الموضوع: غير قلب مروحة المكيف بنفسك

يعطيكـ الف عافيه
ومشكله الحراره وخاصه اذا مانبهت
ماتنتبه الا متأخر :p
-
ويعطيكـ العافيهـ
على الموضوع والتقرير المفيد
وننطر جديدكـ

جزاك الله خير اخوي

بس وش الموديل تبع سيارتك

والطريقة والسعر نفسها تمشي مع اكورد 2007


وما تقصر

شرح وافي ومتميز

مشكور جدا جدا ... وجزاك الله خير

تم التقييم ( 5 نجوم ) + شكر
وتستاهل أكثر

وعسى الله يرزقك ويرزقنا معك اللهم آمين

--------
اذا تبغون موضوع عن تغيير ماء الرديتر ( 07 - 06 )

انا حاضر

وخصوصا (ياما نسيت)

عبادي 777
الله يعافيك ياغالي بالفعل مانتبهت الا عند الاتش ماني متعود انظر في امبير الحرارة
hadadoooo
سيارتي اكورد 2003 اربعة سلندر
اتوقع ان مافيه اختلاف كبير
وعلى كلام اخونا كنق انه نفس الفكرة والطريقة لكن تأكد من مقاس القلب
مع ان الكرتون مكتوب عليه 03-07 يقول عبدالحق امجيان انه يركب من موديل 2003 الى 2007 لكن تأكد من تطابق المسامير عندي تطابق مسماران فقط
أخي كنق
أشكرك على التقييم والإضافة بالفعل الرسمه نفس اللي حصلت بالضبط الأفياش والمسامير
كنت بكتب تحت لواهيب الشمس لكن خفت ان الإعضاء يقولون مالنا ومال الحر نوديها لبنغالي يركبها قلت اخفف الموضوع وأسهله على الجميع
لأني كنت بين خيارين حرارة الشمس وظلام الليل <--- ماعندي كشاف جيد ولا لنبة بيان والشوف على قد الحال لوضاع مسمار توهقت
اخي الكورد الفضي
تسلم ياجعل والديك في الجنة انت و كل من علق قبلك
يارجل شوف لو تفك صاموله تعال وحط لنا هنا اوش سويت ترا للأسف فيه ناس قد تكون قلة لكن موجودة لو بيغير لمبة الفرامل لازم ورشة وكهربائي متخصص وتكفون دلوني على كهربائي متخصص في تغيير اللمبات
لذلك تحصل العمال يقولون السعودي مايعرف يسوي شيء والسعودي مايعيش بدون العمال ومن هذا الكلام
لذلك لاتحتقر اي شيء تسويه قد تشوفه سهل وتافه لكنه عند غير عظيم
اكرر شكري لكل الاخوة

المشاركة الأصلية كتبت بواسطة ياما نسيت

اخي الكورد الفضي
تسلم ياجعل والديك في الجنة انت و كل من علق قبلك

الله يسلمك ويسلم غاليك
امين ووالديك وجميع المسلمين

يارجل شوف لو تفك صاموله تعال وحط لنا هنا اوش سويت ترا للأسف فيه ناس قد تكون قلة لكن موجودة لو بيغير لمبة الفرامل لازم ورشة وكهربائي متخصص وتكفون دلوني على كهربائي متخصص في تغيير اللمبات
لذلك تحصل العمال يقولون السعودي مايعرف يسوي شيء والسعودي مايعيش بدون العمال ومن هذا الكلام
لذلك لاتحتقر اي شيء تسويه قد تشوفه سهل وتافه لكنه عند غيرك عظيم
اكرر شكري لكل الاخوة

ابشر
صحيح كلامك
العفو يا غالي

آآآخر الأخبار


القلب التجاري طلع زومبه

امس الصبح وانا انتظر زملائي في الموقف عشان نداوم والمكيف شغال فجأة تحول الهواء الى الحار طفيت السيارة وركبنا مع واحد من العيال وداومت وانا متضايق من المشكلة

وصلت الظهر وشغلت المكيف والحمد لله بارد لكن العصر كنت انتظر واحد من الشباب وفجأة رجع المكيف حار احس ان الكمبرسر يفصل


رجعت البيت واخذت القلب القديم الأصلي وحاولت افكه يمين يسار ماقدرت خفت اكسره

لكن لقيت قطعة بلاستيك جانبية فيه قدرت انزلها واشوف الأسلاك النحاسية اللي داخل القلب وطلع لي منها بودرة سوداء وفتافيت نحاس ووبر نحاسي خفيف

المهم اني جبت البخاخ حق التنظيف ابو جمل الأحمر مثل بخاخ اي سي ديلكو

وجلست ارش داخل القلب وجلس ينقط نقط سوداء من الوصخ اللي داخل
رشيت تقريبا ربع العلبة الى ان بدأت الأسلاك النحاسية تلمع وانا اناظرها من الفتحة الصغيرة الجانبية

رحت شبكت القلب من برا بدون تركيب والرجال قام يدور الحمد لله

لكن ماركبته لأننا في الليل

اليوم الظهر رجعت من الدوام والمكيف فصل عند البقالة
قلت له موعدنا العصر

قمت العصر وركبت القلب الأصلي ورحت فيها كم مشوار وانتظرت تقريبا ثلث ساعة والمكيف ميه الميه ماشاء الله تبارك الله

