يا شباب احد يرد علي الله يرحم ولديكم تسعه ولا واحد تكرم
السلام عليكم اتمنى احد يفيدني من الي عندهم خلفيه عن الموضوع
طبعا الوكاله يقولون لك بنسبه لزيت القير والفحص ع القير اذا وصلت 60 الف كيلو انا راحت اغير زيت المكينه
من محلات بترومين بالرياض وقال لي الفلبيني للازم تغير زيت القير ولا بينعدم عليك والوكاله على كلامهم يقولون
60 الف وانا سيارتي ما مشت الا 38 الف وش تنصحوني فيه اغير زيت القير ولا لا
وبعد وش الاشياء الضروريه بنسبه للقير غير زيته اتمنى احد يجاوبني هواندا 2009
يا شباب احد يرد علي الله يرحم ولديكم تسعه ولا واحد تكرم
وآلله مآعندي خلفيه عن هالموضوع يآلطيب .
وشكرـرآأإآ .}
مافيه ضرر بإذن لله لما تغير الزيت كل 60.000 ألف \ كلم
وبما ان الوكالة قالت كذا فعرف ان هذا هو الأفضل والتكلفة مميزه على مدى عدد الكيلومترات !
طبعا ً لا غيرت برى الوكالة ولاسمح الله صار شيء بالقير وخرب عليك , الوكالة ماراح تعوضك شي ابد ورح للفلبيين خله يعوض لك قيمة القير فوق الـ 5000 ريال !!
إذا وصل ممشى سيارتك للـ 60.000 ألف \ كلم
رح فيها الوكالة وغير الزيت وكلها 182 ريال وانت واقف ماتاخذ منك ولا ساعة إلا وانت مخلص .
:(
السلام عليكم اخوي غير كل 40.000 بس يقولون غير كل 60.000 علشان تستهلك سيارتك القطع يا حبيبي
اسال مجرب:d
الموديلات الجديده كل 60 الف كيلو
اصحاب المحلات لو تجي على كيفهم قالك كل 10 الاف زيت القير وكل 2000 زيت المكينه مع الفلتر وتغير فلتر الهواء وفلتر المكيف والسيور من عنده :d
امشي على كلام الوكاله + تغيير فلتر زيت القير من الوكاله (لازم تطلب تغيير الفلتر للقير بنفسك ولا مايغيرونه)
* قيمه القير 17 الف ريال
..
....
طيب واللي شيك على زيت القير ولقاه ناقص مرررررررره عن النقطتين ايش يعمل
مع انه السياره ماشيه شي واربعين يعني ماوصلت ٥٠ الف
فعلا ً صدقت والله !
لكن خير برهان ان تتأكد بنفسك وتقيس الزيت بين فتره وفتره حتى تتأكد من لزوجة الزيت وعدم إحتراقه
( فحص زيت القير )
1- أيقاف السيارة على أرض مستوية
2- تشغيل المحرك حتى تبدأ مروحة التبريد بالعمل ( مراوح الراديتر )
3- أيقاف المحرك وللحصول على نتائج دقيقة ، أنتظر على الأقل 60 ثانية ( دقيقة ) وليس أكثر من 90 ثانية بعد أيقاف المحرك ، أفحص المعيار واذا حسيت انه ناقص زيد الزيت واذا ماعندك الخلفية التامة .... تكملة الباقي راجع هذا الرابط....
http://www.hondaarabia.com/club/showthread.php?t=24318
:(
أنا اتبعت الخطوات الكامله بناءا عالكتلوج
نفس اللي ذكرته كينق
ولقيته ناقص
شكلي بكره اروح الوكاله اشتري الزيت وازود الناقص
انا اقول تروح للوكاله تخلي الفني يشيك على مستوى الزيت قبل
واذا ناقص جرب ممكن يزود لك من عندهم
..
....
^^^^
شكريا باي
تشكرات افندم
متشكرين ياباشا
ثانكيو بوس
ميغسي بكو ميسيو
زي ما أفادوك الشباب
لآ تسمع كلآم هذولآ النبآشر حتى لو انهم بترومين , بس يبون يمشون بضاعتهم بأي طريقه
آخر مره جيتهم نشب لي الفلبيني , قآل الا بيسوي غسيل مكينه , قلت والله تعقب أنقلع بس
خلك على كلآم الوكآله اضمن لك , مآرآح ينفعونك الفلبينين اذا صار بموترك شي
يعطيك العافيه على تفعلكم مع الموضوع والغلبيه منكم يقولون غيره اذا مشت 60 الف وانا بمشي ع كلامكم وكلام الوكاله ما قصرتو يا شباب وبنسبه لكلامك يا TaAaloOoL فعلا الفلبيني قال لي كذا مرره للازم تسوي غسيل للمكيانه اهم شي عندهم الربح المادي
ما عليهم من سيارتك في حريقه عموما شكرا لكل الي ردو على الموضوع
طبعا يا شباب محطات احط زيت من نوع هوندا الذهبي وهم يقولون كل ثلاثه الالف غير الزيت عادي اخليه لين 5000 الف زي الوكاله
ولا لا
ايه عآآدي خله إلى 5 آلاآف آنآ أسوي مثلك وآغير عند بترومين وزيت هوندآ وآخليه 5 آلآآآف
اقل نوع زيت عندك يمشيك على الاقل 5000 كيلو
انا عن نفسي ما اغير الا بعد 5000 كيلو واحيانا يوصل 7 الاف طبيعي جداااا
..
....
مواقع النشر (المفضلة)