الموضوع: ابي فزعتكم يا شباب في سيارتي اكورد 2003

الحمدلله ع السلامه اخوي ..

عندك الصناعية القديمه - شارع المنتزه ( ورشة المدار ) ..

مشكور على المرور يا المسافر

اخوي معليش لون موتركـ اسود ولا فيراني

الحمد لله على السلامه , ما تشوف انت

بس إنشاء الله ما تكلفك واجد الجبوت إذا فيه طعج ما ينسمكر وحتى لو سمكر ما يضبط

وأما الصدام خذ تجاري ترها نفس الأصلي وأرخص بواجد وأما الشمعات الي قدام عند عمو هاشم

ب700 ريال الوحده , وانا سبق واخذت من التشليح ب 250 ريال الوحده أهم شي تكون جزازتها

سليمه حتى لو مهي صافيه توديها لمحلات الزينه يلمع لك الثنتي ويخليها مثل الجديده ب30 ريال

لثنتين , واما الكيس الهوائي أنصحك انك ترجعه بس وتخلي السمكري يضبط لك الطبلون لأنك لو

صلحته وبعد التكليف ما تضمن أنه يطلع نفس أول , انا كانت معي مرسيدس صدمت عليها وطلعت

الأكياس الهوائيه سألت عن ترجيعهم قالوا 5000ريال قلت لا ما ابيهم ورجعتهم بمكانهم وضيطت

الطبلون , وأما قطع الغيار انا انصحك بالنعماني لأني سمعت ان القطع الي عنده اصليه وأرخص من

الوكاله وأسف على الأطاله لكن انا ابي افيدك والله يوفقك ويستر عليك

الحمد لله على سلامتك وماتشوف شر


انا من المدينة كان بودي لو اعرف ورش جيدة كان دليتك عليها


لكن حبيت اتحمد لك على السلامة

الله يسلمكم شباب ويعطيكم الف عافية وما تقصرو


والي يسئل عن لون الموتر تراة أسود