والقلب يدور على سنقة عشرة

والمكيف بارد ومافصل


والحمد لله على كل حال
خبرة بسيطة جدا اكتسبتها اليوم
لاتشتري قطع كهربائية تجارية لو صار اللي صار


آسف على الإطالة

وإياك اخوي كينق

جاري يقول ان ولد عمه خرب القلب عنده وركب قلب تويوتا كامري نفس المقاس ومضبوط معاه آخر حلاوة

لكن ماسألته كم موديل الكامري اللي اخذ قلبها

اكورد ولد عمه 2003


اشكركم جميعا على المرور

سلااام يا شباب

العملية نجحت بس المريض في غرفة العناية المركزة

اللى حصل ان القلب اشتغل وركب مظبوط

لاكين....
السيارة اذا كانت واقفة الهواء تبع المكيف يكون حار
وما يبرد الا لمن تتحرك السيارة

اذا في تفسير اعطونا الله يجزاكم خير

ولا نعطي الخبز لخبازه ولو اكل نصفه

hadadooo


انا رجعت ركبت القلب القديم بسبب هذه المشكلة


اليوم رجع القلب القديم لعلته ولم ينفع معه الإنعاش ولا العناية المركزة

راح اشتري بكره قلب كامري اصلي واركبه وإن شاء الله يضبط


لكن مدري اي موديل للكامري اطلب

اللي عنده خبر يعطينا ترا الحرارة وصلت عندنا في المدينة 59 درجة على كلام سبق ومانقدر نمشي بدون مكيفات



ننتظر الأخوة للإدلاء بأقوالهم وآراءهم

الف شكر لك اخي كنق


خلاص ماعاد فيه رجا القلب القديم


رحت للوكالة اليوم قال لي قلب المروحة سعره 930 ريال

لكن انتظر اشوف قلب الكامري بس مدري اي موديل يطابق القلب اللي عندي وياخوفي ادفع 300 ريال قلب كامري ويطلع نفس المشكلة حقت الكمبرسور

الله يعين ويسهل تسلم ياغالي على الإفادة

سلاام يا شباب


الحمد لله الموضع زبط 100 % 100
وكل شي صار تمام

المشكلة اللى حصلت معي ان القلب اللى شريته كان الفيش تبعه مقلوب من المصنع
يعني المروحة بدل ما تسحب الهوا وتريح الرديتر كانت تدفع الهوا
طبعا فكيت الفيش وقلبت الاقطاب تبع القلب الجديد ( هما سلكين ازرق واسود وقلبت مكانهم )
وصلى الله وبارك على نبيه

وبس..

hdadoooo


حبيب قلبي انت

هل كانت عندك نفس المشكلة الكمبرسر يفصل بعد تركيب القلب التجاري


وكيف دوران المروحة مع عقارب الساعة ولا عكس عقارب الساعة

يمكن تكون نفس مشكلتي

انتظرك على احر من الجمر

طيب سؤال ..؟ اللحين لو خرب الدينمو هل له فيوز مثلا .... يقص لاخربت المروحه والا لا؟؟؟

أخي الكريم كوكو 2008

علبة الفيوزات فيها رسمه للمروحة لكن ما ادري اي مروحة يقصدون مروحة الرديتر ولا مروحة المكيف


اي قطعة كهربائية اتوقع لها فيوز لو زاد الحمل الكهربائي عليها يقطع الفيوز


لكن أن كانت المشكلة عندي انها مره تدور ومره لا يعني الفيوز سليم



وبالفعل كما قال اخي هدادو القلب التجاري طلع مقلوب وبدلت أسلاكه والحمد لله الحين ماشي تمام التمام

ياما نسيت , حدادو أو هدادو , كنج

الله يحفظكم ويستر عليكم ويرزقكم من حيث لا تحتسبوا

أفدتونا كثير في هذا الموضوع وغيره إلي لازلنا نستفيد منها إلى الآن (2015) وربنا يجيزكم الجنة على هذا المجهود

المهم , أنا طبقت كل إلي مكتوب هنا , فكيت كل شي وأخذت القلب ورحت كيلو 2 وإشتريت قلب تجاري تايواني.

رجعت البيت وركبته وركبت كل شي , لما شغلت السيارة المراوح تمام ودفع الهواء لجهة المكينة مو الريديتر , بس المكيف ما يبرد أبداً!!

رغم انه كان المكيف كان باااااااااارد ما شاء الله بس من يوم ما شغلته بالقلب الجديد وهو حار لدرجة إن الجو خارج السيارة أبرد من داخلها , المهم
أنا أبغى أعرف فين مكان الكمبروسر وهل في إمكانية إني أكون كسرته أو كسرت شي بالغلط أثناء التركيب؟

مع العلم إني لما ركبت القلب التجاري فكيت سلك القلب القديم وركبته له , لتجنب موضوع عكس الأسلاك وكذا.

أتمنى أي أحد يساعدني وشكراً لكم