يا اخواني مكيف سيارتي مشكلة !!!
اسلام عيكم
ياشباب مكيف سيارتي اكورد 2005 فل فيه مشكله والله كان مكيف ولا احلى منه بس اليوم حصل الي حصل ما صار يبرد بس هوا حار وديته لورشه قالوا الكمبروسور قلت طيب يمكن مفصول سلك ولا اي شيء قالوا لا كل شيء تمام غريبه
خاصه انه يشتغل باااارد وبعد شوي هوا حاااااار لفتره معينه واطفيه واقعد تقريبا ربع ساعه واشغله يصير بارد وشوي ويقلب حااااااااااااااااااااااااااااااااااااااااااااااااا ااروقالوا مدري المغناطيسه حقت المكيف مدري وشي ما صدقتهم بصراحه مدري ليه عندي احساس انهم كذابين يقولون اذا صارت حاره تفصل والله كلام مدري عنه المهم الي يقدر يفيدني ارجوه لا يبخل علي بأي شيء :(
حياك اخوي ..
احتمال يكون كلتش الكمبروسر ..مجرد احتمال
وكلتش الكمبروسر هو المغناطيس الي يشبك في السير اذا شغلت المكيف
وتزيد نسبة الاحتمال اذا كنت من الناس الي يشغلون المكيف والسياره ماشيه
لان السير تكون سرعته اعلى ..ويشبك الكلتش حق الكمبروسر في السير وهو مسرع
وومع الوقت يحترق الكلتش ..
وبشرنا اول باول ...
اخوي انا امس صارت لي نفس المشكلة وصراحة ارتفع ضغطي منها
اليوم بعد المكيف كان ولا أحلى مشيت مسافة يمكن 10 كيلو متر بعدين وقفت صار المكيف حار تقول انك غيرت الثرموستات على الأحمر
مشيت شوي رجع اشتغل التبريد
الحركة صارت لي امس مرتين واليوم مرة
آخر ماسويت في السيارة غيرت قلب المروحة قبلها بيوم او اقل من 24 ساعة
اتوقع انه السبب شوف انت وش مسوي وردلي خبر يمكن نكتشف العلة
الله يعيننا على قطع الأكورد الغالية
مشكور اخوي اكورد لؤلؤي على مشاركتك
وبالنسبه لتشغيل المكيف وانا ماشي لا والله نادرا اذا حبيت اشغله اهدي السرعه الى 20 او اربعين كحد اقصى وما ادري وش المشكله
بس اتصلت على الوكاله وحجزت موعد وقالوا بعد اسبوع وانا وش يصبرني لمدة اسبوووووووع بدون مكيف ولا وين في الريااااااض لاكن الله يعين
هلا بك اخوي يا ما نسيت
الله يعينك على المشكله الي من جد ترفع الضغط ونفس مشكلتي بالضبط بس انا اللهم زادت اليوم ما صار يشتغل مره اول يفصل ويشتغل الحين لا كذا ولا كذا هوا حااااااااار وبس :(
وبالنسبه للمغناطيسه هذي يقولون سعرها بـ 394 ريال ان ما خاب ضني لاني سالت عنها ونسيت بكم ههههههه بس الأكيد انها فوق 300 ومثل ما قلت الوكاله عطتني موعد بعد اسبوووووووووع بالله هذي وكاله اقل شيء الاشياء الضروريه زي هذي يخلصونها بسرعه
الحين انا برجع اركب قلب المروحة الأصلي لأني نظفته امس وصار يشتغل لعل وعسى تنحل الأمور
انا صارت معي نفس المشكله بالضبط
والحل إني غيرت الكويل كمبرسر ب 368 ريال وهو يشبه المغناطيس وعبيت فريون أصلي وانحلت بس صارت لي مشكله ثانيه
وهي المكيف بس يبرد لما أمشي وإذا وقفت للانتظار يصير هواء حار واذا مشيت بارد مرره
وطلع المشكله من الكمبرسر ضغطه ضعيف مرة
فالي يتفلسف عليك ويقولك الكمبرسرضرب لازم تتأكد من ضغط الكمبرسر ادا كان تمام ركب فقط كويل وأمورك تمام
طبعا غيرت الكمبرسر مستخدم ضغطه ممتاز وجربته بسد الفتحات وتدويره ثم فك يدي من الفتحات وخروج هواء قوي مضغوط طبعا الكمبرسر مفكوك من السيارة وانا أسوي هذا الاختبار
وركبت عليه الكويل الجديد وغيرت فريون أمريكي أصلي
بس طلعلي لديتر المكيف الريش كلها رايحة من تحت من عند فتحة الصدام من السافي والحشرات والطيور اللي تضرب فيه وغيرته بواحد تايواني ب 500 ريال لأنه يسبب حرارة للكمبرسر ويضعف التبريد لأنه المفروض هو اللي يبرد الكمبرسر وفيه مواصير صغيرة يمشي فيها الفريون وموقعه خلف لديتر الماء
ما لك في الطواله غيرت كل هذي الأشياء والحمد لله ضبط معاي تماااااااااام سواء ماشي أو واقف والحمد لله
ودمتم سالمين
أخي الكريم
اليوم العصر رجعت وركبت قلب المروحة الأصلي بعد مانظفته ببخاخ التنظيف واصبح يشتغل
وشغلت المكيف والحمد لله يبرد زي الحلاوة انتظر عشرة دقايق وماشاءالله التبريد ممتاز قلت يمكن لازم امشي مشوار واوقف ورحت الف في الحارة ووقفت والمكيف ممتاز
وتوي جاي من مشوار وقفت السيارة تقريبا 20 دقيقة واهلي فيها ويقولون المكيف ماشاء الله مثل اول بارد وما احتر
طلعت المشكلة كلها من القلب التجاري
لذلك شوف انت مغير قطع كهربائية الاسبوع هذا ومركب تجاري ولا لا أخاف تكون منها
جاري يقول لي ان ولد عمه صارت له نفس المشكلة وطلع من فيوز الكمبرسر غيره ورجعت السيارة سليمة
وشوف ردود الأخوان شكل المشكلة لها عدة احتمالات
اعانك الله وخفف عنك مصابك وازال همك
ضوابط المشاركة
رد مع اقتباس
مواقع النشر (المفضلة)