السلام عليكم ورحمة الله وبركاته


يا شباب يكفي

تشويه

وسواس

وظلم

للأكورد


بصراحة السيارة من ناحية الجودة ما عليها كلام ... عيبها الوحيد (الفحمات)

وممكن يكون فيها بعض العيوب البسيطة " كبقية السيارات الجديدة " ( اللي ممكن حلّها بالوكالة أو الخ... )


وطبعا أغلب الشباب يكون سبب رئيسي بالمشكلة ويقول السيارة كذا وكذا ويسب فيها

وهو استخدامه خاطئ أو سيئ

المفروض الواحد يعترف بأخطائه أو يقول أنه سبب من أسباب المشكلة

مثلاً واحد قيادته ( كأنه داخل سباق : حط رجلك بقوة على البنزين \ حط رجلك بقوة على الفرامل )
ودائما سرعة عالية

ويقول ليش تتآكل الفحمات بسرعه !!
أو مثلا ليش تتمسح الكفرات بسرعه !! ويسب شركات الكفرات ( اللي ممكن انها تكون من أفضل الكفرات في فئتها ) !!

أو واحد ثاني
يقول ليش يخبط القير ؟
وهو كان مهمل بالصيانة وأيضا استخدامه خاطئ
أو في بعض الأحيان تكون ( عين )

انا مثلاً اعترف اني سبب لبعض مشاكل سيارتي للأسف
لكن الأنسان يتعلم من أخطاءه

طبعاً الأكورد صح مواصفاتها قليلة نسبياً مقارنة بالموديلات الجديدة !! 2010
لكن بصراحة جودتها عالية وشكلها حلو


وكثير من السيارات تكون أكسسورات والخ ... وتكون صينية !! ( تلاعب الوكيل وما يحتاج أقول مين لأنه معروف )

أو تكون جودتها سيئة ( شركة التصنيع )


-------

صعب تحصل سيارة كاملة المواصفات والمتطلبات
وتبي فيها كل شي ممتاز !! وفوق التوقعات
~ أكيد بيزيد السعر ~

كل ما زادت الجودة والمواصفات >> يزيد السعر

أما اذا كانت مواصفاتها كثيرة وبسعر رخيص >> فأعرف أنها خرطي


الجودة هي الأساس

ثم الأكسسورات المهمة

ثم الأكسسورات الثانوية



على فكرة :

& حصلت في منتدى تويوتا ( قسم الأوريون ) >> موضوع بعنوان "" لا تعيبون السيارة فالناس خذت فكرة سيئة ! "" &


وحبيت أنبه أصحاب الأكورد خصوصا الموسوسين ( السيارات الأخرى فيها عيوب وغالباً لا يذكرونها لأنهم ما يبون يشوهون سمعتها )

حنا دائما نذكر كل عيوبها وبعض الأعضاء يدور عليها شي


إلى كل راغب بشراء الأكورد :

جرب السيارة قبل تشتريها ( اذا أعجبتك أشترها )
ما أعجبتك لا تتعب نفسك بالسب والتعصب !!
دوّر غيرها

واذا انت متعصب لشركة معينة وبتفكير معين
بعد أقولك ( لا تتعب نفسك ) خلك على شركتك المفضلة


لولا اختلاف الأذواق لبارت السلع

ومد رجليك على قد لحافك



أتمنى أني ما أطلت عليكم