اسمع اخوي اذا تبي سستم ممتاز سو الاتي:
1- ركب امبلي فاير بووشمن2000 واط يستحمل اربع سماعات و بازوكة(ووفر داخل الصندوق).
2- ركب اربع سماعات. بايونير الخلفية 460 واط الجديدة لونها اسود و على الابواب الامامية بايونير 260 واط على ما اتوقع بس هي 200وشي.البازوكة(الووفر) بايونير 1200 واط موديلها شامبيون سيريس(اقوى بازوكة من بايونير).
3- ركب كباستر 2 فاراد,علشان تظمن ان الكهربة حقت السيارة تكون طبيعية حتى لو عليت الصوت حدة.
4- مو لازم تفصل خشبة خلفية.ركب على حق الوكالة و البازوكة في الشنطة وفتح التكاية الخلفية واسمع الصوت الى يطرب.
______________________________
ابقولك الاسعار حقت محل هاي ساوند الى في كورنيش الخبر ورا كنتاكي.المحل معرووف جدا.انا شخصيا ركبت عندة سستم و الله شغلة ممتاز و وزن الصوت حقة ممتاز جدا.. الى يوزن الصوت واحد اسمه بهاء.
السماعات الخلفية بايونير ب 250 ريال
السماعات الامامية بايونير ب 190 ريال
الووفر بايونير ب 240 ريال + الصندوق 180 ريال
الامبلي فاير بووشمن 2000 واط ب 750 ريال
الكباستر 2 فاراد سوني ب 450 ريال
موزع الصوت ب 80 ريال
شغل اليد مع الاسلاك ب 150 ريال
المجموع: 2290 ريال راكب في السيارة.
هذي اسعار المحل.طبعا في مكان ثاني يمكن تلقى اسعار اقل بشوية بس انا اظمن شغل المحل يعني فاهم شغلة ما يتفلسف و يخرب لك شي في الكهربة و يقولك و الله ما ادري.
اذا ركبت السستم هذا راح تشوف الصوت كيف. البايونير احسن من الكينود و السوني.
على خبرتي انا اصنف البايونير رقم واحد بعدين السوني بعدين الكينود و من ناحية الاملبي فاير البووشمن افضل من البايونير و السوني و الكينود و الاكاي و السنكوور (ايام اول).البووشمن صوتة انقى من الباقي و ما يسخن بسرعة و ما يفصل زي بعض الانواع الثانية.
اما اذا تبي بس سماعتين ركب بايونير و الامبلي فاير اممم شوف اسأل عن البووشمن ال900 واط.اتوقع راح اتكلفك تقريبا 980 ريال و الله اعلم يا اقل او اكثر بشوي.
ما ينفع اتركب امبلي فاير على سماعات الوكالة لأنها ما راح تستحمل و راح تنشق
_________________________________
معليش على الايطالة بس حبيت افيدكم على حسب خبرتي في السواليف هذي.و انشاء الله تستفيد مني و من كل الاعضاء الي شاركو في الموضوع
رد مع اقتباس
مواقع النشر (المفضلة)