوكاله لا تفوتك واسأل عن اسعارها قولهم السته سلندر بدون جلد بكم ) صدقني راح تعجبك

اه أحبــــــــــك يا اكورد

من تجربه

اقول انت وياه اعنزوا عن الفورد .. الي يقول انه طويل والثاني مشاكل بالكهرب وهو ما يدري عن وضعه
يا حبيبي الفورد فورد وعلى كلامكم ان شكله ما تغير من 12 سنة شعل سيارتك وروح الوكالة وعد كم حبة باقي هذا اذا لقيت اصلا

وعلى فكرة عندنا في البيت ثلاثة فوردات .. اثنين ماركيز وواحد فكتوريا وانا عندي هوندا والله العظيم ان سيارتي تخرب اكثر من الفورد
مو لسوء استخدام بس لطبعية الهوندا يعني مثلا انا ابدل قماشاتي مرتين وهوه توه مرة وغير كذا الفكتوريا مافيه مسجل يسخن ويقطع السي دي وما الى ذلك ولا نور يعلق << انا اخر مرة كبسة فيها من سنة ونص الحين اذا بغيت اكبس اشغل النور واطفيه