المشاركة الأصلية كتبت بواسطة حميد
هذا يالغالي اللي اقدر افيدك فيه وتحياتيالمشاكل هى كتالى :
1 - الريموت عندى يعلق المشكله مو فيه المشكله انو المسمار باز ولاعاد ينفك مدرى وش الحل .
عندك حلين ياتروح تغير البيت حقه والا كل ماعلق معك تضربه ضربه خفيفه .. بس يرحم والدينك اذا يدينك كنها يدين خباز افغاني اقولك غير البيت احسن:d
2 - رجه بالدركسون واحيانا بالسياره كامله مع العلم انى غيرت 3 انواع من الكفرات اخرها برجستون وقبلها تويو وقوديير وطلعت المشكله مو من الكفرات وخسرت فيها كثير وفحصتها بالوكاله وقالولى مافيها شي رجه بالدركسون بعد ربع ساعه من المشى تختفى وكمان فحصتها عند ناس واجد ولا احد عرف المشكله وخرطت هوبات ونفس الشي والجنوط سليمه .
إذا ماهي من الكفرات يالغالي احتمال تكون من الجنوط .. شيك عليهن
3 - صوت غريب تقربا من سنه ونصف عندى صوت يطلع للجهه اليمنى للسائق بالتحديد جهت الدرج او الباب او الديكور مدرى صوت كذا مثل الزقزقه .
هذي سلمك الله من لسان القفل حط فيه شحم بسيط وتنتهي زقزقة العصافير اللي فيه :d
4 - صوت اخر ولاكن بنغمه واخراج موسيقار محترف خخخخخخخخ ززننننننننننن عند دعس البنزين اثناء القياده واحيانا عند لف الدركسون يمين ويسار والسياره واقفه على فكره لمن اسوق السياره بسرعه بطيئه تقربا من ال 40 الى 60 يطلع الصوت سمعها واحد من الشباب وقالى هاذى علبه الدركسون او الهوز تبع الهيدرولك للباور فيه مشكله مع انو لايوجد زيت تهريب ولاثقل بالدركسون
ممكن :d
اسف على الاطاله وطالبكم طلبه يالنشاما تشوفونلى حل يرحم والدى والديكم الله يوفقكم في اختباراتكم الى يدرس والى مايدرس الله يسهل دربه امين يارب العالمين .:(
رد مع اقتباس
مواقع النشر (المفضلة)